गुरुवार, 5 नोव्हेंबर 2026
फोटो सौजन्य - ऑलिम्पिक खेळ
मनु भाकर : मनु भाकरची नजर ऑलिम्पिकच्या तिसऱ्या पदकावर आहे. भारतीय खेळाच्या इतिहासामध्ये असे अजुनपर्यत कोणत्याही खेळाडूने असा चमत्कार केलेला नाही तिने भारतासाठी दोन पदक आधीच पॅरिस ऑलिम्पिकमध्ये मिळवली आहेत. भारताची स्टार शूटर मनु भाकरने पॅरिस ऑलिम्पिकमधील तिसरी फायनल २ ऑगस्ट रोजी गाठली आहे. ती तिच्या तिसऱ्या मेडलपासून फक्त काही अंतरावर आहे. आज तिचा फायनलच्या सामना ती दुपारी १ वाजता खेळणार आहे. क्वालिफिकेशन राउंडमध्ये तिने दुसरे स्थान गाठून फायनलमध्ये एंट्री केली आहे. नजर टाका मनु भाकरच्या पॅरिस ऑलिम्पिकमधील कामगिरीवर.
मनु भाकरच्या कामगिरीबद्दल बोलायचं झालं तर, तिने आतापर्यंत पॅरिस ऑलिम्पिक २०२४ मध्ये दोन ब्रॉन्झ मेडल जिंकली आहे. पहिल्या स्पर्धेमध्ये ती १० मीटर एअर पिस्तूलमध्ये तिने भारताला पहिले पदक मिळवून दिलं आणि तिचे ०.१ ने सिल्वर मेडल हुकलं. त्याचबरोबर ती पाहिली भारतीय महिला शुटर ठरली आहे जिने शूटिंगमध्ये पदक मिळवले आहे. त्यानंतर क्वालिफिकेशन राउंडमध्ये थेट ब्राँझ मेडल सामना गाठून मनु भाकर आणि सरबजोत सिंह यांनी कोरियाला पराभूत करून भारताला दुसरे ब्रॉन्झ मेडल मिळवून दिले आहे. त्यानंतर भारताला तिसरे पदकसुद्धा शूटिंगमधून स्वप्नील कुसाले मिळवून दिले आहे.
View this post on Instagram
कालच्या क्वालिफिकेशन राउंडमध्ये मनुने दुसरे स्थान गाठून सलग तिसरी फायनल गाठली आहे. याआधी भारताचा स्टार शूटर आणि ऑलिम्पिक गोल्ड मेडलिस्ट अभिनव बिंद्राने तीन फायनलमध्ये प्रवेश केला होता. आजच्या भाकरच्या मॅचवर भारतीयांच्या नजरा असणार आहेत कारण भारतीयांना मनु भाकर कडून मोठ्या अपेक्षा आहेत. आजच्या पदक तिने मिळवल्यास असे भारताच्या इतिहासामध्ये एका खेळाडूने एकाच ऑलिम्पिकमध्ये तीन पदक मिळवणारा पहिला खेळाडू ठरेल. मनु भाकरच्या या कामगिरीवर भारतातील जनतेने तिचा सोशल मीडियावर कौतुकाचा वर्षाव केला आहे.
