MI vs RR Live: चाहत्यांच्या उत्साहावर पाणी फिरणार; पावसामुळे सलग दुसरा सामना रद्द होणार?

पाऊस किती वेळ सुरू राहतो याकडे सर्वांचे लक्ष लागले आहे. पाऊस लवकर थांबला तर सामना कधी सुरू होणार याची उत्सुकता असेल आणि नियमानुसार किती ओव्हर्सचा खेळ होणार हे पहावे लागणार आहे.

गुवाहाटीमध्ये जोरदार पावसाला सुरवात 
मुंबई विरुद्ध राजस्थान मॅचच्या टॉसला विलंब 
सलग दूसरा सामना रद्द होण्याचा अंदाज

MI vs RR Weather Updates: आयपीएलचा थरार सुरू होऊन एक आठवडा होऊन गेला आहे. आज गुवाहाटीमध्ये मुंबई इंडियन्स विरुद्ध राजस्थान रॉयल्स यांच्यात मॅच होणार आहे. मात्र गुवाहाटीत जोरदार पाऊस सुरू झाला आहे. त्यामुळे मुंबई आणि राजस्थानमधला (MI vs RR) सामना पावसामुळे रद्द होतो की काय अशी शक्यता निर्माण झाली आहे.

संध्याकाळी 7.30 वाजता सामना सुरू होणार होता. मात्र पाऊस सुरू असल्याने अद्याप मुंबई इंडियन्स विरुद्ध राजस्थान रॉयल्स संघांमध्ये टॉस देखील झालेला नाही. आता पाऊस किती वेळ सुरू राहतो याकडे सर्वांचे लक्ष लागले आहे. पाऊस लवकर थांबला तर सामना कधी सुरू होणार याची उत्सुकता असेल आणि नियमानुसार किती ओव्हर्सचा खेळ होणार हे पहावे लागणार आहे.

झालं, सगळं संपणार? MI Vs RR सामना रद्द होणार? गुवाहाटीत रन्सचे वादळ नव्हे तर…

गुवाहाटी आणि स्टेडियम असलेल्या परिसरात जोरदार पाऊस सुरू झाला आहे. त्यामुळे स्टेडियमची खेळपट्टी आणि बाकीचे मैदान झाकण्यात आले आहे. मैदानावर पाणी साठले असल्याचे समोर येत आहे. तेथील पाण्याचा निचरा करण्याचा प्रयत्न केला जात आहे. मात्र पावसाचा जोर कमी झालेला नाही. पाऊस सुरूच आहे. त्यामुळे तिथे काम करताना अडचण निर्माण होत आहे. आता पाऊस कधी थांबणार याकडे सर्वांचे लक्ष लागले आहे. पाऊस वेळेत थांबला तर नियमानुसार सामना होणार की नाही हे देखील पहावे लागणार आहे. सामना रद्द झाल्यास दोन्ही संघांना प्रत्येकी 1-1 गुण दिला जाईल.

मुंबई विरुद्ध राजस्थान पीच रिपोर्ट

बरसपारा क्रिकेट स्टेडीयमची खेळपट्टी फलंदाजीसाठी नंदनवन मानली जाते. या ग्राऊंडवर मोठी धावसंख्या उभी करणे शक्य आहे. प्रथम फलंदाजी करताना 155 ते 165 धावसंख्या अंदाजे आहे. तर दुसऱ्या डावात फलंदाजी करताना 145 ते 155 धावसंख्या अंदाजे आहे. त्यामुळे टॉस जिंकून कोणताही संघ प्रथम फलंदाजी करण्याचा निर्णय घेण्याची शक्यता जास्त आहे.

MI Vs RR Pitch Report: मुंबई विरुद्ध राजस्थान रॉयल्स मॅचवर पावसाचे सावट? पहा पीच रिपोर्ट

मुंबई इंडियन्सची संभाव्य टीम: रोहित शर्मा, रायन रिकलटन , सूर्यकुमार यादव, तिलक वर्मा, नमन धीर, हार्दिक पांड्या (कर्णधार), शेरफेन रदरफोर्ड,मिचेल सँटनर,  शार्दुल ठाकूर, ट्रेंट बोल्ट, कॉर्बिन बॉश, जसप्रीत बुमराह.

राजस्थान रॉयल्सची संभाव्य टीम: यशस्वी जयस्वाल, वैभव सूर्यवंशी, संजू सॅमसन (यष्टीरक्षक), ध्रुव जुरेल, शिम्रोन हेटमायर, रियान पराग (कर्णधार), रवींद्र जडेजा, डॅशुन शनाका, डोनोवन फरेरा,  जोफ्रा आर्चर, तुषार देशपांडे, रवी बिष्णोई, नांद्रे बर्गर, युधवीर सिंह