फोटो सौजन्य - सोशल मिडिया
ऑस्ट्रेलिया विरुद्ध दक्षिण आफ्रिका यांच्यामध्ये नुकतीच मालिका पार पडली या दोन्ही मालिकांमध्ये ऑस्ट्रेलियाच्या संघाला दक्षिण आफ्रिकेने पराभूत केले. त्याचबरोबर सुरु असलेल्या इंग्लड दौऱ्यावर देखील दक्षिण आफ्रिकेच्या संघाने कमालीची कामगिरी केली आहे. सध्या दक्षिण आफ्रिकेचा संघ दमदार फाॅर्ममध्ये आहे. दक्षिण आफ्रिकेच्या अनेक नव्या खेळाडूंना संघामध्ये स्थान मिळाले आहे. वर्ल्ड टेस्ट चॅम्पियनशिप 2025 नंतर संघाने फाॅर्म कायम ठेवला आहे.
ऑस्ट्रेलियाला हरवून पहिल्यांदाच वर्ल्ड टेस्ट चॅम्पियनशिप जिंकणारा दक्षिण आफ्रिकेचा संघ पाकिस्तानचा दौरा करून कसोटी मालिका खेळणार आहे. गेल्या तीन वर्षांत पहिल्यांदाच दक्षिण आफ्रिकेचा संघ पाकिस्तानमध्ये कसोटी सामना खेळणार आहे. यासह, दोन्ही संघ आयसीसी वर्ल्ड टेस्ट चॅम्पियनशिप-२०२७ साठी त्यांच्या मोहिमेला सुरुवात करतील.
दक्षिण आफ्रिकेने या वर्षी जूनमध्ये पहिले आयसीसी टेस्ट चॅम्पियनशिप जिंकले. दुसरीकडे, पाकिस्तानचा संघ पॉइंट टेबलमध्ये तळाशी होता. पाकिस्तानला १४ पैकी नऊ सामन्यांमध्ये पराभवाचा सामना करावा लागला, ज्यामध्ये बांगलादेशविरुद्ध घरच्या मैदानावर २-० असा पराभव समाविष्ट आहे.
पाकिस्तान क्रिकेट बोर्डाचे (पीसीबी) मुख्य कार्यकारी अधिकारी सुमैर अहमद यांनी सांगितले आहे की ते दक्षिण आफ्रिकेच्या संघाचे स्वागत करण्यास तयार आहेत. त्यांनी एका निवेदनात म्हटले आहे की, “आम्ही आयसीसी वर्ल्ड टेस्ट चॅम्पियनशिप-२०२७ सुरू करण्यासाठी दक्षिण आफ्रिकेच्या संघाचे स्वागत करण्यास तयार आहोत. सध्याच्या टेस्ट चॅम्पियन्ससह टेस्ट चॅम्पियनशिपचे नवीन चक्र सुरू केल्याने आमच्या खेळाडूंना आणि चाहत्यांना सर्वोत्तम क्रिकेट मिळेल.”
या दौऱ्यात दक्षिण आफ्रिका तिन्ही फॉरमॅटची मालिका खेळणार आहे, ज्याची सुरुवात १२ ऑक्टोबरपासून लाहोरच्या गद्दाफी स्टेडियमवर खेळल्या जाणाऱ्या कसोटी सामन्याने होईल. मार्च २०२२ नंतर लाहोरमध्ये हा पहिला कसोटी सामना असेल. त्यानंतर पाकिस्तान आणि ऑस्ट्रेलियाचे संघ त्यात भिडतील. दुसरा कसोटी सामना २० ऑक्टोबरपासून रावळपिंडीमध्ये सुरू होईल. तीन सामन्यांच्या टी-२० मालिकेतील पहिला सामनाही २८ ऑक्टोबर रोजी त्याच मैदानावर खेळला जाईल. उर्वरित दोन टी-२० सामने ३१ ऑक्टोबर आणि १ नोव्हेंबर रोजी लाहोरमध्ये खेळले जातील.
🚨 The South Africa tour of Pakistan has been officially announced and is scheduled to take place from October 12 to November 8.#PakVsSA pic.twitter.com/CS91ZBJdpA — CricFollow (@CricFollow56) September 6, 2025
तीन सामन्यांची एकदिवसीय मालिका फैसलाबादच्या इक्बाल स्टेडियमवर खेळवली जाईल, जिथे १७ वर्षांनी आंतरराष्ट्रीय सामने होणार आहेत. मे महिन्यात पाकिस्तान आणि बांगलादेश यांच्यात दोन टी-२० सामने या मैदानावर होणार होते, परंतु भारत आणि पाकिस्तानमधील परिस्थितीमुळे सामने हलवण्यात आले.
.png "Videos"){kind=small}
