SRH Vs PBKS: हैदराबादने ‘कुटलं’ अन् Abhishek Sharma ने ‘धुतलं’; PBKS ला विजयासाठी 220 रन्सचे टार्गेट

प्रमुख गोलंदाजांना एकही विकेट न मिळाल्यामुळे श्रेयस अय्यरने मिडियम पेसर असलेल्या शशांक सिंहला गोलंदाजी करण्यासाठी बोलवले. त्याने आपल्या दुसऱ्याच ओव्हरमध्ये ट्रेविस हेड आणि अभिषेक शर्माची विकेट पटकावली.

अभिषेक शर्माने ठोकले खणखणीत अर्धशतक 
शशांक सिंहने हेड, अभिषेकला केले आउट 
एसआरएचचे पंजाब किंग्जला रन्सचे टार्गेट 

Tata IPL 2026 SRH vs PBKS Live Updates: आज न्यू चंदीगड येथे सनरायझर्स हैदराबाद आणि पंजाब किंग्जमध्ये सामना सुरू आहे. या सामन्यात खेळपट्टी लकष्ट घेऊन पंजाब किंग्जचा कर्णधार श्रेयस अय्यरने टॉस जिंकून प्रथम गोलंदाजी करण्याचा निर्णय घेतला होता. मात्र पॉवर प्लेमध्ये हा निर्णय पूर्णपणे चुकल्याचे दिसून आले. अभिषेक शर्मा आणि ट्रेविस हेडने 100 रन्सची भागीदारी केली. दरम्यान एसआरएचने पंजाब किंग्जला 220 रन्सचे टार्गेट दिले आहे. पंजाबला विजयासाठी 220 रन्सची गरज आहे.

एसआरएचची फलंदाजी

ट्रेविस हेड आणि अभिषेक शर्माने एसआरएचच्या डावाची सुरुवात केली. दोघांनी पॉवर प्लेमध्ये एकही विकेट न गमावता 100 रन्सची भागीदारी केली. ट्रेविस हेड 38 रन्स करून आउट झाला. तर अभिषेक शर्माने 18 चेंडूत आपले अर्धशतक पूर्ण केले. अखेर अभिषेक शर्मा सिक्स मारण्याच्या नादात 78 रन्स करून आउट झाला. त्यानंतर हेनरी क्लासेन आणि कर्णधार इशान किशन खेळण्यासाठी मैदानात उतरले. इशान किशन 27 रन्स करून आउट झाला. तर अनिकेत वर्माने 18 रन्स केल्या. तर सलिल अरोराने 9 रन्स केल्या. हेनरी क्लासेन शेवटच्या ओव्हरमध्ये 39 रन्स करून आउट झाला. नितीश कुमार रेड्डी नॉटआउट राहिला. त्याने एकही रन केले नाही.

पंजाब किंग्जची गोलंदाजी

पंजाब किंग्जच्या गोलंदाजांना पॉवर प्लेमध्ये एकही विकेट मिळवता आली नाही. ट्रेविस हेड आणि अभिषेक शर्मा यांनी गोलंदाजांना एकही विकेट मिळू दिली नाही. प्रमुख गोलंदाजांना एकही विकेट न मिळाल्यामुळे श्रेयस अय्यरने मिडियम पेसर असलेल्या शशांक सिंहला गोलंदाजी करण्यासाठी बोलवले. त्याने आपल्या दुसऱ्याच ओव्हरमध्ये ट्रेविस हेड आणि अभिषेक शर्माची विकेट पटकावली आणि एसआरएचच्या डावाला ब्रेक लावला.

अर्शदीप सिंगने साहिल अरोरा आणि कर्णधार इशान किशनला आउट केले. तर बार्टलेटने हेनरी क्लासेनला आउट केले. तर युझवेंद्र चहला आजच्या सामन्यात एकही विकेट मिळवता आली नाही. त्याने तीन ओव्हर्समध्ये 33 रन्स दिले.

एसआरएचची संभाव्य टीम: अभिषेक शर्मा, ट्रॅव्हिस हेड, इशान किशन (कर्णधार आणि यष्टिरक्षक), नितीश कुमार रेड्डी, हेनरिक क्लासेन, लियाम लिव्हिंगस्टोन, ब्रायडन कार्स, हर्ष दुबे, हर्षल पटेल, जयदेव उनाडकट, इशान मलिंगा.

पंजाब किंग्जची संभाव्य टीम: प्रभसिमरन सिंह, प्रियांश आर्य, कूपर कोनोली, श्रेयस अय्यर (कर्णधार), नेहल वढेरा, मार्कस स्टॉइनिस, शशांक सिंह, मार्को यानसन, जेवियर बार्टलेट, विजयकुमार वैशाख, अर्शदीप सिंह, युझवेंद्र चहल.