Cricket: पिंपरी चिंचवड करंडकात लक्ष्य ॲकॅडमीचा धमाका! कुंदन कुमारच्या अष्टपैलू कामगिरीने थेट…

Cricket: निलेश दिघेने केवळ १९ चेंडूंत ६ चौकार आणि ४ षटकारांसह नाबाद ५८ धावा करत धावसंख्येला मोठी चालना दिली. विक्रम भेगाडेने ४२, तर गणेश धामणकरने २८ धावांचे योगदान दिले

• पिंपरी चिंचवड करंडकमध्ये लक्ष्य, मावळ वॉरीयर्स विजयी
• लक्ष्य क्रिकेट ॲकॅडमीचा ५२ धावांनी झाला विजय 
• मावळ वॉरीयर्सचा १३३ रन्सने दणदणीत विजय

Cricket: पिंपरी चिंचवड शहर क्रिकेट असोसिएशनच्या वतीने आयोजित ‘पिंपरी चिंचवड करंडक’ आंतरक्लब खुल्या गटाच्या टी-२० क्रिकेट स्पर्धेत लक्ष्य क्रिकेट ॲकॅडमी आणि मावळ वॉरीयर्स या संघांनी दमदार विजय मिळवत उपांत्यपूर्व फेरीत प्रवेश केला.हिंजवडी येथील फोर स्टार क्रिकेट मैदानावर सुरू असलेल्या स्पर्धेत लक्ष्य क्रिकेट ॲकॅडमीने प्राधिकरण जिमखाना संघाचा ५२ धावांनी पराभव केला.

लक्ष्यच्या विजयात कुंदन कुमारच्या अष्टपैलू कामगिरीचा महत्त्वाचा वाटा राहिला. प्रथम फलंदाजी करताना लक्ष्य क्रिकेट ॲकॅडमीने २० षटकांत ९ गडी गमावून १५९ धावा केल्या. कुंदन कुमारने ३९, अमेय जाधवने २२, तर जयेश राठोडने १८ धावांचे योगदान दिले. प्राधिकरण जिमखान्याकडून अरूश गुप्ताने १३ धावांत पाच गडी बाद करत भेदक गोलंदाजी केली.

Cricket: अजित वाडेकर ॲकॅडमीचा जलवा; ‘पुना वेस्टर्न क्लब करंडक‌’मध्ये सलग 2 दणदणीत विजय

प्रितम सूर्यवशींची अप्रतिम गोलंदाजी

विजयासाठी १६० धावांचे आव्हान घेऊन मैदानात उतरलेल्या प्राधिकरण जिमखान्याचा डाव १९.५ षटकांत १०७ धावांवर आटोपला. आदित्य भोसलेने ४६ धावांची झुंजार खेळी करत प्रतिकार केला. मात्र, लक्ष्यच्या प्रितम सूर्यवंशीने २८ धावांत चार गडी बाद करत प्राधिकरणच्या फलंदाजीला खिंडार पाडले. कुंदन कुमारने दोन गडी बाद करत संघाच्या विजयाला हातभार लावला. अष्टपैलू कामगिरीसाठी कुंदन कुमारला सामनावीराचा पुरस्कार देण्यात आला.

 मावळ वॉरीयर्सची धावांची आतषबाजी

दुसऱ्या सामन्यात जशन सिंगच्या आक्रमक फलंदाजीच्या जोरावर मावळ वॉरीयर्सने पीसीएमसी क्रिकेट ॲकॅडमीचा तब्बल १३३ धावांनी पराभव केला. या विजयासह मावळ वॉरीयर्सनेही उपांत्यपूर्व फेरीतील स्थान निश्चित केले.प्रथम फलंदाजी करताना मावळ वॉरीयर्सने २० षटकांत ८ गडी गमावून तब्बल २५७ धावांचा डोंगर उभा केला. जशन सिंगने अवघ्या ४४ चेंडूंत ७ चौकार आणि ६ षटकारांच्या मदतीने ८२ धावांची आक्रमक खेळी केली.

निलेश दिघेने केवळ १९ चेंडूंत ६ चौकार आणि ४ षटकारांसह नाबाद ५८ धावा करत धावसंख्येला मोठी चालना दिली. विक्रम भेगाडेने ४२, तर गणेश धामणकरने २८ धावांचे योगदान दिले. प्रचंड धावसंख्येचा पाठलाग करताना पीसीएमसी क्रिकेट ॲकॅडमीचा डाव २० षटकांत ७ गडी बाद १२४ धावांवर थांबला. समर्थ जगतापने २६, तर अर्जुन साळुंकेने ३६ धावा केल्या. मावळ वॉरीयर्सकडून चैतन्य कोंडभर आणि युवराज गोळे यांनी प्रत्येकी दोन गडी बाद केले. ८२ धावांच्या आक्रमक खेळीसाठी जशन सिंगला सामनावीराचा पुरस्कार देण्यात आला.

Cricket: एक शतक अन् २५७ रन्सचे विजय! युनिटी करंडकात आर्यन्स क्रिकेट अकादमीची शानदार कामगिरी

सामन्यांचा संक्षिप्त निकाल

पहिली बाद फेरी

लक्ष्य क्रिकेट ॲकॅडमी : २० षटकांत ९ गडी बाद १५९ धावा — कुंदन कुमार ३९, अमेय जाधव २२, जयेश राठोड १८; अरूश गुप्ता ५-१३.

प्राधिकरण जिमखाना : १९.५ षटकांत सर्वबाद १०७ धावा — आदित्य भोसले ४६, अंकुर मिश्रा १४; प्रितम सूर्यवंशी ४-२८, कुंदन कुमार २-४.
सामनावीर : कुंदन कुमार.