IPL Playoffs : मुंबई, बंगळुरू प्लेऑफमध्ये फिक्स खेळणार! CSK-RR ला बाहेरचा रस्ता, तर KKR-SRH चा मार्ग अवघड 

आयपीएल 2025 मध्ये आतापर्यंत 51 सामने खेळवण्यात आले आहेत. चेन्नई सुपर किंग आणि राजस्थान रॉयल्स हे दोन संघ प्लेऑफमधून बाहेर पडले आहेत. तर इतर काही संघ स्पर्धेत टिकून आहेत.

आयपीएल टीम(फोटो-सोशल मिडिया)

Follow Us:

Follow Us:

IPL Playoffs : आयपीएल 2025 च्या 18 व्या हंगमंत आतापर्यंत 51 सामने खेळवण्यात आले आहेत. गुणतालिकेत मोठे उलटफेर बघायला मिळत आहेत. गुरुवारी सवाई मानसिंग स्टेडियमवर झालेल्या मुंबई इंडियन्सकडून १०० धावांनी पराभव पत्करावा लागला. त्यामुळे, राजस्थान रॉयल्स आयपीएल २०२५ च्या प्लेऑफच्या शर्यतीतून बाहेर गेला आहे. हा पराभव आरआरचा ११ सामन्यांमधील  तब्बल ८ वा पराभव ठरला.  प्रथम फलंदाजी करताना एमआयने २ बाद २१७ धावा केल्या. प्रत्युत्तरादाखल, आरआर १७व्या षटकात ११७ धावांवर गारद झाला. सर्वांच्या नजरा वैभव सूर्यवंशीवर होत्या, जो दीपक चहरच्या गोलंदाजीवर शून्यावर बाद झाला. एमआयने सलग सहावा विजय नोंदवला. या पराभवासह, आरआर आयपीएल २०२५ मधून बाहेर पडणारा चेन्नई सुपर किंग्जनंतरचा दुसरा संघ बनला आहे. याशिवाय, इतर संघ अजून देखील प्लेऑफच्या स्पर्धेत टिकून आहेत.

• मुंबई इंडियन्स : गुणतालिकेत अव्वल स्थान काबिज करणाऱ्या संघाला उर्वरित तीन सामन्यांपैकी फक्त एका विजयाची आवश्यकता आहे. एमआयचा सर्वोत्तम नेट रन रेट (एनआरआर) +१.२७४ आहे. आता त्यांना त्यांच्या उर्वरित सामन्यांमध्ये गुजरात टायटन्स, पंजाब किंग्ज आणि दिल्ली कॅपिटल्सचा सामना करावा लागणार आहे.

हेही वाचा : कोहली-धोनीच्या शेवटच्या आयपीएल लढतीत पाऊस खलनायक ठरेल का? RCB vs CSK सामना वाया गेला तर…

• रॉयल चॅलेंजर्स बंगळुरू: आरसीबी शेवटच्या चार लीग स्टेज सामन्यांमध्ये एक विजय मिळवून प्लेऑफसाठी पात्र ठरू शकते. आरसीबीचा एनआरआर +०.५१२ आहे. आरसीबी आता उर्वरित सामन्यांमध्ये सीएसके, एलएसजी, एसआरएच आणि केकेआरशी सामना करेल.
• पंजाब किंग्ज : प्लेऑफमध्ये प्रवेश करण्यासाठी पंजाबला उर्वरित चारपैकी दोन सामने जिंकावे लागतील. पीबीकेएसचे आतापर्यंत १३ गुण आहेत आणि त्यांचा एनआरआर ०.१९९ आहे. लीग स्टेजच्या आगामी सामन्यांमध्ये ते लखनौ, दिल्ली, मुंबई आणि राजस्थानशी सामना करतील.
• गुजरात टायटन्स : शुभमन गिलच्या नेतृत्वाखालील संघाने आतापर्यंत ९ सामन्यांत +०.७४८ च्या एनआरआर सह १२ गुण मिळवले आहेत. लीग टप्प्यातील उर्वरित ६ सामन्यांमध्ये त्यांना दोन विजयांची आवश्यकता आहे. उर्वरित सामन्यांमध्ये त्यांना हैदराबाद, मुंबई, दिल्ली, लखनौ आणि चेन्नईचा सामना करावा लागणार आहे.
• दिल्ली कॅपिटल्स : १० सामन्यांत १२ गुणांसह, अलिकडच्या पराभवांनंतरही डीसी आरामदायी स्थितीत आहे. अक्षर पटेलच्या नेतृत्वाखालील संघाचा एनआरआर+०.३६२ आहे आणि त्यांना लीग टप्प्यातील शेवटच्या चार सामन्यांपैकी दोन विजयांची आवश्यकता आहे.

हेही वाचा : RCB vs CSK Playing 11 : बंगळुरूच्या नशिबी पहिले स्थान असणार का? जाणून घ्या आजच्या सामन्यात कशी असेल संघाची प्लेइंग 11

• लखनौ सुपर जायंट्स : अश्वभ पंतच्या नेतृत्वाखालील संघाचे सामन्यांतून १० गुण आहेत आणि त्यांचा एनआरआर-०.३२५ आहे. त्यांच्या कमी एनआरआरमुळे, एलएसजीला त्यांच्या उर्वरित चार सामन्यांपैकी तीन मोठ्या फरकाने जिंकावे लागतील, जे अजिबात सोपे नाही
• कोलकाता नाईट रायडर्स आणि सनरायझर्स हैदराबाद : प्लेऑफमध्ये स्थान मिळवण्याच्या दृष्टीने केकेआर आणि एसआरएच दोघेही कठीण परिस्थितीत आहेत. केकेआरला चार विजय मिळवायचे आहेत. हैदराबादचे अजून ५ सामने बाकी आहेत आणि त्यांना प्रत्येक सामना मोठ्या फरकाने जिंकावा लागेल.

Web Title: Ipl playoffs mumbai bangalore to play fixed matches in playoffs csk rr out of the picture

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com