रविवार, 27 सप्टेंबर 2026
IND vs WI 1st ODI First innings Score
नाणेफेक गमावून वेस्ट इंडिज प्रथम फलंदाजी करण्यासाठी मैदानात उतरला. वेस्ट इंडिजच्या सलामीवीरांनी संघाला शानदार सुरुवात करुन दिली. जॉन कॅम्पबेल आणि जस्टिन ग्रीव्हज यांनी पहिल्या विकेटसाठी १३५ धावा जोडल्या. दोघांनाही भारतीय गोलंदाजांवर हल्लाबोल केला. परंतु, फिरकीपटू कुलदीप यादवने कॅम्पबेलला बाद करून ही भागीदारी संपुष्टात आणली. कॅम्पबेलने ६० चेंडूंमध्ये ६ चौकार आणि ३ षटकारांच्या मदतीने ६२ धावांचे योगदान दिले. यानंतर, प्रसिद्ध कृष्णाने किसी कार्टीला १३ धावांवर बाद करून भारताला दुसरे यश मिळवून दिले.
नंतर कर्णधार शाई होप १२ धावा करुन कुलदीपच्या गोलंदाजीवर बाद झाला. यानंतर, कुलदीपने ३६ व्या षटकात सलग दोन चेंडूंवर जस्टिन ग्रीव्हज आणि ज्वेल अँड्र्यू ० धावांवर बाद करुन भारताला आघाडी मिळवून दिली. ग्रीव्हजने १०८ चेंडूंमध्ये शानदार शतकं ठोकतं १०१ धावा केल्या. हे ग्रीव्हजचे पहिले एकदिवसीय शतक होते.कुलदीपच्या फिरकीच्या जादूमध्ये वेस्ट इंडिजची धावसंख्या १९८/५ झाली होती. नंतर, आमिर जांगूने शानदार खेळी करत वेस्ट इंडिजला एका चांगल्या धावसंख्येपर्यंत पोहोचवले. जांगूने ४३ चेंडूंमध्ये सात चौकार आणि एका षटकाराच्या जोरावर नाबाद ५८ धावांचे योगदान दिले. रॉस्टन चेस २४ धावा आणि मॅथ्यू फोर्डने ७ धावा केल्या. भारताकडून कुलदीपने चार, तर प्रसिद्ध कृष्णाने दोन आणि नितीश कुमार रेड्डीने एक विकेट घेतला. संपूर्ण संघाने ७ विकेट्स गमावून २९५ धावा केल्या. वेस्ट इंडिजने भारताला विजयासाठी २९६ धावांचे लक्ष्य ठेवले आहे.
भारत: रोहित शर्मा, शुभमन गिल (कर्णधार), विराट कोहली, ऋतुराज गायकवाड, केएल राहुल (यष्टीरक्षक), नमन धीर, रवींद्र जडेजा, नितीश कुमार रेड्डी, गुरनूर ब्रार, कुलदीप यादव, प्रसिद्ध कृष्णा.
वेस्ट इंडिज: जॉन कॅम्पबेल, जस्टिन ग्रीव्ह्स, केसी कार्टी, शाई होप (कर्णधार आणि यष्टीरक्षक), अमीर जांगू, ज्वेल अँड्र्यू, रॉस्टन चेस, मॅथ्यू फोर्ड, गुडाकेश मोती, अल्झारी जोसेफ, जेडन सील्स.
