Oracle Layoffs 2026: नोकरीच्या बाजारात एआयचा ‘धक्का’! ‘या’ बड्या कंपन्यांचा मोठा निर्णय, लाखो कर्मचाऱ्यांच्या टांगती तलवार

Oracle Layoffs 2026: जगभरातील टेक क्षेत्रात कर्मचारी कपातीचं सत्र सुरू असून, कृत्रिम बुद्धिमत्ता (AI) हे त्यामागील एक प्रमुख कारण मानलं जात आहे. layoffs.fyi च्या आकडेवारीनुसार, यंदा आतापर्यंत 303 टेक कंपन्यांनी 1,28,873 कर्मचाऱ्यांना कामावरून कमी केलं आहे.

tech layoffs 2026: टेक क्षेत्रात पुन्हा एकदा वाईट बातमी आहे. मोठी कंपनी असलेल्या ओरॅकलने पुन्हा लोकांना कामावरून काढायला सुरुवात केली आहे. याआधी पण या कंपनीने हजारो लोकांना काढलं होतं आणि आता परत तीच परिस्थिती आहे.पण ओरॅकल एकटीच नाही, जगभरात सध्या नोकऱ्या जाण्याचं सत्र सुरु आहे. यामागचं सगळ्यात मोठं कारण आहे – AI म्हणजेच कृत्रिम बुद्धिमत्ता आहे. Oracle Layoffs 2026:

हा आकडा खूप मोठा

या वर्षी 1 लाख 28 हजार लोकांच्या नोकऱ्या गेल्याlayoffs.fyi नावाचं एक पोर्टल आहे जे जगभरात कुठे किती लोकांना काढलं याचा हिशोब ठेवतं. त्यांच्या रिपोर्टनुसार या वर्षी आतापर्यंत 303 टेक कंपन्यांनी कर्मचाऱ्यांना काढलं आहे. एकूण 1,28,873 लोकांना घरी बसावं लागलं आहे. हा आकडा खूप मोठा आहे.यामध्ये ओरॅकल, अॅमेझॉन, उबर, पेपल सारख्या मोठ्या कंपन्यांचा समावेश आहे.

ओरॅकलमध्ये सगळ्यात मोठी कपात

सध्या सगळ्यात जास्त चर्चा ओरॅकलचीच आहे. या कंपनीने या वर्षी आधीच 21,000 लोकांना कामावरून काढलं होतं. आणि आता परत नवीन लिस्ट तयार होत आहे. कंपनीने अजून अधिकृतपणे किती लोकांना काढणार हे सांगितलं नाही, पण आतल्या बातमीनुसार मोठी कपात होणार आहे.अॅमेझॉन, डेल, मेटा पण मागे नाहीतअॅमेझॉनने या वर्षाच्या सुरुवातीलाच जानेवारीमध्ये 16,000 लोकांना काढून टाकलं. अॅमेझॉन पण आता सगळीकडे AI वापरत आहे, त्यामुळे मनुष्यबळाची गरज कमी होत आहे.तसंच डेल कंपनीने मार्च महिन्यात 11,000 लोकांना घरी पाठवलं. यामध्ये पण AI चा मोठा रोल होता.फेसबुकची कंपनी असलेल्या मेटाने पण या वर्षी अनेक वेळा लोकांना काढलं आहे. एक-दोन वेळा नाही तर अनेक फेऱ्यांमध्ये कपात केली आहे.

Promptची गरज नाही! अवघ्या 1 मिनिटात बनवा 80s रेट्रो लूकमधला बाप्पांसोबतचा फोटो; फक्त 4 स्टेप्स फॉलो करा

नेमकं कारण काय?

जगातल्या जवळपास सगळ्या मोठ्या कंपन्या आता AI मध्ये पैसा लावत आहेत. AI मुळे बरीच कामं आपोआप होतात, माणसाची गरज लागत नाही. कोडिंग असेल, कस्टमर सपोर्ट असेल, डेटा चेक करणं असेल, ही सगळी कामं आता AI करतं.कंपन्यांचं म्हणणं सोपं आहे, जेव्हा मशीनच काम करतंय तर इतके कर्मचारी कशाला ठेवायचे. त्यामुळे खर्च कमी करण्यासाठी कंपन्या लोकांना काढत आहेत.पूर्वी वाटायचं AI आल्यावर नवीन नोकऱ्या येतील, पण सध्या तरी उलटं होताना दिसतंय. जुन्या नोकऱ्या जात आहेत आणि नवीन नोकऱ्यांसाठी वेगळं स्किल लागणार आहे. त्यामुळे टेक क्षेत्रात असणाऱ्या प्रत्येकाला आता AI शिकावंच लागणार आहे, नाहीतर नोकरी टिकवणं अवघड होईल.

हात न लावता स्क्रीन कंट्रोल! डोळ्यांच्या इशाऱ्यावर चालणार Meta चा हायटेक ‘Phoenix VR’ चष्मा