IND vs NZ: टीम इंडियाच्या अडचणी वाढल्या! ईशान किशन तिसऱ्या T20 लाही मुकणार? वैभव सूर्यवंशीला पुन्हा संधी?

Ishan Kishan Ruled Out from 3rd T20i vs NZ: ईशान किशन न्यूझीलंडविरुद्धच्या दुसऱ्या टी२० सामन्यात खेळू शकला नव्हता. आता, ईशान तिसऱ्या टी२० सामन्यालाही मुकण्याची शक्यता आहे.

• ईशान किशनच्या फिटनेसवर सस्पेन्स
• प्लेइंग इलेव्हनमध्ये कोणाला संधी?
• तिसऱ्या T20 साठी मोठा पेच

Ishan Kishan: भारत आणि न्यूझीलंड यांच्यातील टी२० मालकेतील दुसरा सामना शनिवार, २४ ऑक्टोबर रोजी खेळला गेला. या रोमांचक सामन्यात, भारताने विजय नोंदवला. या विजयसाह, टीम इंडियाने पाच सामन्यांच्या मालिकेतील पहिले दोन सामने जिंकून २-० अशी आघाडी घेतली.

 

आता भारत आणि न्यूझीलंड यांच्यातील तिसरा टी२० सामना २७ ऑक्टोबर रोजी खेळला जाईल. दुखापतीमुळे ईशान किशन दुसऱ्या टी२० सामन्यात खेळू शकला नव्हता. बीसीसीआयने जाहीर केले होते की तो फक्त दुसऱ्या टी२० सामन्यासाठीच बाहेर असेल. परंतु, ईशान अद्याप पूर्णपणे बरा झालेला नाही. यामुळे तो पुढच्या सामन्यातूनही बाहेर राहण्याची शक्यता आहे. (Ishan Kishan Ruled Out from 3rd T20i vs NZ)

‘सिक्सर किंग’चा स्वॅगच वेगळा! Abhishek Sharma ने पावरप्लेमध्ये ठोकलं षटकारांचं ‘शतक’; अशी कामगिरी करणारा पहिलाच फलंदाज

ईशान तिसऱ्या टी२० आंतरराष्ट्रीय सामन्यातूनही बाहेर

पहिल्या टी२० सामन्यात फिल्डिंग करताना ईशान किशनला दुखापत झाली. त्यामुळे तो तिसऱ्या क्रमांकावर फलंदाजीला न येता उशिरा आला. बीसीसीआयने जाहीर केले की, ईशान किशन दुसऱ्या टी२० सामन्यात खेळणार नाही आणि त्याचा बदली खेळाडू म्हणून कुमार कुशाग्रला स्क्वॉडमध्ये सामील करण्यात आले. वृत्तानुसार, ईशानला लो-ग्रेड स्ट्रेन असून तो अद्याप बरा झालेला नाही.

ईशान किशन २७ ऑक्टोबर रोजी होणाऱ्या तिसऱ्या टी२० सामन्यासाठी तंदुरुस्त नसेल. यामुळे, तो तिसरा टी२० सामनाही मुकण्याची शक्यता आहे. दुसऱ्या टी२० सामन्यात ईशानच्या जागी वैभव सूर्यवंशीला अंतिम ११ मध्ये स्थान मिळाले होते. वैभव ८ चेंडूंमध्ये केवळ ४ धावा करून बाद झाला. १८१ धावांचे लक्ष्य गाठताना भारतीय संघाला मोठ्या अडचणींचा सामना करावा लागला आणि ईशान किशनची उणीव जाणवली. मात्र, तिलक वर्माच्या स्फोटक खेळीमुळे संघाला ४ विकेट्सने विजय मिळवता आला.

तिसरा टी२० सामना वेलिंग्टनमधील रिजनल क्रिकेट स्टेडियमवर खेळला जाईल. मालिकेत भारत २-० ने आघाडीवर असून, आता तिसरा टी२० सामना जिंकून मालिका आपल्या नावावर करण्याचा त्यांचा प्रयत्न असेल.

वैभव सूर्यवंशी तिसऱ्या टी२० सामन्यातही खेळणार का?

ईशान किशनच्या अनुपस्थितीत वैभव सूर्यवंशीला अंतिम ११ खेळाडूंमध्ये स्थान देण्यात आले होते. जरी वैभवने दुसऱ्या सामन्यात मोठी खेळी केली नसली तरी, त्याने गेल्या वर्षभरात उत्कृष्ट कामगिरी केली आहे. जर ईशान तिसऱ्या टी२० सामन्यासाठी तंदुरुस्त असता, तर वैभवला संघातून वगळण्यात आले असते. मात्र, आता झारखंडचा स्टार फलंदाज तंदुरुस्त नसल्यामुळे, भारतीय संघ वैभव सूर्यवंशीला संधी दिली जाऊ शकते.

IND vs NZ: Arshdeep Singh ची भेदक गोलंदाजी! भुवनेश्वरला टाकलं मागे; T20 मध्ये पटकावला नंबर वनचा ताज