शनिवार, 17 ऑक्टोबर 2026
पंजाब किंग्जबाबत रिकी पॉन्टिंगचे भाष्य (फोटो- सोशल मिडिया)
पंजाब किंग्सचा हेड कोच रिकी पॉटिंगची प्रतिक्रिया
मागील वर्षीपेक्षा ताकदवान संघ असल्याचे भाष्य
आज पंजाब विरुद्ध गुजरात असा रंगणार सामना
Tata IPL Ricky Ponting: आयपीएलचा थरार सुरू झाला आहे. 28 मार्चपासून आयपीएलचा महासंग्राम सुरू झाला. आज या पर्वामधील चौथा सामना होणार आहे. पंजाब किंग्ज विरुद्ध गुजरात टायटन्स यांच्यात चंदीगडमध्ये सामना होणार आहे. भारताचे युवा खेळाडू असलेले शुभमन गिल आणि श्रेयस अय्यर आमने-सामने येणार आहेत. दरम्यान पंजाब किंग्सचा हेड कोच रिकी पॉटिंगने आपल्या संघाबाबत भाष्य केले आहे, ते जाणून घेऊयात.
रिकी पॉटिंगने आपल्या पंजाब किंग्स संघाबाबत मोठे विधान केले आहे. आमचा संघ मजबूत आणि ताकदवान असल्याचे रिकी पॉटिंगने म्हटले आहे. गेल्या हंगामात आमचा संघ गुणतालिकेत सर्वात वरच्या स्थानावर होता. आमच्यासाठी चांगली गोष्ट असली तरी यावर्षी आम्ही नव्या मानसिकतेने सुरुवात करणार आहोत. आता आम्हाला नव्याने सुरुवात करावी लागणार आहे, असे हेड कोच रिकी पॉटिंगने सांगितले.
GT Vs PBKS Pitch Report: टॉस ठरणार ‘बॉस’! खेळपट्टीचा काय नेम नाही अन्…; कोणाची धुलाई होणार?
आमच्याकडे प्रत्येक भूमिकेसाठी आता अनेक पर्याय आहेत. यावेळेस आमचा संघ अधिक मजबूत स्थितीत आहे. संघातील अनेक खेळाडूंच्या कामगिरीत सुधारणा पाहायला मिळत आहे. अंतिम 11 खेळाडू निवडत असताना तेथील परिस्थितीशी जुळवून घेणं आवश्यक असणार आहे. आम्हाला चांगली सुरुवात करावी लागेल. घरच्या मैदानावर उत्तम कामगिरी करावी लागेल. मागील वर्षीपेक्षा आमचा संघ अत्यंत मजबूत आहे, असे रिकी पॉटिंगने विधान केले आहे.
टॉस ठरणार ‘बॉस’
आज पंजाब किंग्ज विरुद्ध गुजरात टायटन्स यांच्यात चंदीगड येथील महाराजा यादवेंद्र सिंह आंतरराष्ट्रीय स्टेडियमवर आयपीएलचा सामना पार पडणार आहे. त्यामुळे दोन्ही संघ विजयासाठी उत्सुक आहेत. दरम्यान या स्टेडियमची खेळपट्टी गोलंदाज की फलंदाज यांच्यासाठी फायदेशीर असेल हे आपण जाणून घेऊयात.
महाराजा यादवेंद्र सिंह आंतरराष्ट्रीय स्टेडियमची खेळपट्टी फलंदाजांसाठी फायदेशीर असल्याचे म्हटले जात आहे. सुरुवातीच्या काही ओव्हर्समध्ये वेगवान गोलंदाजांना उपयुक्त ठरू शकते. या स्टेडियमवर खेळल्या गेलेल्या सामन्यांमधील केवळ दोन ते तीन वेळेसच 200 धावांचा टप्पा पार झाला आहे. 160 ते 180 अशी धावसंख्या पहिल्यांदा फलंदाजी करणाऱ्या संघाने येथे केली आहे. आज येथील हवामान निरभ्र राहण्याचा अंदाज आहे, त्यामुळे या ठिकाणी पावसाची शक्यता दिसून येत नाहीये.
