Women’s Asia Cup 2026: आजपासून महिला आशिया कपची सुरूवात, कधी आणि कुठे होणार Live Match

Women's Asia Cup 2026: १७ दिवसीय महिला आशिया कप २०२६ आज दुबईमध्ये सुरू होत आहे. या स्पर्धेत भारतीय महिला क्रिकेट संघही सहभागी होत आहे. अंतिम सामना १३ सप्टेंबर रोजी होणार आहे.

• आजपासून महिला आशिया कप २०२६ ला सुरूवात 

• कधी आणि कुठे पाहता येणार सामने 

• लाईव्ह मॅच अपडेट कुठे मिळणार 

Women’s Asia Cup 2026: महिला आशिया कप २०२६ आज, २८ ऑगस्ट रोजी युएईमध्ये आयोजित केला जात आहे. ही या स्पर्धेची १० वी आवृत्ती आहे. आतापर्यंत भारताने सात वेळा विजेतेपद पटकावले आहे, तर श्रीलंका आणि बांगलादेशने प्रत्येकी एकदा विजेतेपद मिळवले आहे. महिला आशिया कप २००४ मध्ये सुरू झाला. २००८ पर्यंत तो एकदिवसीय स्वरूपात खेळला जात होता. २०१२ पासून तो टी-२० स्वरूपात आयोजित केला जात आहे. श्रीलंका गतविजेता आहे.

भारतीय महिला संघाचा पहिला सामना ३० ऑगस्ट रोजी

INDIA WOMEN’S LANDED IN DUBAI FOR THE WOMEN’S ASIA CUP 2026 🇮🇳🏆 – All the very best, Team India! Go bring the trophy home! 🫡🔥#WomensAsiaCup #TeamIndia #IndianWomensCricket #BCCI #Cricket 🏏🇮🇳 pic.twitter.com/S1FuU8h380 — Akaran.A (@Akaran_1) August 27, 2026

महिला आशिया कप २०२६ मध्ये आठ संघ सहभागी होत आहेत: भारत, पाकिस्तान, श्रीलंका, बांगलादेश, युएई, थायलंड, हाँगकाँग आणि इंडोनेशिया. या संघांना दोन गटांमध्ये विभागले आहे. गट ‘अ’ मध्ये हाँगकाँग, भारत, पाकिस्तान आणि थायलंड यांचा समावेश आहे. गट ‘ब’ मध्ये बांगलादेश, श्रीलंका, युएई, इंडोनेशिया आणि श्रीलंका यांचा समावेश आहे. स्पर्धेतील पहिला सामना थायलंड आणि हाँगकाँग यांच्यात दुबई आंतरराष्ट्रीय क्रिकेट स्टेडियमवर खेळला जाईल. भारतीय संघ ३० ऑगस्ट रोजी थायलंडविरुद्ध आपल्या मोहिमेला सुरुवात करेल.

Asia Cup 2026: आशिया कपसाठी ‘ब्लू ब्रिगेड’ सज्ज! हरमनप्रीतची ‘पलटण’ दुबईत दाखल; पाकिस्तानविरुद्ध महामुकाबला

महिला आशिया कप २०२६ वेळापत्रक

आशिया कपचा अंतिम सामना १३ सप्टेंबर रोजी

गट फेरीतील अव्वल दोन संघ उपांत्य फेरीसाठी पात्र ठरतील. पहिला उपांत्य सामना १० सप्टेंबर रोजी आणि दुसरा ११ सप्टेंबर रोजी खेळला जाईल. उपांत्य फेरीतील विजेते संघ १३ सप्टेंबर रोजी दुबई आंतरराष्ट्रीय क्रिकेट स्टेडियमवर होणाऱ्या महिला आशिया कप २०२६ च्या अंतिम सामन्यासाठी पात्र ठरतील. १७ दिवसांच्या महिला आशिया कपमध्ये १५ सामने खेळवले जातील.

महिला T20 आशिया कप 2026 पूर्वी Sony Sports Network च्या ‘Not a Gentleman’s Game’ मोहिमेत हरमनप्रीत कौरची दमदार फलंदाजी

महिला आशिया कपचे थेट सामने कधी आणि कुठे पाहावेत?

महिला आशिया कप २०२६ चे सामने सोनी स्पोर्ट्स नेटवर्कवर थेट पाहता येतील. थेट प्रक्षेपणासाठी, तुम्ही सोनी लिव्ह ॲप आणि वेबसाइटवर क्लिक करू शकता. मॅच न बघितल्यास त्यानंतर हायलाईट्सदेखील तुम्हाला याच ठिकाणी पाहता येतील.