तुफानी फलंदाजी, भेदक गोलंदाजी अन् थरारक विजय; स्टॅलियंस ठरले DSP Cricket League चे विजेते

Cricket: अष्टपैलू कामगिरीसाठी पवन आनंदला 'सामनावीर' घोषित करण्यात आले. स्पर्धेतील विजेत्या व उपविजेत्या संघांना भव्य करंडक देऊन गौरविण्यात आले. हे पारितोषिक वितरण योगेश सातव यांच्या हस्ते पार पडले.

• डीएसपी करंडकामध्ये स्टॅलियंस संघ चॅम्पियन
• अंतिम फेरीत वामोस क्रिकेट क्लबवर ८ धावांनी मात
• पवन आनंद ठरला विजयाचा शिल्पकार

पुणे/Cricket: डीएसपी स्पोर्ट्स अँड इव्हेंटस यांच्या वतीने आयोजित दुसऱ्या ‘डीएसपी करंडक मान्सून लीग मिश्र कॉर्पोरेट क्रिकेट स्पर्धे’चे विजेतेपद स्टॅलियंस संघाने पटकावले आहे. अंतिम सामन्यात पवन आनंद याने केलेल्या सुरेख अष्टपैलू कामगिरीच्या जोरावर स्टॅलियंस संघाने वामोस क्रिकेट क्लब संघाचा ८ धावांनी पराभव करत जेतेपदावर नाव कोरले.

आव्हाळवाडी येथील राजगड स्पोर्ट्स क्रिकेट क्लब मैदानावर पार पडलेल्या या अंतिम सामन्यात नाणेफेक जिंकून प्रथम फलंदाजी करताना स्टॅलियंस संघाने निर्धारित २० षटकांत ७ बाद १६५ धावांची आव्हानात्मक धावसंख्या उभारली. रोहित गायकवाडने ४८ चेंडूंत ४ चौकार व ४ षटकारांसह ५९ धावांची तडाखेबंद खेळी केली. त्याला ऋतुराज गायकवाड (२४), पवन आनंद (२३), नाबाद विक्रांत दुबे (२०), ओमकार मेटे (१५) आणि अभिजीत तिवारी (१०) यांनी उपयुक्त साथ देत संघाचा डाव सावरला. वामोस क्रिकेट क्लबकडून गोलंदाजीत वामसी वामोसने ३ गडी बाद करत २६ धावा दिल्या, तर जगत खमारने १५ धावांत २ बळी मिळवले.

विजेत्यांना करंडक देऊन गौरविले

विजयासाठी मिळालेल्या १६६ धावांच्या लक्ष्याचा पाठलाग करताना वामोस क्रिकेट क्लबला २० षटकांत ९ बाद १५७ धावांपर्यंतच मजल मारता आली. सलामीवीर हितेश शर्माने ४६ चेंडूंत ८ चौकार आणि एका षटकारासह ५८ धावा फटकावून एकाकी झुंज दिली. तसेच मुकेश वासवानी (२९), वामसी वामोस (१५) आणि अनुज राय (१२) यांनी विजयासाठी प्रयत्न केले; मात्र स्टॅलियंसच्या भेदक माऱ्यासमोर ही लढत अपुरी ठरली. स्टॅलियंसकडून गोलंदाजीत पवन आनंदने २३ धावांत ४ महत्त्वाचे गडी बाद करत सामन्याचे पारडे आपल्या बाजूने झुकवले. त्याला मयूर मिस्त्री (२-२५) आणि विजयकुमार अय्यर (१-१९) यांनी अचूक मारा करत चांगली साथ दिली.

याला म्हणतात पॅशन! निकेतची वादळी शतकी खेळी; Spartan Monsoon League मध्ये टायटन बुल्स्‌चा थरारक विजय

अष्टपैलू कामगिरीसाठी पवन आनंदला ‘सामनावीर’ घोषित करण्यात आले. स्पर्धेतील विजेत्या व उपविजेत्या संघांना भव्य करंडक देऊन गौरविण्यात आले. हे पारितोषिक वितरण योगेश सातव यांच्या हस्ते पार पडले.

सामन्यांचा संक्षिप्त धावफलक

: स्टॅलियंस: २० षटकांत ७ बाद १६५ धावा

 (रोहित गायकवाड ५९ (४८ चेंडू, ४ चौकार, ४ षटकार), ऋतुराज गायकवाड २४, पवन आनंद २३, नाबाद विक्रांत दुबे २०, ओमकार मेटे १५, अभिजीत तिवारी १०; वामसी वामोस ३-२६, जगत खमार २-१५)

वि. वि.

: वामोस क्रिकेट क्लब: २० षटकांत ९ बाद १५७ धावा

(हितेश शर्मा ५८ (४६ चेंडू, ८ चौकार, १ षटकार), मुकेश वासवानी २९, वामसी वामोस १५, अनुज राय १२; पवन आनंद ४-२३, मयूर मिस्त्री २-२५, विजयकुमार अय्यर १-१९)

• निकाल: स्टॅलियंस संघ ८ धावांनी विजयी.
• सामनावीर: पवन आनंद (२३ धावा व ४-२३)
  “

पुण्यनगरीत रांगडा थरार! ‘Spartan Monsoon League’ मध्ये लेजंड्स अन् या संघाचा दणदणीत विजय

इतर वैयक्तिक पारितोषिके

• सर्वोत्कृष्ट फलंदाज: गणेश खांडवे
• सर्वोत्कृष्ट गोलंदाज: मयूर मिस्त्री
• मालिकावीर (प्लेअर ऑफ द सिरीज): वामसी वामोस