Indian Army चा नाद करायचा नाय! Commonwealth Games मध्ये  लष्कराच्या खेळाडूंनी तब्बल…

२००५ मध्ये सुरू झालेल्या पुण्यातील आर्मी स्पोर्ट्स इन्स्टिट्यूटमध्ये क्रीडा विज्ञान, बायोमेकॅनिक्स, पोषण, मानसशास्त्र, फिजिओथेरपी, पुनर्वसन आणि कामगिरी विश्लेषण यांसह अत्याधुनिक सुविधा उपलब्ध आहेत.

राष्ट्रकुल स्पर्धेतील भारताच्या ४१ टक्के पदकांवर लष्कराची मोहोर
भारताने जिंकली एकूण 39 पदके 
भारतीय लष्कराने स्पर्धेत २० खेळाडूंना दिली होती संधी

पुणे: ग्लासगो येथे झालेल्या राष्ट्रकुल क्रीडा स्पर्धा २०२६ मध्ये भारतीय लष्कराच्या खेळाडूंनी भारताच्या पदक मोहिमेत सिंहाचा वाटा उचलला. भारताने जिंकलेल्या ३९ पदकांपैकी १६ पदके (४१ टक्के) लष्कराच्या खेळाडूंनी मिळविली. या यशामागे पुण्यातील आर्मी स्पोर्ट्स इन्स्टिट्यूट (एएसआय) या उच्च दर्जाच्या प्रशिक्षण केंद्राची भक्कम तयारी आणि वैज्ञानिक प्रशिक्षण पद्धती महत्त्वाची ठरली.

भारतीय लष्कराने स्पर्धेत २० खेळाडूंना संधी दिली होती. त्यापैकी १६ खेळाडूंनी आठ सुवर्ण, सात रौप्य आणि एक कांस्य अशी एकूण १६ पदके जिंकत ८० टक्के यशाची नोंद केली. विशेष म्हणजे भारताच्या बॉक्सिंग संघाने सात सुवर्ण आणि तीन रौप्य पदके जिंकत राष्ट्रकुल स्पर्धेतील सर्वोत्तम कामगिरी केली. त्यातील सहा सुवर्ण आणि दोन रौप्य पदके लष्कराच्या खेळाडूंनी मिळविली. त्यामुळे १९३४ मध्ये इंग्लंडने केलेल्या सहा सुवर्णपदकांच्या विक्रमालाही भारताने मागे टाकले.

२००५ मध्ये सुरू झालेल्या पुण्यातील आर्मी स्पोर्ट्स इन्स्टिट्यूटमध्ये क्रीडा विज्ञान, बायोमेकॅनिक्स, पोषण, मानसशास्त्र, फिजिओथेरपी, पुनर्वसन आणि कामगिरी विश्लेषण यांसह अत्याधुनिक सुविधा उपलब्ध आहेत. त्यामुळे देशभरातील गुणवंत खेळाडूंना आंतरराष्ट्रीय दर्जाचे प्रशिक्षण मिळत असून अनेक जागतिक दर्जाचे खेळाडू या संस्थेतून घडले आहेत.

CWG च्या कामगिरीनंतर Neeraj Chopra ची नजर ‘सुवर्ण’वेधावर; 21 ऑगस्टला ‘या’ स्पर्धेत होणार सहभागी

यंदाच्या स्पर्धेत भारतीय खेळाडूंनी अनेक ऐतिहासिक विक्रमही नोंदविले. ज्युदोमध्ये भारताचे पहिले सुवर्ण, उंच उडीत पहिले रौप्य, राष्ट्रकुल ॲथलेटिक्समध्ये एका भारतीयाकडून प्रथमच दोन पदके, वेटलिफ्टिंगमध्ये ‘गेम्स रेकॉर्ड’ तसेच ४०० मीटर अडथळा शर्यतीच्या अंतिम फेरीत प्रथमच दोन भारतीय खेळाडूंनी प्रवेश करण्याची कामगिरी लष्कराच्या खेळाडूंनी केली. त्यामुळे पुण्यातील आर्मी स्पोर्ट्स इन्स्टिट्यूटने भारतीय क्रीडा क्षेत्रातील सर्वोत्तम प्रतिभा घडविणारे केंद्र म्हणून पुन्हा एकदा आपली छाप उमटविली.

भारतीय लष्कराचे राष्ट्रकुल पदकविजेते

 सुवर्ण (८)

हवालदार हर्ष – ज्युदो (६० किलो)

नायब सुभेदार प्रीती – बॉक्सिंग (५४ किलो)

नायब सुभेदार जास्मिन – बॉक्सिंग (५७ किलो)

हवालदार साक्षी – बॉक्सिंग (५१ किलो)

हवालदार अरुंधती – बॉक्सिंग (७० किलो)

हवालदार सचिन – बॉक्सिंग (६० किलो)

हवालदार अंकुश – बॉक्सिंग (८० किलो)

सुभेदार सोमन राणा – पॅरा शॉटपुट

लेफ्टनंट कर्नल (मानद) नीरज चोप्रा – भालाफेक

Commonwealth Games: 20 वर्षानंतर भारताला मिळणार यजमानपद, कॉमनवेल्थ गेम्स 2030 होणार अहमदाबादमध्ये

नायब सुभेदार सर्वेश कुशारे – उंच उडी

नायब सुभेदार गुलवीर सिंग – १०,००० मीटर धावणे

हवालदार अजय बाबू – वेटलिफ्टिंग (७९ किलो)

हवालदार जादुमणी – बॉक्सिंग

सुभेदार नरेंद्र – बॉक्सिंग (+९० किलो)

लान्स नायक शुभम जुयाल – पॅरा शॉटपुट

कांस्य (१)

नायब सुभेदार गुलवीर सिंग – ५,००० मीटर धावणे

एकूण : १६ पदके (८ सुवर्ण, ७ रौप्य, १ कांस्य)