Apple Maps मध्ये मोठा बदल! भारतात आले ‘Transit’ फीचर, आता बस-ट्रेनचा प्रवास होणार सोपा

Apple Maps Transit Feature: ॲपल मॅप्स वापरणाऱ्या भारतातील यूजर्ससाठी एक आनंदाची बातमी आहे. आता भारतातील यूजर्सना ट्रांझिट फीचर वापरण्याची संधी मिळणार आहे. मात्र कंपनीने अद्याप याबाबत अधिकृतपणे घोषणा केली नाही.

• ॲपल मॅप्समध्ये ट्रांझिट फीचर उपलब्ध झाल्याने यूजर्सना बस आणि ट्रेनच्या प्रवासाचे मार्ग व वेळा पाहता येणार आहेत.
• रिअल-टाईम बस-ट्रेन लोकेशन आणि सेवा अडथळ्यांची माहिती तसेच जवळच्या स्थानकांवरील सुटण्याच्या वेळा पाहता येणार आहेत.
• ॲपलने भारतात या फीचरच्या उपलब्धतेची अधिकृत घोषणा अद्याप केलेली नाही, त्यामुळे त्याचा विस्तार किती ठिकाणी आहे हे स्पष्ट नाही.

ॲपलने कथितपणे भारतात त्यांच्या ॲपल मॅप्समध्ये ट्रांसिट फीचर उपलब्ध केले आहे. काही पब्लिकेशनने या फीचरला दुजोरा दिला आहे. ट्रांसिट फीचर यूजर्सना पब्लिक ट्रांसपोर्टसंबंधित मार्ग ॲक्सेस करण्याची सुविधा ऑफर करते. यामध्ये संबंधित ट्रांसपोर्ट सुटण्याची वेळ, मार्ग आणि भाडे यांचा समावेश आहे. यामध्ये यूजर्सना आजूबाजूचे डिपार्चर आणि मेजर ट्रांजिट लाइन्सची माहिती देखील मिळते. कंपनीने अद्याप अधिकृतपणे हे फीचर भारतात रोलआऊट होण्याची घोषणा केली नाही. तसेच, भारत कंपनीच्या त्या क्षेत्राच्या यादीमधून गायब आहे, जिथे ट्रांसिट उपलब्ध आहे.

ChatGPT ला कामं सोपवा आणि विसरून जा! रिमाइंडरपासून रोजच्या कामांपर्यंत सगळं होणार ऑटोमॅटिक… जाणून घ्या कसं काम करणार ‘हे’ फीचर

ॲपल मॅप्स ट्रांसिट भारतात उपलब्ध

मॅकरुमर्सचे सहयोगी संशोधक ॲरॉन पॅरिस यांनी एक्सवर पोस्ट शेअर करत ॲपल मॅप्समधील या बदलाबाबत माहिती दिली आहे. मात्र कंपनीने अद्याप याबाबत कोणतीही अधिकृत घोषणा केली नाही. ॲपल मॅप्सचे ट्रांसिट फीचर सपोर्टेड सर्विससाठी पब्लिक ट्रांसपोर्टचे दिशानिर्देश ऑफर करतो. यामुळे यूजर्सना संबंधित ट्रांसपोर्ट सुटण्याची वेळ, मार्ग आणि भाडे याबाबत माहिती मिळते. (फोटो सौजन्य: X) 

In India, Apple has launched Transit in Apple Maps pic.twitter.com/o0XB0FRp5p — Aaron (@aaronp613) August 28, 2026

ॲपल मॅप्समध्ये रिअल टाईममध्ये सर्विसमध्ये येणारे अडथळे आणि बस व ट्रेन यांचे लोकेशन देखील पाहू शकता. तसेच यूजर्सना त्यांच्या लोकेशनजवळ पोहोचल्यानंतर अलर्ट मिळणार आहे. ट्रांसिट निअरबाय ऑप्शनद्वारे संबंधित ट्रांसपोर्टच्या आजूबाजूच्या ठिकाणाहून सुटण्याच्या वेळेची माहिती देखील मिळवू शकता. हे फीचर यूजर्सना संबंधित ट्रांसपोर्टच्या ठरावीक ठिकाणी पोहोचण्याच्या किंवा सुटण्याच्या वेळेच्या हिशोबाने ट्रिप प्लॅन करण्यासाठी आणि सहज वापरासाठी वारंवार वापरल्या जाणाऱ्या ट्रान्झिट लाईन्स पिन करण्याची सुविधा देते.

काही क्षेत्र आणि निवडक ट्रांसपोर्ट सिस्टिमसोबत ट्रांझिट पेमेंटचा सपोर्ट देखील मिळणार आहे. सिस्टिमच्या आधारे यूजर्स ॲपल पेद्वारे पेमेंट करू शकतात, ॲपल वॉलेटमध्ये सुसंगत ट्रांझिट कार्ट जोडू शकतात किंवा ट्रांसपोर्ट ऑपरेटरच्या ॲपचा वापर करू शकतात. मात्र लक्षात ठेवा की, कंपनीने अद्याप अधिकृतपणे हे फीचर भारतात रोलआऊट होण्याची घोषणा केली नाही. तसेच, भारत कंपनीच्या त्या क्षेत्राच्या यादीमधून गायब आहे, जिथे ट्रांसिट उपलब्ध आहे.

प्रीमियम फीचर्स, तगडी बॉडी अन् मोठी बॅटरी! Honor 600S 5G ने वेधलं सर्वांच लक्ष; किंमत 25 हजारांहून कमी

यावर्षीच्या सुरुवातीला आयओएस 27 ने ॲपल मॅप्समध्ये अनेक बदल सादर केले होते. ज्यामध्ये फ्लायओव्हर अनुभव समाविष्ट आहे, जो जास्त डिटेल्ड सिटी व्यूजसाठी हवाई प्रतिमा एआयसोबत जोडते. ॲपलने अमेरिकेत लोकल लिस्ट्स देखील सादर केल्या, ज्या स्थानिक ट्रेंडच्या आधारावर रेस्टॉरंट्स, कुटुंबासाठी अनुकूल ठिकाणे आणि इतर ठिकाणांसाठी शिफारसी तयार करतात.