क्रिकेटचा किंग आता LinkedIn वरही सुपरहिट! Virat Kohli च्या पहिल्याच पोस्टने उडवली खळबळ; नेमकं काय म्हणाला?

Virat Kohli makes Debut on LinkedIn at 37: स्टार फलंदाज विराट कोहलीने लिंक्डइनवर पदार्पण केले आहे. यासोबतच, त्याच्या पहिल्या पोस्टने धुमाकूळ घातला आहे.

• विराट कोहलीची नवी ओळख, नवी सुरुवात
• LinkedIn वरील पहिल्या पोस्टने वेधलं सर्वांचं लक्ष
• पहिल्याच दिवशी मोठा धमाका

भारतीय क्रिकेट संघाचा माजी कर्णधार आणि स्टार फलंदाज विराट कोहलीने प्रोफेशनल नेटवर्किंग प्लॅटफॉर्म लिंक्डइनवर एक नवीन सुरुवात केली आहे. या प्लॅटफॉर्मवर एन्ट्री करताच कोहलीने अवघ्या १० तासांत १,००,००० फॉलोअर्स मिळवले.कोहलीने भारतीय क्रिकेट नियामक मंडळाचा (BCCI) व्यावसायिक खेळाडू म्हणून स्वतःची ओळख देण्याव्यतिरिक्त, त्याच्या लिंक्डइन प्रोफाइलमध्ये त्याने स्वतःला एक बिझनेसमॅन म्हणूनही संबोधले आहे. कोहलीने स्वतःला अ‍ॅगिलाटासमधील गुंतवणूकदार आणि वन८वर्ल्डचा सह-संस्थापक असल्याचेही सांगितले.क्रिकेटच्या मैदानावर आपली छाप सोडणाऱ्या कोहलीने आता प्रोफेशनल नेटवर्किंग प्लॅटफॉर्मवर प्रवेश का केला आहे, याबद्दल चाहत्यांमध्ये चर्चा सुरू झाली आहे. (Virat Kohli makes Debut on Linkedin at 37)

Josh Hazlewood ने आफ्रिकन फलंदाजांना रडवलं! भेदक गोलंदाजीने Brett Lee ला पछाडलं; कसोटी क्रिकेटमध्ये केली ऐतिहासिक कामगिरी

कोहलीने लिंक्डइनवर केले पदार्पण

कोहलीच्या लिंक्डइनवरील पहिल्या पोस्टला चाहत्यांकडून प्रचंड प्रेम मिळाले असून, अवघ्या काही तासांतच हजारो लाईक्स, शेकडो कमेंट्स आणि रिपोस्ट्स मिळाले आहेत. या स्टार फलंदाजाने भारतीय खेळांच्या भविष्याबद्दलची आपली दृष्टी मांडली आणि प्रोफेशनल क्रिकेटपटू म्हणून निवृत्त झाल्यानंतरही व्यवसाय उभारण्याची आपली महत्त्वाकांक्षा व्यक्त केली.

लिंक्डइनवर शेअर केलेल्या आपल्या पहिल्या पोस्टमध्ये विराट कोहलीने लिहिले की, ‘मला नेहमीच एक असा भारत पाहायचा होता, जिथे प्रत्येक खेळाला फॉलो केले जाईल, तो साजरा केला जाईल आणि खेळला जाईल. आज, ते व्हिजन पूर्वीपेक्षा अधिक जवळ आल्यासारखे वाटते. एक नवीन पिढी हे सिद्ध करत आहे की, भारत जागतिक दर्जाचे खेळाडू निर्माण करू शकतो आणि जागतिक स्तरावर ब्रँड तयार करू शकतो.’

त्याने पुढे लिहिले की, ‘प्रोडक्ट, कस्टमर ब्रँड आणि स्पोर्ट्स डिस्ट्रीब्य़ुशन यांचा समावेश असलेला, भारतातून एक संपूर्ण स्पोर्ट्स प्लॅटफॉर्म तयार करणे हे आमचे ध्येय आहे. आमचा विश्वास आहे की, भारत केवळ जागतिक क्रीडा प्रकारात सहभागी होऊ शकत नाही, तर त्याचे भविष्य घडविण्यातही मदत करू शकतो. याच कारणामुळे मी गुंतवणूकदार आणि One8World चा को-फाउंडर को- क्रिएटर म्हणून Agilitas मध्ये सामील झालो आहे.’

कोहली सध्या जबरदस्त फॉर्ममध्ये

विराट कोहली अलीकडेच वेस्ट इंडिजविरुद्धच्या तीन सामन्यांच्या एकदिवसीय मालिकेत खेळताना दिसला होता. त्याने या मालिकेत आपले ८६ वे शतक झळकावले. आता, भारतीय संघ न्यूझीलंड दौऱ्यावर जाणार आहे. दरम्यान कोहली पुन्हा एकदा मैदानावर खेळताना दिसेल.

IPL 2027 पूर्वी मुंबई इंडियन्समध्ये मोठा ट्विस्ट! रोहित शर्मा कर्णधार होणार? MI ने केला मोठा खुलासा