गुरुवार, 22 ऑक्टोबर 2026
PBKS vs SRH Live Streaming (फोटो - ians)
आज एसआरएच अन् पंजाब किंग्ज आमनेसामने
न्यू चंदीगडमध्ये रंगणार आयपीएलचा थरार
दुपारी 3.30 वाजता सुरू होणार सामना
Tata IPL 2026 PBKS Vs SRH Live Updates: आज मुल्लानपूर, चंदीगड येथील स्टेडियमवर पंजाब किंग्ज विरुद्ध सनरायझर्स हैदराबाद यांच्यात थरारक असा सामना होणार आहे. दोन्ही बाजूने आपल्याला धावांचा पाऊस पाहायला मिळू शकतो. एसआरएच आणि पंजाब किंग्जचा संघ सध्या फूल फॉर्ममध्ये असल्याचे पाहायला मिळत आहे. दरम्यान पंजाब किंग्जने टॉस जिंकत प्रथम गोलंदाजी करण्याचा निर्णय घेतला आहे.
पंजाब किंग्जचा संघ सध्या चांगली कामगिरी करत आहे. पहिले दोन्ही सामने पंजाबने जिंकले आहेत. तर तिसरा सामना पावसामुळे रद्द झाल्याने त्यांना एक गुण मिळाला आहे. मागील वर्ष पंजाब किंग्ज उपविजेती ठरली आहे. श्रेयस अय्यरच्या नेतृत्वात संघ चांगली कामगिरी करत आहे.
दुसरीकडे एसआरएच देखील आज जिंकण्याच्या दृष्टीने आपला खेळ करेल यात शंका नाही. एसआरएच संघाचे नेतृत्व इशान किशन करत आहे. इशान सध्या जबरदस्त फॉर्ममध्ये आहे. एसआरएचचा संघ 3 पैकी 1 च सामना जिंकला आहे तर 2 सामने हरला आहे. एसआरएचचा संघ सध्या गुंतलिकेत 6 व्या स्थानी आहे.
भल्या भल्यांना जमलं नाही, ते Arshdeep करणार! KKR विरुद्ध ‘हा’ रेकॉर्ड करून ‘किंग’ बनणार?
आतापर्यंत पंजाब किंग्ज आणि सनरायझर्स हैद्राबादचा संघ 24 वेळा आमनेसामने आले आहेत. यामध्ये एसआरएचचा संघ मजबूत आहे, कारण हैदराबादच्या टीमने 24 पैकी 17 सामने जिंकले आहेत. त्यामुळे आज पंजाब किंग्जची चिंता नक्कीच वाढली असणार आहे. सध्याची आकडेवारी पाहता एसआरएचच्या संघाचे पारडे मजबूत दिसून येत आहे.
काय आहे पीच रिपोर्ट?
आजचा सामना चंदीगडमध्ये होत आहे. पंजाब किंग्जचे हे होम ग्राऊंड आहे. आजची खेळपट्टी फलंदाजी आणि गोलंदाजीसाठी संतुलित असण्याची शक्यता आहे. सुरुवातीच्या काही ओव्हर्समध्ये वेगवान गोलंदाजांना मदत मिळू शकते. काही ओव्हर्सनंतर फलंदाजी करणे देखील या ठिकाणी सोपे होऊ शकते. आज येथील हवामान देखील स्वच्छ आणि मोकळे पाहायला मिळणार आहे. केवळ 2 ते 3 टक्के पावसाचा अंदाज व्यक्त करण्यात आला आहे. मात्र त्यामुळे आजच्या सामन्यावर काही परिणाम पाहायला मिळणार नाही, असे म्हंटले जात आहे.
एसआरएचची संभाव्य टीम: अभिषेक शर्मा, ट्रॅव्हिस हेड, इशान किशन (कर्णधार आणि यष्टिरक्षक), नितीश कुमार रेड्डी, हेनरिक क्लासेन, लियाम लिव्हिंगस्टोन, ब्रायडन कार्स, हर्ष दुबे, हर्षल पटेल, जयदेव उनाडकट, इशान मलिंगा
पंजाब किंग्जची संभाव्य टीम: प्रभसिमरन सिंह, प्रियांश आर्य, कूपर कोनोली, श्रेयस अय्यर (कर्णधार), नेहल वढेरा, मार्कस स्टॉइनिस, शशांक सिंह, मार्को यानसन, जेवियर बार्टलेट, विजयकुमार वैशाख, अर्शदीप सिंह, युझवेंद्र चहल,
