मोहम्मद शामी एक वर्षांपासून भारतीय संघाच्या बाहेर
सध्या शामी लखनौ सुपर जायट्स संघाचा खेळाडू
निवृत्तीबाबत शामीने मोठे विधान
Mohammed Shami Retirement: सध्या आयपीएलचा महासंग्राम सुरू झाला आहे. आतापर्यंत तीन सामने आयपीएलचे झाले आहेत. दरम्यान भारतीय संघाचा वेगवान खेळाडू मोहम्मद शामीबाबत एक मोठी बातमी समोर आली आहे. गेल्या काही महिन्यांपासून शामी भारतीय संघाच्या बाहेर आहे. त्यामुळे तो निवृत्त होणार का अशी चर्चा रंगू लागली आहे. यावर आता खुद्द शामीने यावर भाष्य केले आहे.
मोहम्मद शामी सध्या 35 वर्षांचा असून तो निवृत्त होणार असल्याच्या चर्चा रंगू लागल्या आहेत. आता खुद्द मोहम्मद शामीने याबाबत भाष्य केले आहे. एका कार्यक्रमाबाबत मोहम्मद शामीने आपल्या निवृत्तीबाबत भाष्य केले आहे. जेव्हा मी थकेन तेव्हा मी निर्णय घेईन, असे वेगवान गोलंदाज मोहम्मद शामीने सांगितले आहे. असे सांगत मोहम्मद शामीने आपल्या निवृत्तीच्या चरचाल पूर्णविराम दिला आहे.
मोहम्मद शमी म्हणाला, “ज्या दिवशी मला या खेळाचा कंटाळा येईल तेव्हा मी क्रिकेट सोडून देइन मी आधी पण सांगितले आहे. जेव्हा मला कंटाळा येईल तेव्हा मी थांबेन. आता मला कंटाळा आला नाही, त्यामुळे मी खेळत राहणार आहे. मी आता या खेळाचा आनंद घेत आहे.”
आयपीएल 2026 मध्ये मोहम्मद शामीने लखनौ सुपर जायंट्सकडून खेळणार आहे. मोहम्मद शामी लखनौ सुपर जायट्सकडून आपला पहिला सामना दिल्ली कॅपिटल्स विरुद्ध 1 एप्रिल रोजी खेळणार आहे. हा सामना लखनौच्या स्टेडियमवर खेळवला जाणार आहे. जर लखनौ सुपर जायट्सने माझ्यावर विश्वास दर्शवला आहे, तर मी त्यांचा विश्वास पूर्ण करेन, असे मोहम्मद शामी म्हणाला.
.png "Videos"){kind=small}
