ODI Series : विंडिजच्या सलामीवीरांनी भारतीय गोलंदाजांना धू-धू धुतलं! धावांची शंभरी गाठल्यानंतर मिळाला पहिला विकेट

ODI Series : पहिल्या वनडे सामन्यात प्रथम क्षेत्ररक्षण करताना भारतीय गोलंदाजांची म्हणावी तशी कामगिरी राहिलेली नाही. वेस्ट इंडिजच्या जस्टीन ग्रेव्सने खणखणीत शतक झळकावत भारतीय संघावर काही काळ दबाव निर्माण केला होता.

• वेगवान गोलंदाजांची धुलाई
• जस्टीन ग्रेव्सचे दणदणीत शतक
• 35 षटकानंतर भारतीय गोलंदाजांना सूर गवसला

तिरुवनंतपुरमच्या ग्रीनफिल्ड इंटरनॅशनल मैदानात सुरू असलेल्या वनडे (ODI Series) मालिकेच्या पहिल्या सामन्यात भारताने नाणेफेक जिंकून क्षेत्ररक्षण घेतले खरे, पण हे सत्र पूर्णपणे वेस्ट इंडिजच्या फलंदाजांनी गाजवले. प्लेऑफमध्ये भारतीय वेगवान गोलंदाजांची धुलाई केल्यानंतर विंडिजची सलामीची जोडी 19 व्या षटकापर्यंत तळ ठोकून उभी होती. फिरकीपटू कुलदीप यादवने 19 व्या षटकात जॉन कॅम्पबेल (60) करवी पहिला विकेट मिळवत ही जोडी फोडली.

प्रथम क्षेत्ररक्षणाचा निर्णय घेतल्यानंतर वेस्ट इंडिजच्या फलंदाजांना झटपट बाद करू हे भारतीय संघाचे मनसुबे जॉन कॅम्पबेल व जस्टीन ग्रेविसने पूर्ण होऊ दिले नाही. दोघांनी फलंदाजीतील सर्वोत्तम खेळीचा नजराण दाखवत भारतीय कर्णधाराला वारंवार गोलंदाजीचे पर्याय बदलण्यास भाग पाडले.

वेगवान गोलंदाजांची धुलाई

विंडीजच्या फलंदाजांनी प्रसिद्ध क्रिष्णा असो, गुरनूर बरार असो वा नमन धीर यांना दिवा स्वप्न दाखवले. इतकंच काय तर भारताचा स्टार फिरकीपटू रवींद्र जडेलाला आठव्याच षटकात कर्णधार शुभमन गिलले गोलंदीस बोलावले, पण तोही कमाल दाखवू शकला नाही. सुरुवातीच्या 7 षटकात त्याने 6 पेक्षा जास्तच्या रनरेटने 45 धावा दिल्या होत्या. कुलदीपही सुरुवातीला लय धरू शकला नाही. पण गिलने फिरकी गोलंदाजांवरील आपला विश्वास कायम राखला.

अखेर 19 व्या षटकात कॅम्पबेलला बाद करण्यास कुलदीप यादवला यश आले. त्याने शॉर्ट फाइनला प्रसिद्ध क्रिष्णाकरली कॅम्पबेलला झेलबाद केले.

Asian Games 2026: फायनलमध्ये पराभव, पण इतिहासाच्या पानावर नाव! Anahat Singh ने स्क्वॉशमध्ये जिंकलं ऐतिहासिक सिल्व्हर

शतक ठोकून जस्टीन माघारी

सलामीला आलेल्या जस्टीन ग्रेव्स ने 108 चेंडूंत 12 चौकाराच्या मदतीने 102 धावांची शतकी खेळी केली. दरम्यान, तो ही खेळी पुढे नेऊ शकला नाही. कुलदीप यादवचाच तो शिकार ठरला. कुलदीपने जस्टीनला पायचीत करत त्याच्या शतकी खेळीला पूर्णविराम दिला.

जस्टीन बाद झाल्यानंतर भारतीय गोलंदाजांनी दमदार पुनरागमन केले. सध्या वेस्ट इंडिजची अवस्था 35 षटकानंतर 198 वर 5 बाद अशी आहे.

Asian Games 2026: गोल्डसाठी अखेरपर्यंत झुंज, पण स्वप्न भंगलं! Abhay Singh ने रचला इतिहास; स्क्वॉशमध्ये भारताला रौप्यपदक