रॉबिन उथप्पा आयपीएल २०२२ मध्ये बनला एका डावात सर्वाधिक षटकार मारणारा फलंदाज , आंद्रे रसेलचा मोडला विक्रम

रॉबिन उथप्पाने मंगळवारी रॉयल चॅलेंजर्स बंगळुरू (RCB) विरुद्धच्या खेळीत एकूण 9 षटकार ठोकले. यासह, तो आयपीएल 2022 मध्ये एका डावात सर्वाधिक षटकार मारणारा फलंदाज बनला आहे.

Follow Us:

Follow Us:

नवी दिल्ली: आयपीएल 2022 मध्ये मंगळवारी झालेल्या सामन्यात 36 वर्षीय रॉबिन उथप्पाने षटकारांचा असा पाऊस पाडला की रॉयल चॅलेंजर्स बंगळुरू (RCB) संघाकडे उत्तर नव्हते. रॉबिन उथप्पाने मंगळवारी रॉयल चॅलेंजर्स बंगळुरू (RCB) विरुद्धच्या IPL सामन्यात 50 चेंडूत 88 धावांची तुफानी खेळी खेळली, ज्यात 4 चौकार आणि 9 षटकारांचा समावेश होता. चेन्नई सुपर किंग्जच्या (CSK) विजयात रॉबिन उथप्पाच्या या खेळीने महत्त्वाची भूमिका बजावली.

उथप्पाच्या षटकाराने आरसीबी चक्रावले

रॉबिन उथप्पाने मंगळवारी रॉयल चॅलेंजर्स बंगळुरू (RCB) विरुद्धच्या खेळीत एकूण 9 षटकार ठोकले. यासह, तो आयपीएल 2022 मध्ये एका डावात सर्वाधिक षटकार मारणारा फलंदाज बनला आहे. या प्रकरणात त्याने कोलकाता नाईट रायडर्सचा (KKR) फलंदाज आंद्रे रसेलचा विक्रम मोडला आहे. आंद्रे रसेलने 1 एप्रिल रोजी पंजाब किंग्जविरुद्ध खेळल्या गेलेल्या सामन्यात आठ षटकार ठोकले होते.

उथप्पाच्या आयपीएल कारकिर्दीतील सर्वात मोठी खेळी

रॉबिन उथप्पाने 50 चेंडूत 4 चौकार आणि 9 षटकारांच्या मदतीने 88 धावा केल्या आणि त्याचा स्ट्राईक रेट 176 होता. रॉबिन उथप्पाच्या आयपीएल कारकिर्दीतील ही सर्वात मोठी खेळी होती. रॉबिन उथप्पाशिवाय शिवम दुबेनेही 46 चेंडूत 95 धावांची नाबाद खेळी खेळली. शिवम दुबेने आपल्या खेळीत 5 चौकार आणि 8 षटकार मारले. शिवम दुबेचा स्ट्राईक रेट 206 पेक्षा जास्त होता.

तिसऱ्या विकेटसाठी सर्वोच्च भागीदारी

शिवम दुबे आणि रॉबिन उथप्पा यांच्यात एकूण 165 धावांची भागीदारी झाली, जी आयपीएलमधील तिसऱ्या विकेटसाठीची सर्वोच्च भागीदारी आहे. या सामन्यात एका वेळी 10 षटक संपेपर्यंत चेन्नई सुपर किंग्जची धावसंख्या 60-2 अशी होती. मात्र त्यानंतर दोन्ही फलंदाजांनी आपला गियर अशा प्रकारे बदलला की बंगळुरू संघ पाहतच राहिला. चेन्नई सुपर किंग्जने शेवटच्या दहा षटकात एकूण 156 धावा केल्या. आयपीएलच्या इतिहासातील शेवटच्या 10 षटकांमधील हा तिसरा सर्वोच्च आकडा आहे. यापूर्वी, RCB ने गुजरात लायन्स (माजी फ्रँचायझी) विरुद्ध 172 धावा केल्या होत्या आणि पंजाब किंग्सने CSK विरुद्ध 162 धावा केल्या होत्या. याशिवाय, चेन्नईकडून असे प्रथमच घडले आहे, जेव्हा एकाच सामन्यात दोन फलंदाजांनी 85 प्लसचा टप्पा ओलांडला आहे.

Web Title: Robin uthappa breaks andre russells record for most sixes in an innings in ipl 2022

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com