रवी बिश्नोई आणि ऋषभ पंत(फोटो-सोशल मिडिया)
IPL 2025 : आयपीएल सामन्यात चेन्नई सुपर किंग्जविरुद्धच्या सामन्यात चांगला स्पेल असूनही डेथ ओव्हर्समध्ये गोलंदाजी करण्याची संधी का मिळाली नाही हे माहित नाही, परंतु कर्णधार ऋषभ पंतच्या निर्णयाचे समर्थन लखनौचा लेग स्पिनर रवी बिश्नोईने केले आणि म्हटले की, कर्णधार म्हणून त्याच्या मनात काही विशिष्ट योजना होत्या. जेव्हा चेन्नईला ३० चेंडूत ५६ धावांची आवश्यकता होती आणि महेंद्रसिंग धोनी आणि शिवम दुबे खेळत होते, तेव्हा पंतने फिरकी गोलंदाजांऐवजी वेगवान गोलंदाजांसह गोलंदाजी करण्याचा निर्णय घेतला. परंतु त्याची चाल अयशस्वी झाली आणि धोनीने ११ चेंडूत २६ धावा करून संघाला विजय मिळवून दिला. मी प्रत्यक्षात त्याच्याशी (ऋषभ पंत) याबद्दल बोललो नाही. मी दोन दा विकेटवर आलो होतो पण कदाचित त्याच्या मनात काही वेगळेच नियोजन असेल. कदाचित त्याचा दृष्टिकोन वेगळा असेल.
हेही वाचा : RR vs DC : घरच्या मैदानावर विजय नोंदविण्यासाठी डीसी सज्ज, अक्षर पटेलसमोर संजू सॅमसनच्या राजस्थानचे आव्हान
कर्णधार परिस्थितीचे चांगले आकलन करू शकतो आणि यष्टीमागे उभा राहून तो गोष्टी चांगल्या प्रकारे समजून घेऊ शकतो. म्हणून, मला वाटते की त्याने तो निर्णय घेतला जो त्याला सर्वोत्तम वाटला. माझ्या चौथ्या षटक टाकण्याबाबत त्याच्याशी कोणतीही चर्चा झाली नाही. त्याला काय करायचे आहे याची त्याची स्पष्ट दृष्टी होती. अशा तणावपूर्ण परिस्थितीत कर्णधाराने त्याच्या विचारसरणीने पुढे जाणे चांगले जेणेकरून तो चांगला निर्णय घेऊ शकेल.
नियमित कर्णधार ऋतुराज गायकवाड दुखापतीमुळे बाहेर पडल्यानंतर आणि संघाचे गोलंदाजी प्रशिक्षक एरिक सिमन्स यांनी सांगितले की, त्याचा प्रभाव संपूर्ण संघावर दिसून येत असतो. त्यानंतर धोनीने पुन्हा एकदा चेन्नईची जबाबदारी स्वीकारली आहे. त्याचा प्रभाव हा नेहमीच असतो. तो कर्णधार नसतानाही त्याचा संघावर प्रभाव होता. ऋतुराजसोबतचे त्याचे नाते महत्त्वाचे होते. असे नाही की तो खेळाच्या तांत्रिक बाबी शिकवतो पण तो संघात शांती आणतो. अशाप्रकारे तो तुम्हाला खेळायला शिकवतो. तो क्रिकेटची चांगली समज शिकवतो जो खेळाचा एक अतिशय महत्त्वाचा पैलू आहे.
काल म्हणजेच सोमवार रोजी (१४ एप्रिल) भारतरत्न श्री अटलबिहारी वाजपेयी एकाना क्रिकेट स्टेडियमवर एलएसजी विरुद्ध सीसके सामाना खेळवण्यात आला. नाणेफेक गामावणाऱ्या लखनौ सुपर जायंट्सने प्रथम प्रथम फलंदाजी करत २० षटकांत सात गडी गमावून १६६ धावा केल्या होत्या. प्रतिउत्तरात सीएसकेने तीन चेंडू शिल्लक ठेवत लक्ष्य पूर्ण करुण लागोपाठ पराभव पचवून विजय नोंदवला आहे.
