Table Tennis: राज्य मानांकन टेबल टेनिस स्पर्धा: मयुरेश सावंत अन् स्वरा करमरकर बनले ‘सुवर्ण’पदकाचे मानकरी!

Table Tennis: मयुरेश सावंत हा व्ही. जी. वझे (केळकर) कॉलेजमध्ये अकरावी इयत्तेत शिक्षण घेत असून पेस टेबल टेनिस अकादमीमध्ये प्रशिक्षक मानस करमरकर आणि जुबीन तारापूरवाला यांच्या मार्गदर्शनाखाली सराव करतो.

• मयुरेश, स्वरा करमरकर  ठरले अजिंक्य
• राज्य मानांकन टेबल टेनिस स्पर्धेत विजेते
• उपांत्य फेरीतही खेळाडूंची दमदार कामगिरी

पुणे/Table Tennis: वर्धा जिल्हा हौशी टेबल टेनिस संघटनेच्या वतीने आयोजित चौथ्या महाराष्ट्र राज्य मानांकन टेबल टेनिस स्पर्धेत ठाण्याच्या मयुरेश सावंतने मुलांच्या १७ वर्षांखालील गटात, तर नाशिकच्या स्वरा करमरकरने मुलींच्या १७ वर्षांखालील गटात विजेतेपद पटकावले. दोन्ही खेळाडूंनी अंतिम सामन्यात आपल्या प्रतिस्पर्ध्यांवर मात करत स्पर्धेतील सर्वोच्च स्थान मिळवले.वर्धा येथील डिस्ट्रिक्ट स्पोर्ट्स कॉम्प्लेक्सच्या हॉलमध्ये सुरू असलेल्या या स्पर्धेतील १७ वर्षांखालील (Pune) मुलांच्या गटाच्या अंतिम सामन्यात मयुरेश सावंतने ठाण्याच्याच प्रतीक तुळसानीचा ११-५, ११-७, ११-७ असा सरळ तीन गेममध्ये पराभव केला.

सुरुवातीपासून आक्रमक खेळ करत मयुरेशने सामन्यावर वर्चस्व राखले आणि सहज विजय मिळवत विजेतेपदावर आपले नाव कोरले. मयुरेश सावंत हा व्ही. जी. वझे (केळकर) कॉलेजमध्ये अकरावी इयत्तेत शिक्षण घेत असून पेस टेबल टेनिस अकादमीमध्ये प्रशिक्षक मानस करमरकर आणि जुबीन तारापूरवाला यांच्या मार्गदर्शनाखाली सराव करतो.

Table Tennis: विदर्भाच्या भूमीवर पुणेकरांचा डंका! महाराष्ट्र मानांकन टेबल टेनिस स्पर्धेत प्रतिस्पर्धी गारद

स्वराचा दमदार खेळ

दरम्यान, १७ वर्षांखालील मुलींच्या गटात नाशिकच्या स्वरा करमरकरने अंतिम सामन्यात ठाण्याच्या त्रिशा लुडबेवर ११-४, ११-५, ९-११, ६-११, ११-० असा विजय मिळवत विजेतेपद पटकावले. सुरुवातीचे दोन्ही गेम जिंकल्यानंतर त्रिशाने तिसरा व चौथा गेम जिंकत सामन्यात पुनरागमन करण्याचा प्रयत्न केला. मात्र निर्णायक पाचव्या गेममध्ये स्वराने दमदार खेळ करत ११-० असा एकतर्फी विजय मिळवला आणि विजेतेपदावर शिक्कामोर्तब केले.स्वरा करमरकर ही बी. वाय. के. कॉलेज ऑफ कॉमर्समध्ये अकरावी इयत्तेत शिक्षण घेत असून जय मोडक टेबल टेनिस अकादमीमध्ये प्रशिक्षक जय मोडक आणि पुनित देसाई यांच्या मार्गदर्शनाखाली सराव करते.

स्पर्धेचा सविस्तर निकाल ; १७ वर्षांखालील मुले

उपांत्य फेरी 
मयुरेश सावंत (ठाणे) वि.वि. आहान गोसर (ठाणे) — ११-७, १२-१०, १२-१०

प्रतीक तुळसानी (ठाणे) वि.वि. श्रेयस माणकेश्वर (पुणे) — ११-७, ११-६, १४-१२

अंतिम फेरी :
मयुरेश सावंत (ठाणे) वि.वि. प्रतीक तुळसानी (ठाणे) — ११-५, ११-७, ११-७

Table Tennis चा थरार! वर्धेत पुण्याच्या खेळाडूंचा डंका; रुचिता दारवटकर अन् ‘हे’ खेळाडू पुढील फेरीत

१७ वर्षांखालील मुली

उपांत्य फेरी :
स्वरा करमरकर (नाशिक) वि.वि. स्वरदा साने (पुणे) — ११-६, ६-११, ८-११, ११-४, ११-४

त्रिशा लुडबे (ठाणे) वि.वि. विनया वधान (ठाणे) — ११-५, ११-६, ११-७

अंतिम फेरी :
स्वरा करमरकर (नाशिक) वि.वि. त्रिशा लुडबे (ठाणे) — ११-४, ११-५, ९-११, ६-११, ११-०