सोमवार, 21 सप्टेंबर 2026
Ipl 2027 : 'थलायवा' धोनीच्या संघानं भाकरी फिरवली; झहीर खान चेन्नई सुपर किंग्जच्या मुख्य प्रशिक्षकपदी, सौजन्य : एआयएनएस
इंडियन प्रीमियर सुपर लीग (Ipl 2027) मधील पाच वेळचा विजेत्या असलेल्या चेन्नई सुपर किंग्ज (सीएसके)ने सोमवारी भाकरी फिरवली. सीएसकेच्या व्यवस्थापनाने मागील 18 हंगाम आपल्यासोबत असलेल्या स्टीफन फ्लेमिंग यांच्या जागी भारताचे माजी डावखुरे वेगवान गोलंदाज झहीर खान यांना आपले नवे मुख्य प्रशिक्षक घोषित केले आहे.
सलग तिसऱ्यांदा ‘थलायवा’ महेंद्रसिंह धोनीचा चेन्नई सुपर किंग्ज संघ हा आयपीएलमधील प्लेऑफ गाठू शकला नाही. यामुळे फ्लेमिंग यांना आपले पद सोडावे लागले. सीएसकेने सोमवारी एक प्रसिद्धीपत्रक जारी केले, ज्यात झहीर खान यांचे वक्तव्य आहे. त्यात झहीर म्हणतात की, आयपीएलच्या इतिहासातील सर्वात यशस्वी संघापैकी एक असलेल्या संघाचा भाग बनणे माझ्यासाठी सन्मानाची बाब आहे.
एका क्रिकेटपटूच्या रुपात मैदानात सीएसकेचा सामना करताना मी खूप आनंद घेतला आहे. चेपॅकमध्ये सुपरफॅन्सद्वारे निर्माण करण्यात येणारे वातावरण खूप खास असते. मी या शानदार इतिहास असलेल्या प्रतिष्ठीत फ्रँचायजीसोबत काम करण्यास उत्सुक असल्याचे त्यांनी सांगितले.
आपल्या शानदार 14 वर्षाच्या आंतरराष्ट्रीय कारकिर्दीत झहीर खान यांनी भारतासाठी 92 कसोटी सामन्यात 311 विकेट प्राप्त केलेत, तर 200 वनडे सामन्यात त्यांनी एकूण 282 विकेट आपल्या खात्यात जमा केलेत. या दिग्गज गोलंदाजाने भारतासाठी 17 -टी 20 सामने खेळताना आपल्या नावे 17 विकेटची नोंद केली आहे.
आयपीएलमध्येही त्यांची कामगिरी उत्तुंग अशीच राहिली आहे. आयपीएलच्या कारकिर्दीत तीन (रॉयल चॅलेंजर्स बंगळुरू, मुंबई इंडियन्स आणि दिल्ली कॅपिटल्स) वेगवेगळ्या संघांकडून खेळताना त्यांनी 100 सामन्यात 102 गडी बाद केले आहेत.
IND vs JPN T20: भारत-जपान पहिल्यांदाच भिडणार! कुठे पाहता येणार LIVE सामना? जाणून घ्या संपूर्ण माहिती
वनडे विश्वचषक 2011 मध्ये भारताला जेतेपद मिळवून देण्यास महत्त्वाची भूमिका बजावणारे झहीर हे चेन्नई सुपर किंग्जच्या गटात आपले रणनीतिक नियोजन आणि प्रशिक्षणाचा अनुभव घेऊन येत आहेत. आयपीएल 2025 मध्ये लखनऊ सुपर जायंट्ससोबत मेंटॉरची भूमिका बजावण्याआधी ते मुंबई इंडियन्समध्ये क्रिकेट ऑपरेशन्सच्या डायरेक्टर आणि ग्लोबल डेव्हलपमेंटचे हेड राहिलेले आहेत.
झहीर यांनी यावर्षाच्या सुरुवातीला बंगळुरूमध्ये बीसीसीआय सेंटर ऑफ एक्सीलेंस (सीईओ)मध्ये इंडिया ‘ए’, अंडर-19 आणि निवडण्यात आलेल्या खेळाडूंसाठी फास्ट बॉलिंग कॅम्पही चालवला होता. फ्लेमिंग यांनी सीएसके सोडल्यानंतर व अनेक उमेदवारांशी चर्चा केल्यानंतर झहीर यांची निवड करण्यात आली आहे.
असे सांगण्यात येत आहे की, चेन्नई सुपर किंग्जचा माजी कर्णधार महेंद्रसिंह धोनीने भारतीय परिस्थिती व स्थानिक खेळाडूंची समझ पाहता मुख्य प्रशिक्षक हा भारतीय असावा यावर जोर दिला होता.
अभिषेक बच्चनच्या ETPL ला मिळाले पहिलेवहिले विजेतेपद! एडिनबर्ग कॅसल रॉकर्सने उंचावली ट्रॉफी
