Ind vs Wi ODI : ‘हिटमन’ व ‘प्रिन्स’च्या शतकांचा धडाका; विंडीजच्या गोलंदाजांची पिसे काढली

Ind vs Wi ODI : वेस्ट इंडिजविरुद्ध सुरू असलेल्या वनडे सामन्यात रोहित शर्मा व कर्णधार शुभमन गिलने दणदणीत शतक झळकावले. दोघांनी सलामीला येत पहिल्या विकेटसाठी 255 धावांची भागीदारी रचली.

• रोहितचे 35 वे दणदणीत शतक
• गिलने 62 चेंडूंत शंभरी गाठली
• प्रिन्सच्या नावे अनेक रेकॉर्ड

 

हिटमन रोहित शर्मा आणि भारताचा कर्णधार शुभमन गिलने येथे सुरू असलेल्या भारतविरुद्ध वेस्ट इंडिजच्या (Ind vs Wi ODI) दुसऱ्या वनडे सामन्यात सलामीला येत खणखणीत शतकं झळकावले. या दोघांनी सलामीला उतरत पहिल्या विकेटसाठी 255 धावांची भागीदारी केली. त्यांनी यात आणखीन 4 धावा जोडल्या असल्या तर 25 वर्षांपूर्वी सचिन तेंडूलकर व सौरव गांगुली यांच्या सलामीला येत केलेल्या 258 धावांच्या भागीदारीचा विक्रम मोडण्याची त्यांच्याकडे संधी होती.

याआधी वेस्ट इंडिजने भारतासमोर 7 बाद 405 धावांचे आव्हान दिले होते, मात्र गिल व रोहित शर्माच्या वादळीखेळीसमोर त्यांचे गोलंदाज टिकू शकले नाहीत. दोघांनीही त्यांच्या गोलंदाजांची पिसे काढत, आपली विकेट टिकवून ठेवली. गिलने आक्रमक खेळीचा नजराणा दाखवत अवघ्या 62 चेंडूंत दणदणीत शतक साजरे केले. तर रोहितने 72 चेंडूंत 10 चौकार व 6 षटकारांच्या मदतीने आपले 35 वे शतक झळकावले. वेस्ट इंडिजला 26.2 व्या षटकात रोहितकरवी (101) पहिले यश मिळाले. जेडन सेल्सने रोहितला पायचीत करत हे वादळ शमवले.

Make that 3️⃣5️⃣ ODI HUNDREDS for Rohit Sharma 💯 An absolutely scintillating effort to power the chase 🙇‍♂️ Updates ▶️ https://t.co/6XCYRtZLAi#TeamIndia | #INDvWI | @mflone_ | @ImRo45 pic.twitter.com/MyrTT61yyG — BCCI (@BCCI) September 30, 2026

प्रिन्सने अनेक विक्रम रचले

भारतीय संघात प्रिन्स नावाने परिचित शुभमन गिलने वेस्ट इंडिजने दिलेल्या धावांचा पाठलाग करताना धमाल केली. त्याने सुरुवातीपासूनच धावांचा पाऊस पाडण्यास सुरुवात केली. अवघ्या 62 चेंडूंत त्याने आपले शतक झळकावले. अशाप्रकारे भारताच्या वतीने सर्वात जलद शतक करणाऱ्यांच्या यादीत तो पाचव्या स्थानी पोहचला आहे. या यादीत किंग विराट कोहली प्रथम क्रमांकावर असून त्याने जयपुरमध्ये 2013 साली ऑस्ट्रेलियाविरुद्ध 52 चेंडूंत शतक झळकावले होते. तर त्याच्यानंतर 60 चेंडूंत शतक ठोकणाऱ्या विरेंद्र सेहवागचा क्रमांक असून तिसऱ्या स्थानी पुन्हा विराटच्या 61 चेंडूंत ठोकलेल्या शतकाची नोंद आहे. तर चौथ्या स्थानी 62 चेंडूंत शतक झळकावणाऱ्या के. एल. राहुलचे नाव समाविष्ट आहे.

 

Rohit Sharma: हिटमॅनच्या वादळी खेळीत West Indies बुडालं; रोहित शर्माने केला 12 हजार रन्सचा रेकॉर्ड

Back-to-back ODI tons for India skipper Shubman Gill 💪 😮‍💨 📸: @BCCI 📝: https://t.co/qGrCAE7B7s pic.twitter.com/QtuZUSAVtS — ICC (@ICC) September 30, 2026

कमी डावात 11 वे शतक

तसेच कमी डावांत 11 वनडे शतक झळकावणाऱ्यांमध्ये गिलने तिसरे स्थान गाठले आहे. या यादीत पहिल्या स्थानी दक्षिण आफ्रिकेचा हाशिम अमला याचे नाव असून त्याने 64 डावात 11 शतक झळकावली होती, तर त्याच्यानंतर दक्षिण आफ्रिकेचाच क्विंटन डिकॉकचा क्रमांक येतो, त्याने 65, तर तिसऱ्या क्रमांकावर गिलने 68 डावांत ११ शतक झळकावल्याची नोंद आयसीसीच्या रेकॉर्डमध्ये झाली आहे.

ICC ODI Worldcup : 2027 वनडे विश्वचषकाचे वेळापत्रक उद्या होणार जाहीर, जागतिक तिकिट लॉटरीचीही घोषणा