(फोटो सौजन्य-सोशल मीडिया)
अश्विनने आपल्या यूट्यूब चॅनेलवर बोलताना स्पष्ट केले की, सूर्यकुमार यादवला कर्णधार बनवणे हा सर्वात सोपा आणि सरळ निर्णय असायला हवा होता. तो म्हणाला, “सूर्यकुमार यादवलाच कर्णधार बनवायला हवे होते. त्याला डावलून दुसऱ्याला ही जबाबदारी देणे नक्कीच चिंतेची बाब आहे.” सध्याचा फॉर्म आणि रेकॉर्ड पाहता सूर्यकुमार यादव (SKY) हाच मुंबई इंडियन्सचा कर्णधार होण्यासाठी योग्य उमेदवार होता.
टी-२० वर्ल्ड कप विजय संपादन केला. जुलै २०२४ मध्ये भारतीय संघाची धुरा सांभाळल्यापासून सूर्याच्या नेतृत्वाखाली संघाने एकही टी-२० मालिका गमावलेली नाही. त्याबरोबर यशस्वी नेतृत्व असल्यामुळे त्याच्याकडे धुरा द्यावी. सूर्याने भारताला आयसीसी मेन्स टी-२० वर्ल्ड कप २०२६ चे जेतेपद मिळवून दिले आहे, त्यामुळे त्याच्याकडे मोठ्या स्पर्धा जिंकण्याचा अनुभव आहे.
अश्विनने हार्दिक पांड्याच्या क्षमतेवर पूर्णपणे शंका घेतली नाही. त्याने आठवण करून दिली की, हार्दिकने गुजरात टायटन्सला पहिल्याच प्रयत्नात जेतेपद मिळवून दिले होते. मात्र, मुंबई इंडियन्समध्ये त्याच्यासाठी परिस्थिती कठीण असल्याचे अश्विनला वाटते. अश्विन म्हणाला, “जेव्हा भारतीय संघाचा कर्णधार सूर्यकुमार असतो आणि तोच खेळाडू आयपीएलमध्ये हार्दिकच्या नेतृत्वाखाली खेळतो, तेव्हा ही स्थिती मानसिक दबाव निर्माण करू शकते. हार्दिकला जर संघ व्यवस्थापनाचा पूर्ण पाठिंबा मिळाला आणि तो बाहेरील दबावापासून दूर राहिला, तरच तो यशस्वी होऊ शकतो.”
केवळ अश्विनच नाही, तर यापूर्वी भारताचे माजी क्रिकेटपटू कृष्णमाचारी श्रीकांत यांनीही सूर्याला कर्णधार बनवण्याची मागणी केली होती. चाहत्यांमध्येही सूर्याबद्दल मोठी सहानुभूती असून, हार्दिकला पुन्हा एकदा प्रेक्षकांच्या रोषाला सामोरे जावे लागू शकते, अशी भीती व्यक्त होत आहे.
मुंबई इंडियन्स आपला पहिला सामना २९ मार्च रोजी वानखेडे स्टेडियमवर कोलकाता नाईट रायडर्स विरुद्ध खेळणार आहे. आता हार्दिक पांड्या या दबावाखाली संघाला कसे हाताळतो, हे पाहणे औत्सुक्याचे ठरेल.
हार्दिक पांड्या (कर्णधार), रोहित शर्मा, सूर्यकुमार यादव, तिलक वर्मा, रयान रिकेल्टन, रॉबिन मिंज, मिचेल सँटनर, कॉर्बिन बॉश, नमन धीर, जसप्रीत बुमराह, ट्रेंट बोल्ट, अल्लाह गजनफर, अश्विनी कुमार, रघु शर्मा, राज बावा, दीपक चहर, विल जॅक्स, शेरफेन रदरफोर्ड, मयंक मार्कंडेय, शार्दुल ठाकूर, क्विंटन डिकॉक, दानिश मालेवर, मोहम्मद इजहार आणि मयंक रावत.
