महावितरणची हाय-टेक झेप! आता WhatsApp वरूनच भरा वीजबिल, पावती आणि तक्रार निवारणही घरबसल्या; वाचा सविस्तर प्रक्रिया

महावितरणने ग्राहकांसाठी व्हॉट्सॲप सेवा सुरू केली आहे. आता 9167777791 या नंबरवर हाय (Hi) पाठवून वीजबिल डाऊनलोड करा आणि घरबसल्या भरा. वाचा सविस्तर प्रक्रिया.

• महावितरणची हाय-टेक झेप!
• आता WhatsApp वरूनच भरा वीजबिल
• पावती आणि तक्रार निवारणही घरबसल्या

Mahavitran Bill Download via WhatsApp: डिजिटल युगात पाऊल टाकत महावितरणने आपल्या ग्राहकांसाठी अत्यंत सोपी आणि सोयीस्कर सुविधा उपलब्ध करून दिली आहे. आता महावितरणच्या ग्राहकांना वीजबिल पाहण्यासाठी किंवा भरण्यासाठी कोणत्याही रांगेत उभे राहण्याची किंवा स्वतंत्र ॲप डाऊनलोड करण्याची गरज नाही. महावितरणने आपली अधिकृत व्हॉट्सॲप (WhatsApp) सेवा सुरू केली असून, याद्वारे ग्राहक अवघ्या काही सेकंदात आपले बिल डाऊनलोड करू शकतात.

घरबसल्या मिळवा ‘ही’ माहिती

महावितरणच्या या नवीन सुविधेमुळे ग्राहकांना एकाच नंबरवर अनेक सेवा उपलब्ध होणार आहेत. यामध्ये खालील गोष्टींचा समावेश आहे:

• वीजबिल डाऊनलोड: तुमचे चालू महिन्याचे बिल PDF स्वरूपात थेट व्हॉट्सॲपवर मिळेल.
• बिल भरणा: Google Pay, PhonePe किंवा Paytm द्वारे बिलाचा त्वरित भरणा करण्याची लिंक उपलब्ध होईल.
• पेमेंट पावती: बिल भरल्यानंतर त्याची डिजिटल पावती (Receipt) त्वरित डाऊनलोड करता येईल.
• तक्रार नोंदणी: वीज पुरवठा खंडित होणे किंवा बिलातील त्रुटींबाबत तक्रार नोंदवण्याची सुविधाही येथे देण्यात आली आहे.

सावधान! बनावट WhatsApp मुळे तुमचे बँक खाते होऊ शकते रिकामे; Meta चा युजर्सना कडक इशारा

सेवा सुरू करण्यासाठी फॉलो करा ‘या’ सोप्या स्टेप्स

महावितरणच्या या सेवेचा लाभ घेण्यासाठी तुमचा मोबाईल नंबर महावितरणकडे नोंदणीकृत असणे आवश्यक आहे.

1. नंबर सेव्ह करा: सर्वप्रथम तुमच्या मोबाईलमध्ये महावितरणचा अधिकृत व्हॉट्सॲप नंबर (9167777791) सेव्ह करा.

2. मेसेज पाठवा: व्हॉट्सॲपवर जाऊन या नंबरवर ‘Hi’ असा मेसेज पाठवा.

3. ग्राहक क्रमांक निवडा: मेसेज पाठवल्यानंतर तुम्हाला तुमचा ‘कस्टमर नंबर’ (Consumer Number) निवडण्याचा पर्याय मिळेल.

4. सेवा निवडा: ग्राहक क्रमांक निवडल्यानंतर तुम्हाला ‘View Bill’, ‘Make Payment’ असे पर्याय दिसतील. त्यातील हवी ती सेवा निवडून तुम्ही काम पूर्ण करू शकता.

सुरक्षित आणि वेगवान व्यवहार

महावितरणने ही सेवा पूर्णपणे सुरक्षित असल्याचे स्पष्ट केले आहे. ग्राहकांना त्यांचे बिल पाहण्यासाठी कुठेही जावे लागणार नाही आणि डिजिटल पेमेंटच्या लिंक थेट महावितरणच्या गेटवेवरून येत असल्याने व्यवहारात पारदर्शकता राहील. विशेषतः ग्रामीण भागातील ग्राहकांसाठी ही सेवा अत्यंत फायदेशीर ठरणार आहे, कारण आता साध्या व्हॉट्सॲप चॅटद्वारे ते आपल्या वीज खात्याचे व्यवस्थापन करू शकतील. महावितरणच्या या पुढाकारामुळे ग्राहकांचा वेळ आणि श्रम वाचणार असून, डिजिटल इंडियाच्या दिशेने हे एक महत्त्वाचे पाऊल मानले जात आहे.

आता Cyber Fraud ला चाप बसणार! ‘या’ कंपनीने केली डिजिटल सिक्युरिटी नेटवर्कची घोषणा