DC Vs GT Pitch Report: मैदान तयार, खेळाडू सज्ज, पण…; पाऊस गेम करणार, पहा पीच रिपोर्ट

गुजरात टायटन्सचे आपले पहिले दोन्ही सामने गमावले आहेत. पंजाब किंग्ज आणि राजस्थान रॉयल्सने त्यांचा पराभव केला. गुजरात टायटन्सचे नेतृत्व शुभमन गिल करत आहे. तर दिल्ली कॅपिटल्सचे नेतृत्व अक्षर पटेल करत आहे.

दिल्ली कॅपिटल्स विरुद्ध गुजरात टायटन्स येणार आमनेसामने 
संध्याकाळी 7.30 वजा सुरू होणार आयपीएलचा थरार 
आजच्या सामन्यावर पावसाचे सावट

Tata IPL 2026 DC Vs GT Live Updates: आज आयपीएलच्या महासंग्रामात दिल्ली कॅपिटल्स विरुद्ध गुजरात टायटन्स यांच्यात दिल्लीच्या अरुण जेटली क्रिकेट स्टेडियमवर सामना होणार आहे. गुजरात टायटन्स आज आपल्या पहिल्या विजयासाठी मैदानात उतरेल. तर दिल्ली कॅपिटल्सचा संघ तिसरा विजय प्राप्त करण्यासाठी खेळेल. आजच्या सामन्याचा पीच रिपोर्ट जाणून घेऊयात.

गुजरात टायटन्सचे आपले पहिले दोन्ही सामने गमावले आहेत. पंजाब किंग्ज आणि राजस्थान रॉयल्सने त्यांचा पराभव केला. गुजरात टायटन्सचे नेतृत्व शुभमन गिल करत आहे. तर दिल्ली कॅपिटल्सचे नेतृत्व अक्षर पटेल करत आहे. दिल्लीने त्याच्या नेतृत्वात गेल्या दोन्ही सामन्यात विजय मिळवला आहे. त्यामुळे आजचा सामना गुजरातसाठी अत्यंत महत्वाचा समजला जात आहे. मात्र आजच्या सामन्यावर देखील पावसाचे संकट असल्याचे समोर येत आहे.

आजच्या मॅचचा काय आहे पीच रिपोर्ट?

आज दिल्ली कॅपिटल्स आणि गुजरात टायटन्स हे संघ दिल्लीच्या अरुण जेटली क्रिकेट स्टेडियमवर आमनेसामने येणार आहेत. मात्र या सामन्यावर पावसाचे सावट असणार आहे. दिल्लीत आज पावसाचा अंदाज देण्यात आला आहे. आज दिल्लीत पाऊस पडण्याची शक्यता 40 टक्के इतकी वर्तवण्यात आलेली आहे. ढगाळ हवामान राहू शकते.

MI vs RR Live: चाहत्यांच्या उत्साहावर पाणी फिरणार; पावसामुळे सलग दुसरा सामना रद्द होणार?

या स्थितीमध्ये टॉस जिंकून कोणताही कर्णधार प्रथम गोलंदाजी करण्याचा निर्णय घेऊ शकतो. असे हवामान असल्यास या ठिकाणी वेगवान गोलंदाजांना मदत मिळण्याची शक्यता आहे. पाऊस सुरू झाल्यास आजच्या सामन्यात व्यत्यय येण्याची शक्यता आहे. सलग दोन दिवस पावसामुळे आयपीएलच्या सामन्यांमध्ये बाधा आल्याचे पाहायला मिळाले.

MI Vs RR Pitch Report: मुंबई विरुद्ध राजस्थान रॉयल्स मॅचवर पावसाचे सावट? पहा पीच रिपोर्ट

केकेआर विरुद्ध पंजाब किंग्ज हा सामना पावसामुळे रद्द झाला आणि दोन्ही संघांना प्रत्येकी एक एक गुण देण्यात आला. तर काल गुवाहाटीमध्ये पाऊस झाल्याने मुंबई इंडियन्स आणि राजस्थान रॉयल्समध्ये 11 ओव्हर्सचा सामना खेळवला गेला. यामध्ये राजस्थानने 11 ओव्हर्समध्ये मुंबई इंडियन्सला 151 धावांचे लक्ष्य दिले. मात्र हे टार्गेट मुंबई इडियन्सचे फलंदाज पूर्ण करू शकले नाही. या सामन्यात मुंबई इंडियन्सचा 27 धावांनी पराभव झाला. त्यामुळे आजच्या सामन्यात देखील पाऊस झाल्यास सामना रद्द होणार की कमी ओव्हर्सचा होणार हे पहावे लागणार आहे.