Appleच्या सिंहासनावर नवा चेहरा! Tim Cook यांच्यानंतर John Ternus हाती घेणार कंपनीची सूत्रे, कसा आहे आतापर्यंतचा प्रवास? जाणून घ्या

John Ternus: ॲपलच्या सिईओ पदाला आता एक नवा चेहरा मिळाला आहे. टिम कूक यांच्यानंतर आजपासून जॉन टेर्नेस यांनी कंपनीची धुरा हाती घेतली आहे. टेर्नेस यांनी मॅक, आयपॅड आणि एअरपॉड्स सह अनेक महत्त्वाच्या उत्पादनांच्या विकासात भूमिका बजावली आहे.

• टिम कूक यांनी 31 ऑगस्टला ॲपलच्या सिईओ पदाचा पदभार सोडला असून आता ते कार्यकारी अध्यक्ष म्हणून काम पाहणार आहेत.
• 1 सप्टेंबरपासून जॉन टेर्नेस यांनी ॲपलच्या सिईओ पदाची धुरा हाती घेतली आहे.
• 2001 मध्ये ॲपलमध्ये दाखल झालेले टेर्नेस यांनी मॅक, आयपॅड आणि एअरपॉड्स सह अनेक महत्त्वाच्या उत्पादनांच्या विकासात भूमिका बजावली आहे.

सप्टेंबर महिन्याच्या सुरुवातीलाच तंत्रज्ञान क्षेत्रात एक मोठा बदल झाला आहे. टेक जायंट कंपनी ॲपलचे सिईओ टिम कूक 31 ऑगस्ट रोजी सिईओ पदावरून पायऊतार झाले. आता टिम कूक एग्जीक्यूटिव चेयरमॅन पद सांभळणार आहेत. टिम कूक यांनी एक्स अकाऊंटवर एक पोस्ट शेअर केली आहे. टिम कूक यांच्यानंतर म्हणजेच आजपासून, 1 सप्टेंबरपासून जॉन टेर्नेस यांनी टेक कंपनी ॲपलच्या सिईओ पदाची धुरा हाती घेतली आहे. टिम कूक यांनी एक्स पोस्टमध्ये काय म्हटलं आहे आणि जॉन टेर्नेस कोण आहेत, याबाबत आता सविस्तर जाणून घेऊया.

अवघे काही तास शिल्लक! स्मार्टफोनच्या बाजारात Philips करणार मोठा धमाका; फीचर्स पाहून वाढली यूजर्सची उत्सुकता

टिम कूक यांनी शेअर केली एक्स पोस्ट

टिम कूक यांनी शेअर केलेल्या इंस्टाग्राम पोस्टमध्ये त्यांनी म्हटलं आहे की, सिईओ म्हणून माझ्या शेवटच्या दिवशी ॲपल कम्युनिटीला खूप खूप प्रेम आणि शुभेच्छा. उद्या माझे पद बदलेल, पण ॲपल कम्युनिटीबद्दलचे माझे प्रेम मात्र कधीच बदलणार नाही. सतत प्रेरणास्थान राहिल्याबद्दल तुमचे आभार. मी अत्यंत कृतज्ञ आहे आणि पुढच्या टप्प्यासाठी खूप उत्सुक आहे!  (फोटो सौजन्य: Pinterest) 

Sending lots of love to the Apple community on my last day as CEO. My title changes tomorrow, but the love I have for the Apple community never will. Thank you for being a constant source of inspiration. My gratitude is endless, and I’m excited for the next chapter! — Tim Cook (@tim_cook) August 31, 2026

टिम कूक यांनी शेअर केलेल्या पोस्टवर एलन मस्कने कमेंट करत म्हटलं आहे की, ॲपलमधील तुमच्या शानदार कारकिर्दीबद्दल अभिनंदन! इतर यूजर्सनी देखील टिम कूक यांच्या पोस्टवर अनेक कमेंट्स केल्या आहेत. एका यूजरने म्हटलं आहे की, सर्व गोष्टींसाठी तुमचे मनापासून आभार. तर दुसऱ्या एका यूजरने म्हटलं आहे की, उद्यापासून टिम कूक यांच्या आवाजात गुड मॉर्निंग ऐकू येणार नाही! तर आणखी एका यूजरने म्हटलं आहे की, तुमच्या 15 वर्षांच्या प्रवासाबद्दल मनापासून अभिनंदन!!

आता रेशन कार्डही डिजिटल! ‘मेरा रेशन’ ॲपवर मिळणार धान्यापासून रेशन दुकानापर्यंतची सर्व माहिती, वाचा सविस्तर

कोण आहेत जॉन टेर्नेस?

आजपासून म्हणजेच 1 सप्टेंबरपासून जॉन टेर्नेस ॲपलच्या सिईओ पदाची धुरा हाती घेणार आहेत. टेर्नेस यांनी यापूर्वी कंपनीत हार्डवेअर इंजिनिअरिंगचे वरिष्ठ उपाध्यक्ष पद संभाळले आहे. तसेच त्यांनी ॲपल एअरमध्ये देखील महत्त्वपूर्ण भुमिका बजावली आहे. तब्बल 15 वर्षांनंतर कंपनीत हा फार मोठा बदल झाला आहे. जॉन टेर्नेस 2001 मध्ये ॲपलसोबत जोडले गेले. त्यांनी सीनियर वाइस प्रेसिडेंट ऑफ हार्डवेयर इंजीनियरिंगचे पद अत्यंत जबाबदारीने सांभाळले आहे. त्यांनी ॲपलच्या अनेक प्रोडक्ट डेव्हलपमेंटमध्ये अत्यंत महत्त्वाची भुमिका बजावली आहे. ज्यामध्ये मॅक, आयपॅड, एअरपॉड्स इत्यादींचा समावेश आहे. अशी अनेक प्रोडक्ट आहेत ज्यांनी एकूण महसुलात 80 टक्क्यांपर्यंत योगदान दिले आहे.