रविवार, 25 ऑक्टोबर 2026
फोटो सौजन्य - सोशल मिडिया
An angry farewell to Ishan Kishan : आयपीएल २०२६ सुरू होण्यापूर्वी संघ सराव करत आहेत. २१ मार्च रोजी सनरायझर्स हैदराबादच्या सराव सामन्यादरम्यान एक अनपेक्षित घटना घडली. एसआरएचचा फिरकी गोलंदाज झीशान अन्सारीने कर्णधार ईशान किशनला बाद केले आणि त्यानंतर त्याचा संयम सुटला. त्याने रागाच्या भरात एसआरएचच्या कर्णधाराला पॅव्हेलियनमध्ये परत पाठवले. याचा एक व्हिडिओ आता सोशल मीडियावर व्हायरल होत आहे.
एसआरएचने एक सराव सामना आयोजित केला, ज्यात संघाला दोन संघांमध्ये विभागण्यात आले. सराव सत्रादरम्यान, २६ वर्षीय लेग-स्पिनर झीशान अन्सारी दुसऱ्या डावातील आठवे षटक टाकण्यासाठी आला. दरम्यान, इशान किशन २० चेंडूंमध्ये ५२ धावांवर फलंदाजी करत होता. झीशानच्या पहिल्या चार चेंडूंवर दोन षटकार आणि दोन चौकार ठोकण्यात आले. ईशानने फिरकी गोलंदाजाला चांगलेच अडचणीत आणले होते, आणि मग, पाचव्या चेंडूवर मोठा फटका मारण्याच्या प्रयत्नात तो बाद झाला.
त्यानंतर झीशानचा संयम सुटला आणि तो कर्णधाराशी वाद घालू लागला. त्याने रागाने ईशानला मैदानाबाहेर पाठवले. वाद घालण्याऐवजी, त्या टी-२० विश्वचषक विजेत्याने हसतमुखाने संभाषण संपवण्याचा निर्णय घेतला. दुखापतीमुळे पॅट कमिन्स आयपीएल २०२६ चे सुरुवातीचे काही सामने खेळू शकणार नाही. याच कारणामुळे एसआरएचने इशान किशनला कर्णधार म्हणून नियुक्त केले आहे. कमिन्सच्या अनुपस्थितीत इशान संघाचे नेतृत्व करेल. झीशान अन्सारी हा एसआरएचचा सर्वात महत्त्वाचा फिरकी गोलंदाज आहे. गेल्या हंगामात त्याने १० सामन्यांमध्ये सहा बळी घेतले होते.
Send off to Ishan Kishan 🤯 During the intra squad match today, Zeeshan Ansari, a bowler for Sunrisers Hyderabad, was seen giving a send off to his own captain Ishan Kishan after dismissing him. The team atmosphere doesn’t seem to be very good. pic.twitter.com/3b75QtTh3F — Stubbsy (@spideypant_) March 21, 2026
तो सध्या चांगल्या फॉर्ममध्ये आहे आणि आयपीएल २०२६ मध्ये त्याच्याकडून दमदार कामगिरीची अपेक्षा एसआरएचला असेल. कर्णधार इशानची इच्छा असेल की, झीशानने आयपीएल २०२६ मध्ये आपला फॉर्म आणि आक्रमक दृष्टिकोन कायम ठेवावा. स्पर्धेतील एसआरएचचा पहिला सामना २८ मार्च रोजी बंगळूरू येथील एम. चिन्नास्वामी स्टेडियमवर आरसीबीविरुद्ध होईल.
या सराव सामन्याबद्दल बोलायचे झाल्यास, अभिषेक शर्माची फलंदाजीची ताकदही दिसून आली, ज्यात त्याने ९४ धावांची शानदार खेळी केली. याशिवाय, हेनरिक क्लासेनने ४९ धावा केल्या, तर सलील अरोराच्या बॅटने १६ चेंडूंमध्ये ४७ धावांची खेळी करून दाखवली. सनरायझर्स हैदराबादचा महत्त्वाचा खेळाडू ट्रॅव्हिस हेड अजून संघात सामील झालेला नाही, त्याच्या आगमनाने त्यांची आघाडीची फळी कोणत्याही संघाच्या गोलंदाजांच्या मनात दहशत निर्माण करू शकते.
