ग्राहकांच्या खिशाला बसणार फटका! ‘हे’ लोकप्रिय OPPO स्मार्टफोन झाले महाग; खरेदीसाठी मोजावे लागणार तब्बल इतके पैसे

OPPO Smartphone Price Hike: स्मार्टफोन खरेदी करण्याचा विचार करताय का? थांबा आधी ही बातमी वाचा. ओप्पोने पुन्हा एकदा ग्राहकांना झटका देत स्मार्टफोनच्या किंमती वाढवण्याचा निर्णय घेतला आहे. मेमरी चिप्सच्या कमतरतेमुळे हा निर्णय घेण्यात आला असल्याचं सांगितलं जात आहे.

ग्राहकांच्या खिशाला बसणार फटका! 'हे' लोकप्रिय OPPO स्मार्टफोन झाले महाग; खरेदीसाठी मोजावे लागणार तब्बल इतके पैसे

Follow Us:

Follow Us:

• ओप्पोने मेमरी चिप्सच्या कमतरतेमुळे ए 6, ए 6 प्रो आणि एफ 33 या तीन स्मार्टफोनच्या किंमती वाढवल्या आहेत.
• ओप्पो ए 6 आणि ए 6 प्रोच्या किंमतीत 2,000 रुपयांपर्यंत, तर ओप्पो एफ 33 च्या किंमतीत 3,000 रुपयांपर्यंत वाढ करण्यात आली आहे.
• नव्या किंमती लागू झाल्याने हे स्मार्टफोन खरेदी करण्यासाठी ग्राहकांना आता अधिक पैसे मोजावे लागणार आहेत.

WhatsApp Update: स्कॅमर्सची खैर नाही! अनोळखी नंबरवरून मेसेज येताच यूजर्सना मिळणार इशारा; कसं काम करणार नवं फीचर?

ओप्पो ए 6 आणि ए 6 प्रो ची नवीन किंमत

कंपनीने ए 6 सीरीज स्मार्टफोनच्या किंमती दुसऱ्यांदा वाढवण्याचा निर्णय घेतला आहे. ओप्पो ए 6 5G स्मार्टफोनच्या सर्व व्हेरिअंटची किंमत सुमारे 2 हजार रुपयांपर्यंत वाढवण्यात आली आहे. स्मार्टफोनचे 4GB + 128GB व्हेरिअंट 17,999 रुपयांच्या किंमतीत लाँच करण्यात आले होते. पहिल्यांदा किंमती वाढवल्यानंतर या डिव्हाईसची किंमत 21,999 रुपये झाली होताी. मात्र आता या स्मार्टफोनच्या खरेदीसाठी 23,999 रुपये मोजावे लागणार आहेत. (फोटो सौजन्य – OPPO)

6GB + 128GB व्हेरिअंट 19,999 रुपयांच्या किंमतीत लाँच करण्यात आले होते. कंपनीने यापूर्वी या डिव्हाईसची किंमत 23,999 रुपयांपर्यंत वाढवली होती. मात्र आता हा स्मार्टफोन खरेदी करण्यासाठी 25,999 रुपये मोजावे लागणार आहेत. तसेच 21,999 रुपये रुपयांच्या किंमतीत लाँच करण्यात आलेले 6GB + 256GB व्हेरिअंट आता 27,999 रुपयांत खरेदीसाठी उपलब्ध आहे. यापूर्वी या डिव्हाईसची किंमत 25,999 रुपयांपर्यंत वाढवली होती.

कंपनीने ओप्पो ए 6 प्रो 5G स्मार्टफोनच्या किंमतीत देखील 2 हजार रुपयांपर्यंत वाढ करण्याचा निर्णय घेतला आहे. 8GB + 128GB व्हेरिअंट 21,999 रुपयांच्या किंमतीत लाँच करण्यात आले होते. पहिल्यांदा किंमत वाढवल्यानंतर या डिव्हाईसची किंमत 26,999 रुपये झाली होताी. मात्र आता या स्मार्टफोनच्या खरेदीसाठी 28,999 रुपये मोजावे लागणार आहेत. 8GB + 256GB व्हेरिअंट 23,999 रुपयांच्या किंमतीत लाँच करण्यात आले होते. कंपनीने यापूर्वी या डिव्हाईसची किंमत 29,999 रुपयांपर्यंत वाढवली होती. मात्र आता हा स्मार्टफोन खरेदी करण्यासाठी 31,999 रुपये मोजावे लागणार आहेत.

Tech Tips: पावसात गॅझेट्स सुरक्षित ठेवण्यासाठी फॉलो करा ‘या’ सोप्या टिप्स; नाहीतर होईल हजारोंचं नुकसान

ओप्पो एफ 33 5G ची नवीन किंमत

कंपनीने या स्मार्टफोनच्या किंमत 3 हजार रुपयांची वाढ करण्यात आली आहे. स्मार्टफोनचे 6GB + 128GB व्हेरिअंट 31,999 रुपयांच्या किंमतीत लाँच करण्यात आले होते. आता हे व्हेरिअंट खरेदी करण्यासाठी 34,999 रुपये खर्च करावे लागणार आहे. 34,999 रुपयांच्या किंमतीत लाँच करण्यात आलेले 8GB + 128GB व्हेरिअंट आता 36,999 रुपयांत खरेदीसाठी उपलब्ध आहे. 8GB + 256GB व्हेरिअंट 37,999 रुपयांत लाँच केले होते. आता याची किंमत 39,999 रुपये झाली आहे.

Web Title: Oppo has increased these three smartphone prices now users have to pay more money

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com