रविवार, 27 सप्टेंबर 2026
ODI Series : विंडिजच्या सलामीवीरांनी गोलंदाजांना धू-धू धुतल! धावांची शंभरी गाठल्यानंतर मिळाला पहिला विकेट, सौजन्य : सोशल मीडिया
प्रथम क्षेत्ररक्षणाचा निर्णय घेतल्यानंतर वेस्ट इंडिजच्या फलंदाजांना झटपट बाद करू हे भारतीय संघाचे मनसुबे जॉन कॅम्पबेल व जस्टीन ग्रेविसने पूर्ण होऊ दिले नाही. दोघांनी फलंदाजीतील सर्वोत्तम खेळीचा नजराण दाखवत भारतीय कर्णधाराला वारंवार गोलंदाजीचे पर्याय बदलण्यास भाग पाडले.
विंडीजच्या फलंदाजांनी प्रसिद्ध क्रिष्णा असो, गुरनूर बरार असो वा नमन धीर यांना दिवा स्वप्न दाखवले. इतकंच काय तर भारताचा स्टार फिरकीपटू रवींद्र जडेलाला आठव्याच षटकात कर्णधार शुभमन गिलले गोलंदीस बोलावले, पण तोही कमाल दाखवू शकला नाही. सुरुवातीच्या 7 षटकात त्याने 6 पेक्षा जास्तच्या रनरेटने 45 धावा दिल्या होत्या. कुलदीपही सुरुवातीला लय धरू शकला नाही. पण गिलने फिरकी गोलंदाजांवरील आपला विश्वास कायम राखला.
अखेर 19 व्या षटकात कॅम्पबेलला बाद करण्यास कुलदीप यादवला यश आले. त्याने शॉर्ट फाइनला प्रसिद्ध क्रिष्णाकरली कॅम्पबेलला झेलबाद केले.
सलामीला आलेल्या जस्टीन ग्रेव्स ने 108 चेंडूंत 12 चौकाराच्या मदतीने 102 धावांची शतकी खेळी केली. दरम्यान, तो ही खेळी पुढे नेऊ शकला नाही. कुलदीप यादवचाच तो शिकार ठरला. कुलदीपने जस्टीनला पायचीत करत त्याच्या शतकी खेळीला पूर्णविराम दिला.
जस्टीन बाद झाल्यानंतर भारतीय गोलंदाजांनी दमदार पुनरागमन केले. सध्या वेस्ट इंडिजची अवस्था 35 षटकानंतर 198 वर 5 बाद अशी आहे.
