RR Vs SRH Pitch Report: आज धावांचा महापूर येणार की…? पीच रिपोर्टने उडवली झोप, वाचा सविस्तर

राजीव गांधी क्रिकेट स्टेडियमची खेळपट्टी फलंदाजांसाठी नंदनवन समजली जाते. आयपीएलमध्ये सर्वाधिक धावसंख्या होणारे हे एक स्टेडियम आहे. एसआरएचच्या गोलंदाजांना अजून सूर गवसलेला नाही.

आज एसआरएच विरुद्ध राजस्थान रॉयल्स यांच्यात सामना 
अभिषेक शर्मा आणि वैभव सूर्यवंशीच्या कामगिरीकडे लक्ष 
संध्याकाळी 7.30 वाजता सुरू होणार सामना

Tata IPL 2026 SRH vs RR Live: आयपीएलचा थरार सुरू झाला आहे. रोज होणाऱ्या सामन्यांमध्ये चाहत्यांना रोमांच पाहायला मिळत आहे. शेवटच्या चेंडूपर्यंत जाणारे सामने रंगत आणत आहेत. दरम्यान आज संध्याकाळी 7.30 वाजता राजीव गांधी आंतरराष्ट्रीय स्टेडियमवर एसआरएच विरुद्ध राजस्थान रॉयल्स यांच्यात होणार आहे. या स्टेडियमवर खेळपट्टी कोणाला पूरक ठरणार हे जाणून घेऊयात.

आज हैद्राबाद येथील राजीव गांधी आंतरराष्ट्रीय क्रिकेट स्टेडियमवर सनरायझर्स हैदराबाद आणि राजस्थान रॉयल्स यांच्यात होणार आहे. मगच सामना एसआरएचने गमावला आहे. तर राजस्थान रॉयल्स आपले पहिले 4 ही सामने जिंकली आहे. त्यामुळे आजचा सामना एसआरएचसाठी महत्वाचा समजला जात आहे.

काय आहे आजचा पीच रिपोर्ट?

राजीव गांधी क्रिकेट स्टेडियमची खेळपट्टी फलंदाजांसाठी नंदनवन समजली जाते. आयपीएलमध्ये सर्वाधिक धावसंख्या होणारे हे एक स्टेडियम आहे. एसआरएचच्या गोलंदाजांना अजून सूर गवसलेला नाही. आज त्यांना यशस्वी जयस्वाल, ध्रुव जुरेल आणि वैभव सूर्यवंशीचा सामना करावा लागणार आहे. तर राजस्थानच्या गोलंदाजांना ट्रेविस हेड , अभिषेक शर्मा आणि हेनरी क्लासेन यांचा सामना करावा लागणार आहे.

IPL 2026 मध्ये Mohammed Shami चा जलवा, 4 ओव्हरमध्ये सर्वात कमी धावा देत रचला इतिहास

या ठिकाणी आतापर्यंत आयपीएलचे 84 सामने खेळवले गेले आहेत. तर पहिल्यांदा फलंदाजी करून या ठिकाणी 35 सामने जिंकले गेले आहेत. टार्गेटचा पाठलाग करतानाया 48 सामने जिंकले गेले आहेत. त्यामुळे पीच रिपोर्टनुसार टॉस जिंकणार संघ प्रथम गोलंदाजी करण्याचा निर्णय घेऊ शकतो. त्या त्या संघासाठी फायदेशीर ठरू शकतो.

दोन्ही संघ फलंदाजीमध्ये मजबूत आहेत. ट्रेविस हेड, अभिषेक शर्मा, इशान किशन आणि हेनरी क्लासेन जबरदस्त फॉर्ममध्ये आहेत. मात्र गोलंदाजांना अजून सूर गवसलेला नाही. मागच्या सामन्यात 200 पेक्षा जास्त धावा असून देखील एसआरएचच्या गोलंदाजांना त्याचा बचाव करता आला नाही. त्यामुळे एसआरएचसमोर फॉर्ममध्ये असलेल्या आणि सर्व सामने जिंकलेल्या राजस्थान रॉयल्सचे आव्हान असणार आहे.

RR मॅनेजरचा वाद चिघळला, ‘फुफ्फुस फेल’; मेडिकल इमर्जन्सीमुळे डगआऊटमध्ये फोन पाहिल्याचा हवाला

राजस्थान रॉयल्सचा संघ जबरदस्त कामगिरी करत आहे. वैभव सूर्यवंशी, यशस्वी जयस्वाल, ध्रुव जुरेल हे तुफानी फलंदाजी करत आहेत. दरम्यान गोलंदाजीमध्ये देखील राजस्थान रॉयल्सचे पारडे मजबूत आहे. तसेच 4 ही सामने जिंकले असल्यामुळे त्यांचा आत्मविश्वास वाढलेला आहे. आजच्या सामन्यात धावांचा पाऊस बघायला मिळू शकतो. संध्याकाळी 7 वाजता या सामन्याचा टॉस होईल आणि 7.30 वाजता हा सामना सुरू होईल.