IPL २०२५ : ‘यॉर्कर किंग’ बुमराहची धुलाई अन् राग अनावर, फलंदाजासोबत असभ्य कृत्य, रोहितने लुटला आनंद..,पहा व्हिडिओ

आयपीएल २०२५ च्या २९ व्या सामन्यात मुंबई इंडियन्सने दिल्ली कॅपिटल्स संघाचा धुव्वा उडवला आहे. या सामन्यात एक घटना घडली. ज्यामध्ये बुमराह हा दिल्लीच्या करुण नायरसोबत वाद घालताना दिसून आला.

IPL २०२५ : आयपीएल २०२५ च्या २९ व्या सामन्यात मुंबई इंडियन्स आणि दिल्ली कॅपिटल्स आमनेसामने आले होते. या सामन्यात मुंबईने दिल्ली कॅपिटल्सचा १२ धावांनी पराभव केला. या विजयासह मुंबईने हंगामातील त्यांचा दुसरा विजय नोंदवला आहे. या सामन्यात दिल्लीच्या फलंदाजाकडून जसप्रीत बुमराहची चांगली काळजी घेण्यात आली. भारतीय संघाबाहेर असणारा विदर्भाचा फलंदाज करुण नायरने बुमराहचा सामना केला आणि त्याचा चेंडू स्टँडच्या पलीकडे पाठवण्यात यश मिळवले. बुमराहला मात्र रुचले नाही. त्याने करुण नायरसोबत असभ्य वर्तन केले.  ज्याचा व्हिडिओ सोशल मीडियावर वेगाने व्हायरल होत आहे.

हेही वाचा : SRH Vs PBKS : ‘आम्ही उत्तम धावसंख्या उभारली..’, हैद्राबादच्या वादळाचा तडाखा बसलेल्या पंजाबच्या अय्यरची प्रतिक्रिया..

करुण नायरने तब्बल तीन वर्षांनी आयपीएलमध्ये पुनरागमन केले आहे. यानंतर त्याने आपल्या शानदार खेळीने सर्वांचे मनं जिंकली.  दिल्ली कॅपिटल्सने त्याला एक प्रभावी खेळाडू म्हणून फलंदाजीला उतरवले होते. त्यानंतर त्याने आपल्या  शानदार फलंदाजीने ४० चेंडूत ८९ धावा केल्या. करुण नायरचे हे अर्धशतक ७ वर्षांनी आले आहे. या काळात त्याने बुमराहवर आपला वरचष्मा राहू दिला. त्याने बुमराहच्या ९ चेंडूत २६ धावा केल्या आहेत. त्यानंतर बुमराह नाराज दिसून आला.

See more

The average Delhi vs Mumbai debate in comments section 🫣

Don’t miss @ImRo45 ‘s reaction at the end 😁

Watch the LIVE action ➡ https://t.co/QAuja88phU#IPLonJioStar 👉 #DCvMI | LIVE NOW on Star Sports Network & JioHotstar! pic.twitter.com/FPt0XeYaqS

— Star Sports (@StarSportsIndia) April 13, 2025

टाइम आउट दरम्यान शाब्दिक चकमक

करुण नायरने चांगली फलंदाजी करत पहिल्या पॉवरप्ले दरम्यानच करुणने आपले अर्धशतक पूर्ण केले. ६ षटकांनंतर टाइम आउट घेण्यात आला होता, त्यानंतर बुमराह करुणकडे गेला आणि काहीतरी बोलताना दिसून आला. या षटकाच्या शेवटच्या चेंडूवर नायर दोन धावा घेत असताना दुसऱ्या टोकावरील बुमराहल जाऊन आदळला. त्यानंतर करुणने त्याची  माफी मागितली. यानंतर देखील बुमराह संतपुन करुण नायरसोबत वाद घातला. नंतर करुण नायरने मुंबई इंडियन्सचा कर्णधार हार्दिक पंड्याला सांगितले की, बुमराह खूप रागावलेला दिसत आहे आणि नंतर संपूर्ण प्रकरण शांत झालेले दिसून आले.

रोहित शर्माची प्रतिक्रिया व्हायरल

मुंबई इंडियन्सचा वरिष्ठ खेळाडू रोहित शर्मा या वादविवादाचा आनंद घेत असल्याचे समोर आले आहे. त्याला या गंमतीचा आनंद मिळत होता असे दिसून येत आहे. एक वरिष्ठ खेळाडू म्हणून रोहित बुमराहला शांत करू शकला असता, मात्र त्याने त्या वादाचा आनंद लुटणे पसंत केले. तथापि, याबाबत रोहितची मजेदार प्रतिक्रिया सध्या व्हायरल झाली आहे.

 आयपीएल सामन्यात बुमराहविरुद्ध भारतीय खेळाडूने केलेल्या सर्वाधिक धावा.

27 (16) – शिखर धवन (SRH), 2016
२६ (९) – करुण नायर (डीसी), २०२५*
२५ (११) – राहुल त्रिपाठी (केकेआर), २०२१
२५ (९) – वृद्धिमान साहा (जीटी), २०२२
२३ (१२) – विराट कोहली (आरसीबी), २०१५

हेही वाचा : LSG vs CSK : ऋतुराज गायकवाडच्या जागी CSK च्या ताफ्यात ‘या’ मुंबईकराची एंट्री, रणजी ट्रॉफीत लावला होता धावांचा रतीब..

आयपीएलमध्ये बुमराहच्या एका षटकात सर्वाधिक धावा

२६ – पॅट कमिन्स (केकेआर), २०२२
२० – डीजे ब्राव्हो (सीएसके), २०१८
१८ – करुण नायर (डीसी), २०२५*
17 – फाफ डू प्लेसिस (CSK), 2021