IND Vs ZIM ODI Series
झिम्बाब्वेची कर्णधार नोमवेलो सिबांडाने टॉस जिंकून प्रथम फलंदाजी करण्याचा निर्णय घेतला होता. मात्र भारताच्या गोलंदाजांनी हा निर्णय चुकीचा ठरवला. भारताने झिम्बाब्वे केवळ 197 रन्सवर ऑल आउट केले. हे टार्गेट भारताने सहजरित्या पूर्ण केले. प्रतीका रावलने शानदार शतक ठोकले. आपल्या करियरचे तिसरे शतक पूर्ण करत तिने अनेक रेकॉर्ड देखील केले.
पहिल्या वनडे सामन्यात भारतीय संघाची सलामीवीर प्रतिका रावलने शानदार शतक झळकावत टीम इंडियाला विजय मिळवून दिला. झिम्बाब्वेने प्रथम फलंदाजी करताना केवळ 197 रन्सची खेळी केली आणि भारताला 198 रन्सचे टार्गेट दिले होते. हे आव्हान सलामीवीर प्रतिका रावलचे तडाखेबंद शतक आणि दुसरी सलामीवीर शेफाली वर्माच्या अर्धशतकी खेळीने भारताने 9 विकेट्स राखून पूर्ण केले.
प्रतीका रावलची शानदार कामगिरी
प्रतीका रावलने आपल्या कारकीर्दीतील तिसरे शतक पूर्ण केले. ती या सामन्यात नॉट आउट राहिली. प्रतिका रावलने आपल्या नावावर एका अत्यंत खास विक्रमाची नोंद केली आहे. महिला क्रिकेटमध्ये भारतासाठी वनडे सामन्यांमध्ये सलामीला येऊन खेळताना सर्वाधिक शतक करण्याचा स्टार फलंदाज आणि कर्णधार स्मृती मानधना हिच्या नावावर आहे. जिने आतापर्यंत एकूण १४ शतके ठोकली आहेत. प्रतिका रावलने आपल्या कारकिर्दीतील तिसरे वनडे शतक झळकावले आहे. इंटरनॅशनल वनडे क्रिकेटमध्ये सलामीवीर म्हणून ३ किंवा त्याहून अधिक शतके झळकावणारी प्रतिका रावल ही स्मृती मानधनानंतर केवळ दुसरीच भारतीय महिला खेळाडू ठरली आहे.
भारताविरुद्धच्या पहिल्या एकदिवसीय सामन्यात झिम्बाब्वेचा संघ मोठी धावसंख्या उभारण्यात अपयशी ठरला. नाणेफेक जिंकून प्रथम फलंदाजी करण्याचा निर्णय घेतलेल्या झिम्बाब्वेचा संघ ४९.५ षटकांत १९७ धावांवर सर्वबाद झाला. भारतीय गोलंदाजांनी सुरुवातीपासूनच झिम्बाब्वेच्या फलंदाजांवर दबाव कायम ठेवला. बिलव्हेड बिझाने शानदार फलंदाजी करत ९२ चेंडूंमध्ये ६२ धावा करून सर्वाधिक धावा केल्या.
.png "Videos"){kind=small}
