पैशांचा पाऊस कुठे? Instagram की YouTube? ‘या’ दोन प्लॅटफॉर्मवर कमाईचे गणित कसे चालते, समजून घ्या!

अनेकदा प्रश्न पडतो की Instagram आणि YouTube कोणता प्लॅटफॉर्म जास्त पैसे देतो? पैसे कधी आणि कसे मिळतात? चला जाणून घेऊया या दोन प्लॅटफॉर्मवरील कमाईचे नेमके गणित आणि काही महत्त्वाच्या गोष्टी

• Instagram की YouTube कशातून होते जास्त कमाई?
• पैसे कधी आणि कसे मिळतात?
• जाणून घ्या संपूर्ण गणित

Instagram vs YouTube Earnings: आज सोशल मीडिया केवळ टाईमपास किंवा मनोरंजनाचे साधन राहिलेले नाही, तर कोट्यवधी लोकांसाठी तो कमाईचा सर्वात मोठा स्रोत बनला आहे. खासकरून तरुणाईमध्ये YouTube आणि Instagram हे दोन असे प्लॅटफॉर्म आहेत, जे ओळख, प्रसिद्धी आणि उत्पन्न हे तिन्ही देण्याची क्षमता ठेवतात. पण, अनेकदा प्रश्न पडतो की, या दोघांपैकी कोणता प्लॅटफॉर्म जास्त पैसे देतो? पैसे कधी आणि कसे मिळतात? चला जाणून घेऊया या दोन प्लॅटफॉर्मवरील कमाईचे नेमके गणित आणि काही महत्त्वाच्या गोष्टी, ज्यामुळे तुमच्यासाठी कोणता प्लॅटफॉर्म चांगला आहे, हे ठरवायला मदत होईल.

YouTube वरून कशी होते कमाई?

YouTube वर कमाईचा सर्वात मोठा स्त्रोत आहे Ad Revenue (जाहिरातीतून मिळणारे उत्पन्न). लोक जेव्हा तुमचे व्हिडिओ पाहतात, तेव्हा त्यावर दिसणाऱ्या जाहिरातींमधून पैसे मिळतात.

कमाईचे इतर मार्ग

• Super Chat
• Channel Membership
• Brand Sponsorship (ब्रँड प्रायोजकत्व)
• Affiliate Marketing

उत्पन्न कशावर अवलंबून असते?

कमाई प्रामुख्याने तुमच्या व्हिडिओवरील व्ह्यूजची संख्या, लोकांनी किती वेळ व्हिडिओ पाहिला (Watch Time), तुमचे प्रेक्षक कोणत्या देशातील आहेत आणि तुमचा कंटेंट कोणत्या कॅटेगरीमध्ये येतो, यावर अवलंबून असते.

---

Instagram वरून कशी होते कमाई?

Instagram वर YouTube प्रमाणे थेट जाहिरात महसूल (Direct Ad Revenue) मिळत नाही. येथील कमाई मुख्यत्वे या गोष्टींवर आधारित असते:

• ब्रँड प्रमोशन
• रील स्पॉन्सरशिप
• एफिलिएट लिंक्स
• कोलॅबोरेशन (Collaborations)

म्हणजे, जेव्हा एखादा ब्रँड आपल्या उत्पादनाचे प्रमोशन करण्यासाठी इन्फ्लूएन्सरला पैसे देतो. ही रक्कम इन्फ्लूएन्सरचे फॉलोअर्स, एंगेजमेंट रेट (Engagement Rate) आणि रील व्ह्यूजच्या संख्येवर अवलंबून असते.

हे देखील वाचा: Google Maps मध्ये मोठी अपडेट! आता AI हँड्स-फ्री नेव्हिगेशन आणि ठिकाणाची माहिती देणार, कसं ते जाणून घ्या

उदाहरणार्थ:

ज्यांचे १ लाख फॉलोअर्स आहेत, ते एका स्पॉन्सर्ड पोस्टसाठी ₹ ५,००० ते ₹ ५०,००० पर्यंत कमावू शकतात. मोठे क्रिएटर्स आणि सेलिब्रिटी इन्फ्लूएन्सर्स लाखो रुपयांच्या डील्सवर स्वाक्षरी करतात.

YouTube विरुद्ध Instagram: कोण जास्त फायदेशीर?

• दीर्घकालीन उत्पन्न (Long-Term Income): YouTube जास्त स्थिर आणि भरवशाचा प्लॅटफॉर्म आहे. तुमचा जुना व्हिडिओही वर्षानुवर्षे व्ह्यूज आणि महसूल मिळवत राहतो.
• झटपट कमाई (Quick Income): Instagram वर कंटेंटचा लाईफ टाईम कमी असतो, पण स्पॉन्सरशिप आणि ब्रँड डील्सच्या माध्यमातून येथे कमी वेळेत जास्त पैसे कमावण्याची संधी मिळते.

तुमच्यासाठी कोणता प्लॅटफॉर्म योग्य?

जर तुम्ही… व्हिडिओ निर्मिती, कथानकआणि दीर्घ कंटेंट (Long-form Content) मध्ये माहीर असाल, तर YouTube तुमच्यासाठी उत्तम आहे. पण, जर तुम्ही… ट्रेंड्स, शॉर्ट व्हिडिओ आणि पर्सनल ब्रँडिंगमध्ये चांगले असाल, तर Instagram जास्त फायदेशीर ठरू शकतो. स्मार्ट क्रिएटर्स दोन्ही प्लॅटफॉर्मचा वापर एकत्र करतात – म्हणजेच, Instagram वर मोठा चाहतावर्ग (Fan Base) निर्माण करून, YouTube वर दीर्घ कंटेंटद्वारे स्थायी कमाई करतात. हाच सर्वात संतुलित आणि प्रभावी मार्ग आहे.

• YouTube: सुरुवातीला चांगल्या ऑडिओ क्वालिटी आणि एडिटिंगवर लक्ष केंद्रित करा – यामुळेच तुमची ओळख निर्माण होईल.
• Instagram: रील्सचे पहिले ३ सेकंद सर्वात महत्त्वाचे आहेत – यातूनच युजर व्हिडिओ पूर्ण पाहायचा की नाही, हे ठरवतो.
• दोन्ही प्लॅटफॉर्मवर सातत्य आणि सत्यता ठेवणे, हाच सर्वात मोठा अल्गोरिदम हॅक आहे.

हे देखील वाचा: Tech Tips: Google Chrome चा वापर करून तुम्हीही वैतागला आहात का? आत्ताच ट्राय करा हे प्रायव्हसी-फ्रेंडली इंटरनेट ब्राउझर