IND vs NZ : टीम इंडिया मालिका जिंकण्यासाठी सज्ज! भारत-न्यूझीलंड तिसरा T20 सामना कधी अन् कुठे?

IND vs NZ 3rd T20 schedule: न्यूझीलंडविरुद्धच्या टी-२० मालिकेतील पहिले दोन सामने टीम इंडियाने जिंकले आहेत. आता भारत तिसरा सामना कधी, कुठे आणि केव्हा खेळला जाईल, जाणून घेऊयात.

• भारत-न्यूझीलंड तिसऱ्या T20 चा थरार कधी रंगणार?
• जाणून घ्या तारीख आणि वेळ
• टीव्हीवर आणि ऑनलाइन कुठे पाहाल?

IND vs NZ 3rd T20: भारतीय संघाच्या न्यूझीलंड दौऱ्याची दमदार सुरुवात झाली आहे. पाच सामन्यांच्या टी२० मालिकेत भारतीय संघ २-० ने आघाडीवर आहे. भारताने पहिल्या दोन सामन्यांमध्ये न्यूझीलंडवर दणदणीत विजय मिळवला. शनिवार, ऑक्टोबर २४ रोजी भारत आणि न्यूझीलंड यांच्यात दुसरा सामना खेळला गेला. भारताने हा सामना ४ विकेट्स राखून जिंकला. या सामन्याचा नायक तिलक वर्मा होता, त्याने नाबाद ५१ धावा करून संघाला विजय मिळवून दिला.

आता तिसऱ्या टी२० साठी दोन्ही संघ सज्ज आहेत. भारत हा सामना जिंकून मालिका आपल्या नावावर करण्याचा प्रयत्न करेल. तर, न्यूझीलंड सामना जिंकून मालिका जिंकण्याच्या आशा जिवंत ठेवेल. भारत आणि न्यूझीलंड यांच्यातील तिसऱ्या टी२० सामना कधी, कुठे आणि केव्हा खेळला जाणार, जाणून घेऊयात.

थाला पुन्हा मैदानात उतरणार? IPL 2027 मध्ये खेळण्याबाबत MS Dhoni ने सोडले मौन; दिले मोठे संकेत

भारत विरुद्ध न्यूझीलंड तिसरा टी२० सामना कधी होणार?

भारत आणि न्यूझीलंड यांच्यातील तिसरा टी२० सामना मंगळवार, २७ ऑक्टोबर रोजी खेळला जाणार आहे. मालिकेतील पहिले दोन टी२० सामने क्राइस्टचर्चमधील हॅगली ओव्हलवर खेळले गेले. आता तिसरा सामना वेलिंग्टनमधील हेन्री स्टेडियमवर खेळला जाईल. दोन्ही संघांना तयारीसाठी अंदाजे दोन दिवसांचा कालावधी आहे. यावेळी न्यूझीलंड नक्कीच पुनरागमन करण्याचा प्रयत्न करेल. जर न्यूझीलंड तिसरा सामनाही हरला, तर न्यूझीलंड ही मालिका गमावेल.

सामना किती वाजता सुरू होईल?

भारत आणि न्यूझीलंड यांच्यातील तिसरा टी२० सामना भारतीय प्रमाणवेळेनुसार दुपारी १२:३० वाजता सुरू होईल. न्यूझीलंडच्या स्थानिक वेळेनुसार सामना भारतीय प्रमाणवेळेनुसार रात्री ८:०० वाजता सुरू होईल.चाहते हा सामना सोनी स्पोर्ट्स नेटवर्कच्या विविध चॅनल्सवर पाहू शकतात. तसेच, हा सामना डीडी स्पोर्ट्स चॅनलवरही लाइव्ह प्रसारित केला जाईल.

न्यूझीलंडने संघात केले बदल

पहिले दोन टी-२० सामने गमावल्यानंतर न्यूझीलंडने आपल्या संघात बदल केले आहेत. तिसऱ्या टी-२० सामन्यासाठी वेगवान गोलंदाज लॉकी फर्ग्युसन संघात नसेल. मॅट हेन्रीलाही विश्रांती देण्यात आली असून तो आता थेट एकदिवसीय मालिकेत खेळेल. भारत आणि न्यूझीलंड यांच्यातील पहिला एकदिवसीय सामना ४ नोव्हेंबर रोजी खेळला जाईल. काईल जेमिसन तिसऱ्या टी-२० सामन्यासाठी संघात असेल, परंतु त्याला चौथ्या आणि पाचव्या टी-२० सामन्यांमधून वगळण्यात आले आहे. ब्लेअर टिकनरचाही संघात समावेश करण्यात आला असून तो पुढील तीन सामन्यांसाठी संघासोबत राहील. याशिवाय, जोश क्लार्कसन चौथ्या आणि पाचव्या टी-२० सामन्यांसाठी संघात सामील होईल.

IND vs NZ: टीम इंडियाच्या अडचणी वाढल्या! ईशान किशन तिसऱ्या T20 लाही मुकणार? वैभव सूर्यवंशीला पुन्हा संधी?