NZ A vs IND A: बेईमानीचा कळस, देवदत्त पडिक्कल दुहेरी शतकाच्या उंंबरठ्यावर असताना चुकीचा निर्णय; अंपायरची मोठी चूक

NZ A vs IND A: देवदत्त पडिक्कल न्यूझीलंड ए च्या विरुद्ध पहिले दुहेरी शतक लावण्याच्या उंबरठ्यावर असताना अंपायरच्या चुकीच्या निर्णयामुळे पॅव्हेलियनमध्ये परतावे लागले. नक्की काय घडले

• भारत ए विरूद्ध न्यूझीलंड ए सामना चर्चेत

• देवदत्त पडिक्कलच दुहेरी शतक हुकले

• अंपायरच्या चुकीच्या निर्णयामुळे झाला घोळ 

NZ A vs IND A: धडाडीचा तरूण फलंदाज देवदत्त पडिक्कलचे न्यूझीलंड ए विरूद्ध दुहेरी शतक केवळ एक धावेमुळे हुकले. तो भारत ‘अ’ संघाकडून न्यूझीलंड ‘अ’ संघाविरुद्ध पहिल्या अनधिकृत कसोटी सामन्यात खेळत आहे. देवदत्त पडिक्कल १९९ धावा करून पडिक्कल पॅव्हेलियनमध्ये परतला. तिसऱ्या क्रमांकावर फलंदाजीला आलेल्या पडिक्कलने २४८ चेंडूंचा सामना करत १९९ धावा केल्या. आपल्या खेळीत त्याने २४ चौकार आणि तीन षटकार मारले. मात्र त्याची ही खेळी नक्कीच मनाला चटका लाऊन गेली. तेदेखील अंपायरच्या एका चुकीच्या निर्णयामुळे. 

अंपायरचा चुकीचा निर्णय?

Seen this Our RCB blood Devdutt Padikkal deserved that double hundred. Totally disappointed with the umpire decision. He missed it by just 1 run https://t.co/yOzYoc9qxB — Ocea’n Singh (@JassuKing64) October 26, 2026

लेग साइडकडे जाणाऱ्या चेंडूवर देवदत्त पडिक्कलला झेलबाद करण्यात आले. मात्र चेंडू त्याच्या बॅटला लागला नाही असं दिसून येत आहे. पडिक्कलने लेग साइडवर चेंडू फ्लिक करण्याचा प्रयत्न केला पण चेंडू त्याच्या पॅडला आदळल्यानंतर तो यष्टीरक्षकाच्या हातात गेला. न्यूझीलंड अ कडून थोडेसे अपील होते पण अंपायरने बोट वर केले. अंपायरच्या निर्णयाने पडिक्कल आश्चर्यचकित झाला आणि या निर्णयाला त्याने विरोधही दर्शवला असल्याचं दिसून आलं. 

‘सिक्सर किंग’चा स्वॅगच वेगळा! Abhishek Sharma ने पावरप्लेमध्ये ठोकलं षटकारांचं ‘शतक’; अशी कामगिरी करणारा पहिलाच फलंदाज

देवदत्त पडिक्कलचे १२ वे शतक

भारत A आणि न्यूझीलंड A यांच्यातील तीन सामन्यांच्या अनधिकृत कसोटी मालिकेत DRS नाही. या कारणामुळे पंचांच्या निर्णयाला आव्हान देता आले नाही. धक्का बसलेल्या आणि निराश झालेल्या देवदत्त पडिक्कलला पॅव्हेलियनमध्ये परतावे लागले. 26 वर्षीय पडिक्कलचे हे प्रथम श्रेणी क्रिकेटमधील 12वे शतक होते. भारतीय संघासाठी खेळल्या गेलेल्या चार कसोटी सामन्यांमध्ये त्याने दोन शतके झळकावली आहेत.

पिछाडीवर असलेल्या भारत अ संघाची मोठी आघाडी

बर्ट सटक्लिफ ओव्हल येथे भारत अ संघ पहिल्या डावात २०४ धावांनी पिछाडीवर होता. न्यूझीलंड अ संघाविरुद्ध संघाचा डाव अवघ्या 113 धावांवर आटोपला. प्रत्युत्तरात न्यूझीलंड अ संघाने 317 धावा केल्या. देवदत्त पडिक्कल आणि साई सुदर्शन यांनी दुसऱ्या डावात 10 धावांत दोन गडी गमावल्यानंतर भारत अ संघासाठी 215 धावांची भर घातली. 

सुदर्शन ९१ धावा करून बाद झाला. कर्णधार ध्रुव जुरेलला केवळ दोन धावा करता आल्या. पण पडिक्कलने 5व्या विकेटसाठी यश राठोडच्या साथीने 142 चेंडूत 142 धावा जोडल्या. तिसऱ्या दिवशी चहापानाच्या विश्रांतीपर्यंत भारत अ संघाने 5 गडी गमावून 377 धावा केल्या आहेत. दुसऱ्या डावात संघाची आघाडी 173 धावांवर पोहोचली आहे.

IND vs NZ: Arshdeep Singh ची भेदक गोलंदाजी! भुवनेश्वरला टाकलं मागे; T20 मध्ये पटकावला नंबर वनचा ताज