ठरलं तर मग… भारतात या दिवशी एंट्री करणार नवा Motorola 5G फोन! 50MP कॅमेऱ्यासह मिळणार हे फीचर्स

Upcoming Motorola Edge 70 Pro plus: लवकरच मोटोरोला कंपनी त्यांचा नवीन स्मार्टफोन लाँच करणार आहे. या स्मार्टफोनचा टिझर सोशल मीडियावर शेअर करण्यात आला आहे. फोनमध्ये 50x एआय सुपर झूम प्रो मिळण्याची शक्यता आहे. आगामी फोनसाठी यूजर्स प्रचंड उत्सुक आहेत.

• Motorola Edge 70 Pro+ भारतात 4 जून रोजी लाँच होणार असून तो Flipkart आणि Motorola.in वर उपलब्ध असेल.
• आगामी स्मार्टफोनमध्ये 144Hz क्वाड-कर्व्ह AMOLED डिस्प्ले आणि 50MP पेरिस्कोप टेलीफोटो कॅमेरा मिळण्याची शक्यता आहे.
• फोनमध्ये 50x एआय सुपर झूम प्रो, OIS सपोर्ट आणि सोनी LYTIA 710 प्रायमरी कॅमेरा दिला जाऊ शकतो.

Upcoming Motorola Smartphone: टेक कंपनी मोटोरोला गेल्या काही दिवसांपासून एका नव्या स्मार्टफोनच्या लाँचिंगची तयारी करत आहे. कंपनी त्यांचा आगामी स्मार्टफोन Motorola Edge 70 Pro+ या नावाने लाँच करणार आहे आणि याबाबत अधिकृतपणे घोषणा देखील करण्यात आली आहे. सोशल मीडिया प्लॅटफॉर्म एक्सवर कंपनीने त्यांच्या अकाऊंटवरून आगामी स्मार्टफोनचा टिझर शेअर केला आहे. कंपनीने सांगितलं आहे की, हा स्मार्टफोन पुढील महिन्याच्या पहिल्या आठवड्यात लाँच केला जाणार आहे. लाँचिंग डेटसोबतच आगामी स्मार्टफोनच्या काही फीचर्सचा देखील खुलासा झाला आहे. त्यामुळे आता आगामी स्मार्टफोनच्या लाँचिंगसाठी यूजर्समध्ये एक वेगळाच उत्साह पाहायला मिळत आहे.

Apple चाहत्यांसाठी मोठी बातमी! iPhone 20 चे रेंडर्स लीक; कर्व्ड बेजल-लेस डिझाइनने वेधले यूजर्सचे लक्ष

मोटोरोला एज 70 प्रो प्लस लाँच डेट

मोटोरोलाने सोशल मीडिया प्लॅटफॉर्म एक्सवर एक पोस्ट शेअर करत अधिकृतपणे घोषणा केली आहे की, मोटोरोला एज 70 प्रो प्लस भारतात 4 जून रोजी लाँच केला जाणार आहे. लाँचिंगनंतर हा स्मार्टफोन फ्लिपकार्ट, मोटोरोला.इन आणि देशभरातील मोठ्या रिटेल स्टोअरवर खरेदीसाठी उपलब्ध असणार आहे. कंपनीने अद्याप त्यांच्या आगामी स्मार्टफोनच्या किंमतीचा खुलासा केला नाही. त्यामुळे पुढील आठवड्यात स्मार्टफोन लाँच झाल्यानंतरच किंमत सर्वांसमोर येणार आहे. (फोटो सौजन्य – X) 

See more

Stunning Inside out✨
Introducing the new motorola edge 70 pro+, where luxurious Collections™️ finishes meet flagship experiences inside and out. Launching 4th June on Flipkart, https://t.co/azcEfy2uaW and leading retail stores.#motorolaIndia #motorolaEdge70ProPlus pic.twitter.com/LIcO0fDKhs — Motorola India (@motorolaindia) May 24, 2026

मोटोरोला एज 70 प्रो प्लस चे अपेक्षित फीचर्स आणि स्पेसिफिकेशन्स

कंपनीच्या आगामी स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, मोटोरोला एज 70 प्रो प्लसमध्ये 6.7 ते 6.8 इंच 1.5K क्वाड-कर्व्ह 144Hz अमोलेड स्क्रीन दिली जाण्याची शक्यता आहे. नव्या स्मार्टफोनमध्ये टर्बो पावर वायर्ड आणि वायरलेस चार्जिंगची सुविधा देखील ऑफर केली जाण्याची शक्यता आहे. हा स्मार्टफोन कंपनी तीन रंगांच्या पर्यायांमध्ये लाँच केला जाणार आहे. ज्यामध्ये सॅटिन-लक्स फिनिश, ट्विल-इंस्पार्ड आणि स्कल्प्टेड वूड फिनिश यांचा समावेश असू शकतो.

मोटोरोला एज 70 प्रो प्लस चे अपेक्षित कॅमेरा फीचर्स

मोटोरोलाच्या आगामी फोनमधील सर्वात विशेष गोष्ट त्याचा नवीन कॅमेरा सेटअप असणार आहे. यामुळे, अधिक टेलीफोटो हार्डवेअर असलेल्या फोन्सना अनेकदा जाणवणारी जाडीची सामान्य समस्या सुटेल. मोटोरोलाने अधिकृतपणे घोषणा केली आहे की, मोटोरोला एज 70 प्रो प्लस मध्ये 50MP चा पेरिस्कोप टेलीफोटो लेंस दिला जाऊ शकतो. ही तिच्या श्रेणीतील सर्वात पातळ लेन्स असल्याचे म्हटले जाते.

Tech Tips: ‘Restart’ ची सवय अन् स्मार्टफोनचा परफॉर्मंस होईल दमदार! जाणून घ्या गेमचेंजर फायदे

एवढंच नाही तर या फोनमध्ये 50x एआय सुपर झूम प्रो देखील मिळणार आहे, जो मोटो एआयच्या मदतीने 50x पर्यंत हाइब्रिड डिजिटल झूम ऑफर करणार आहे. यामुळे फोटो स्थिर आणि प्रत्येक कोपऱ्यातून स्पष्ट येणार आहे. या लेंस सेटअपमध्ये 12mm (अल्ट्रावाइड) ते 85mm (टेलीफोटो) ची रेंज आणि ऑप्टिकल ईमेज स्टेबिलाइजेशन (OIS) ची सुविधा देखील दिली जाणार आहे. याशिवाय फोनमध्ये 50MP सोनी LYTIA™ 710 प्रायमरी कॅमेरा देखील मिळणार आहे.