SRH Vs RR Live: रियान परागने टॉस जिंकला; एसआरएच विरुद्ध घेतला ‘हा’ महत्वाचा निर्णय

आजचा सामना एसआरएचसाठी अत्यंत महत्वाचा समजला जात आहे. 4 पैकी एसआरएच केवळ 1 सामना जिंकू शकली आहे त्यामुळे आजचा सामना जिंकून 2 गुणांची कमाई करण्याचा प्रयत्न कर्णधार इशान किशन आणि एसआरएच संघाचा असणार आहे.

आज एसआरएच अन् राजस्थान आमनेसामने 
हैदराबाद स्टेडियमवर पाहायला मिळणार धावांचा पाऊस 
थोड्याच वेळात सुरू होणार मॅच

Tata IPL 2026 SRH Vs RR Live Toss Updates: आज राजीव गांधी आंतरराष्ट्रीय स्टेडियमवर सनरायझर्स हैदराबाद विरुद्ध राजस्थान रॉयल्स यांच्यात मॅच होणार आहे. ट्रेविस हेड, अभिषेक शर्मा, यशस्वी जयस्वाल, वैभव सूर्यवंशी यांची तूफान फलंदाजी आज चाहत्यांना अनुभवायला मिळणार आहे. दरम्यान आजच्या सामन्यात राजस्थान रॉयल्सने टॉस जिंकून प्रथम गोलंदाजी करण्याचा निर्णय घेतला आहे.

आजचा सामना एसआरएचसाठी अत्यंत महत्वाचा समजला जात आहे. 4 पैकी एसआरएच केवळ 1 सामना जिंकू शकली आहे त्यामुळे आजचा सामना जिंकून 2 गुणांची कमाई करण्याचा प्रयत्न कर्णधार इशान किशन आणि एसआरएच संघाचा असणार आहे. एसआरएचच्या गोलंदाजांना अजून सूर सापडलेला नाही. 200 पेक्षा जास्त धावांचा बचाव देखील ते मागील सामन्यात करू शकले नाहीत. त्यामुळे आज गोलंदाजांची देखील कसोटी असणार आहे.

तर दुसरीकडे कर्णधार रियान परागच्या नेतृत्वात राजस्थान रॉयल्सचा संघ दमदार कामगिरी करत आहे. 4 पैकी 4 सामने राजस्थानने आतापर्यंत जिंकले आहेत. वैभव सूर्यवंशी, यशस्वी जयस्वाल,  ध्रुव जुरेल हे जबरदस्त फॉर्ममध्ये आहेत. राजस्थान रॉयल्सची गोलंदाजी देखील प्रभावी ठरली आहे. त्यामुळे हा संघ पूर्णपणे समतोल असलेला संघ पाहायला मिळत आहे.

RR Vs SRH Pitch Report: आज धावांचा महापूर येणार की…? पीच रिपोर्टने उडवली झोप, वाचा सविस्तर

पीच रिपोर्टने उडवली झोप

राजीव गांधी क्रिकेट स्टेडियमची खेळपट्टी फलंदाजांसाठी नंदनवन समजली जाते. आयपीएलमध्ये सर्वाधिक धावसंख्या होणारे हे एक स्टेडियम आहे. एसआरएचच्या गोलंदाजांना अजून सूर गवसलेला नाही. आज त्यांना यशस्वी जयस्वाल, ध्रुव जुरेल आणि वैभव सूर्यवंशीचा सामना करावा लागणार आहे. तर राजस्थानच्या गोलंदाजांना ट्रेविस हेड , अभिषेक शर्मा आणि हेनरी क्लासेन यांचा सामना करावा लागणार आहे.

या ठिकाणी आतापर्यंत आयपीएलचे 84 सामने खेळवले गेले आहेत. तर पहिल्यांदा फलंदाजी करून या ठिकाणी 35 सामने जिंकले गेले आहेत. टार्गेटचा पाठलाग करतानाया 48 सामने जिंकले गेले आहेत. त्यामुळे पीच रिपोर्टनुसार टॉस जिंकणार संघ प्रथम गोलंदाजी करण्याचा निर्णय घेऊ शकतो. त्या त्या संघासाठी फायदेशीर ठरू शकतो.

SRH Vs RR Playing 11: ‘एसआरएच’, ‘आरआर’च्या गोलंदाजांची धुलाई निश्चित; अभिषेक, वैभव अन्…

एसआरएचची संभाव्य टीम: ट्रॅव्हिस हेड, अभिषेक शर्मा, इशान किशन, हेनरिक क्लासेन, नितीश कुमार रेड्डी, सलील अरोरा, अनिकेत वर्मा, हर्ष दुबे, शिवांग कुमार, हर्षल पटेल, जयदेव उनाडकट, ईशान कलिंगा, झीशान अन्सारी

राजस्थान रॉयल्सची संभाव्य टीम: यशस्वी जयस्वाल, वैभव सूर्यवंशी, रियान पराग, शिमरॉन हेटमायर, ध्रुव जुरेल, रवींद्र जडेजा, दासुन शनाका, जोफ्रा आर्चर, नांद्रे बर्गर, रवी बिश्नोई, संदीप शर्मा, नितीश राणा