भारतीय रेल्वेने उचललं मोठं पाऊल! तब्बल 2.5 करोड IRCTC अकाउंट्स केले डिलीट, मंत्री अश्विनी वैष्णव यांनी दिली माहिती

Indian Railway IRCTC App: रेल्वेने तात्काळ तिकीट बुकींग अधिक सुरक्षित आणि पारदर्शक व्हावी, यासाठी नवीन नियम लागू केले आहेत. या नव्या नियमांनुसार OTP आधारित लॉगिन वेरिफिकेशन अनिवार्य झाले आहे.

इंडियन रेलवे कॅटरिंग अँड टूरिज्म कारपोरेशन म्हणजेच IRCTC भारतीय रेल्वेच्या प्रवाशांसाठी एक उपयुक्त प्लॅटफॉर्म आहे. तिकीट बुक करणं, रेल्वेचे अपडेट्स इत्यादीसाठी IRCTC अ‍ॅप प्रवाशांसाठी फायद्याचे ठरते. 2002 च्या सुरुवातीला हे अ‍ॅप भारतीय रेल्वेने प्रवाशांसाठी लाँच केले होते. तिकीट बुकिंग करण्यासाठी, रेल्वेचे अपडेट्स मिळवण्यासाठी, जेवण ऑर्डर करण्यासाठी, टूरिज्म सर्विसेजसाठी हे अ‍ॅप प्रवाशांसाठी अतिशय फायद्याचे आहे.

Tech Tips: तुमच्या मृत्यूनंतर Gmail अकाउंटचं काय होतं? वैयक्तिक माहिती कशी ठेवाल Safe? जाणून घ्या सोप्या Tricks

डिजिटल सफाई अभियानाअंतर्गत घेतला निर्णय

भारतीय रेल्वेने एजेंट्सची सुरु असलेली मनमानी थांबवण्यासाठी आणि अ‍ॅपवरील फेक अकाऊंट्सबाबत एक महत्त्वाचा निर्णय घेतला आहे. रेल्वेमंत्री अश्विनी वैष्णव यांनी लोकसभेत याबाबत माहिती दिली आहे. अ‍ॅपवरील फेक अकाऊंट्सवर कठोर कारवाई करण्यात आली असल्याचं रेल्वेमंत्र्यांनी सांगितलं आहे. तिकीट बुकिंगमध्ये कोणतेही घोटाळे होऊ नयेत आणि व्यवहारात पारदर्शकता निर्माण व्हावी, यासाठी हा कठोर निर्णय घेण्यात आला आहे. 2.5 करोड फेक IRCTC यूजर अकाउंट्स आता बंद करण्यात आले आहेत. डिजिटल सफाई अभियानाअंतर्गत हा निर्णय घेण्यात आला आहे.  (फोटो सौजन्य – Pinterest)

2.5 करोड अकाउंट्स बंद का केले?

रेल्वेमंत्री अश्विनी वैष्णव यांनी सांगितलं की, ज्या अकाऊंट्सवर कारवाई करण्यात आली आहे, ते सर्व अकाऊंट्स बनावट ओळखीद्वारे बनवण्यात आले होते, या अकाऊंट्सचा उपयोग एजेंट्स आणि दलाल तात्काळ तिकिटे बुक करण्यासाठी करत होते. रेल्वेच्या डेटा एनालिसिस टीमने सांगितलं आहे की, या अकाउंट्सची ओळख पटवण्यात आली असून त्यांना ब्लॉक करण्यात आले आहे. सामान्य प्रवाशांना योग्य संधी देणे आणि ब्लॅक मार्केटिंग आणि मध्यस्थांना आळा घालणे हे या निर्णयाचे उद्दिष्ट आहे.

1 जुलैपासून लागू करण्यात आले नवे तात्काळ नियम

IRCTC अकाऊंट आधार लिंकिंग करणं अनिवार्य झाले आहे. आता फक्त आधार-व्हेरिफाईड युजर्सच तात्काळ तिकिटे बुक करू शकतील. यामुळे बनावट ओळखपत्रांसह तिकीट बुकिंग थांबेल आणि फक्त खऱ्या प्रवाशांनाच प्राधान्य मिळेल. रेल्वेमंत्र्यांनी सांगितले की, आता एकूण रेल्वे तिकिटांपैकी 89 टक्के तिकिटे आयआरसीटीसी वेबसाइट किंवा अ‍ॅपद्वारे ऑनलाइन बुक केले जात आहेत.

IRCTC वर लॉगिन करण्यात अडचण येतेय

IRCTC वरून तिकीट बुक करणं अधिक सोपं झालं आहे. याशिवाय बदलत्या नियमांमुळे सामान्य युजर्सना अधिक प्राधान्य दिलं जात आहे. अनेकदा IRCTC युजर्सना लॉगिन करण्यात अडचण येते किंवा अनेकदा असंही घडतं की युजर्स पासवर्ड विसरतात. तुम्हाला देखील IRCTC वर लॉगिन करण्यात अडचण येत असेल किंवा तुम्ही देखील तुमचा पासवर्ड विसरला असाल, तर काही सोप्या पद्धतीने पासवर्ड रिसेट करू शकता.

तुम्ही कुठे आहात, काय करताय… काहीही लपणार नाही! Wi-Fi सांगणार सर्वकाही, WhoFi टेक्नोलॉजी नक्की आहे तरी काय?

• सर्वात आधी ब्राऊझरवरून आईआरसीटीसी वेबसाईटवर जा.
• समोर दिसत असलेल्या पेजवर, वरच्या उजव्या कोपऱ्यातील तीन-ओळींच्या मेनूवर टॅप करा आणि ‘लॉगिन’ पर्यायावर क्लिक करा.
• इथे तुम्हाला ‘Forgot account details’ हा ऑप्शन दिसेल.
• तुम्ही या पर्यायावर क्लिक केल्यानंतर एक नवीन पेज ओपन होईल, इथे तुम्हाला IRCTC यूजरनेम किंवा रजिस्टर्ड ईमेल आईडी शेअर करावा लागणार आहे.
• आता कॅप्चा एंटर करा आणि खाली दिलेल्या ‘नेक्स्ट’ बटनवर क्लिक करा.
• आता तुमच्या रजिस्टर्ड मोबाईल नंबर किवा ईमेल आईडीवर OTP येईल.
• आता तुम्हाला OTP आणि नवीन पासवर्ड आणि दुसरा कॅप्चा टाकावा लागेल.
• सर्व माहिती भरल्यानंतर, खाली दिलेल्या बॉक्समधील ‘पासवर्ड अपडेट करा’ बटणावर क्लिक करा.
• ही संपूर्ण प्रोसेस फॉलो केल्यानंतर, तुमचा पासवर्ड रीसेट होईल.