स्मार्टफोनच्या जगात या देशांमध्ये आजही केला जातो पेजरचा वापर! वाचा संपूर्ण यादी

लेबनॉन आणि सीरियाच्या सीमेला लागून असलेल्या काही भागात पेजर हॅक करून ब्लास्ट करण्यात आले. आता प्रश्न असा येतो की पेजर म्हणजे काय? पेजर हे एक उपकरण आहे ज्याच्या मदतीने संदेश पाठवले जातात आणि प्राप्त होतात. पेजरच्या तुलनेत मोबाइल प्रणाली प्रगत आणि आधुनिक आहे. पेजरपेक्षा मोबाईल हॅक करणे जास्त कठीण आहे.

स्मार्टफोनच्या जगात या देशांमध्ये आजही केला जातो पेजरचा वापर! वाचा संपूर्ण यादी (फोटो सौजन्य - सोशल मिडीया)

Follow Us:

Follow Us:

लेबनॉन आणि सीरियाच्या काही भागात काल पेजरचे ब्लास्ट झाले. या घटनेत अनेकांचा मृत्यू झाला असून 4000 हून अधिक लोक जखमी झाले आहेत. मिळालेल्या माहितीनुसार, पेजर हॅक करून लेबनॉन आणि सीरियाच्या सीमेला लागून असलेल्या काही भागात ब्लास्ट करण्यात आले. पण आता असा प्रश्न निर्माण होत आहे की, स्मार्टफोनच्या जगात देखील पेजर का वापरले जात आहेत? पेजर म्हणजे नक्की आहे तरी काय ज्यामुळे 4000 लोकं जखमी झाली आहेत? सर्वात आधी पेजर म्हणजे नक्की काय हे जाणून घेऊया.

हेदेखील वाचा- इंस्टाग्रामने 18 वर्षांखालील युजर्ससाठी बदलले नियम, पालक नियंत्रित करणार अकाऊंट

पेजर म्हणजे नक्की काय?

पेजर हे एक लहान वायरलेस कम्युनिकेशन डिव्हाइस आहे, जे विशेषतः संदेश पाठवण्यासाठी आणि संदेश प्राप्त करण्यासाठी वापरले जाते. त्याला बीपर देखील म्हणतात. 1980 आणि 1990 च्या दशकात जेव्हा मोबाईल फोनचा वापर मर्यादित होता तेव्हा पेजरचा मोठ्या प्रमाणावर वापर केला जात होता. परंतु सध्याच्या या डिजीटल आणि स्मार्टफोनच्या जगात अनेकांना पेजरबद्दल माहीती देखील नाही. पूर्वीच्या काळात ते खूप लोकप्रिय होते.

पूर्वी पेजर भारतासह जगभरात लोकप्रिय होते. हे विशेषतः डॉक्टर, व्यापारी आणि आपत्कालीन सेवा व्यावसायिकांनी वापरले होते. पेजर उपकरणे रेडिओ सिग्नलद्वारे मजकूर संदेश पाठवतात आणि प्राप्त करतात. हे प्रामुख्याने तेव्हा उपयुक्त होते जेव्हा मोबाइल फोन इतके लोकप्रिय नव्हते आणि मोबाइल सेवा खूप महाग होती. परंतु हळूहळू मोबाईलने संपूर्ण जग व्यापलं आणि पेजरचा वापर कमी होऊ लागला. सध्याच्या तरूणाईला पेजरबद्दल विचारलं तर त्यांच्यासमोर मोठं प्रश्नचिन्ह उभं राहिलं.

हेदेखील वाचा- China Black Myth video game: चीनचा वुकाँग गेम भारताच्या जोरावर होतोय लोकप्रिय, काय आहे कनेक्शन? वाचून बसेल धक्का

पेजरचे प्रामुख्याने दोन प्रकार

• वन-वे पेजर: यामध्ये वापरकर्ते केवळ संदेश प्राप्त करू शकत होते, परंतु उत्तर देऊ शकत नव्हते.
• टू-वे पेजर: यामध्ये वापरकर्ते मेसेज प्राप्त करण्यासोबतच उत्तरे पाठवू शकतात.

सध्याच्या काळात पेजर वापरणाऱ्या देशांची यादी

• अमेरिका: अमेरिकेतील हॉस्पिटल आणि आरोग्य सेवा क्षेत्रात पेजर्सचा वापर केला जातो.
• जपान: जपानच्या काही भागात अजूनही पेजरचा वापर संवादासाठी केला जातो. त्याचा वापर आरोग्य सेवा आणि अत्यावश्यक सेवांमध्ये होत आहे.
• ब्रिटन: युनायटेड किंगडमची नॅशनल हेल्थ सर्व्हिस ही एक अशी प्रणाली आहे जिथे पेजर अजूनही मोठ्या प्रमाणावर वापरले जातात. मिळालेल्या माहितीनुसार, येथे अजूनही हजारो उपकरणांचा वापर केला जात आहे.
• कॅनडा: अमेरिकेप्रमाणे येथेही काही निवडक लोक पेजर वापरत आहेत. येथे देखील ते आरोग्य सेवा, आपत्कालीन सेवा आणि दुर्गम भागात वापरले जाते.
• स्वित्झर्लंड: येथे देखील ते निवडक क्षेत्रांमध्ये वापरले जाते, यामध्ये रुग्णालये, काही उद्योग इत्यादींचा समावेश आहे.

पेजर अजूनही का वापरले जातात?

अजूनही अनेक क्षेत्रे आहेत जिथे इंटरनेट कव्हरेज खूपच खराब आहे. अनेक वेळा तेथे कॉल, मेसेज आणि इंटरनेट इत्यादींचा वापर करता येत नाही. अशा परिस्थितीत पेजरची मोठी भूमिका बजावते. कमकुवत नेटवर्क भागातही पेजर सहज कार्य करू शकते. वापरकर्त्यांना पेजरमध्ये मजबूत बॅटरी लाइफ मिळते. एका चार्जवर ते आठवडाभर चालवता येते. पेजर मोबाईलपेक्षाही वेगाने संदेश पाठवते. परंतु पेजरची सुरक्षा व्यवस्था फारशी मजबूत नाही. पेजर सिस्टीम एनक्रिप्टेड नसल्यामुळे त्यात असलेला डेटा कॅप्चर करून हॅक केला जाऊ शकतो.

Web Title: List of countries who are still using pagers in smartphone era

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com