डिझाईन कमाल आणि फीचर्स दमदार! Realme चा नवा स्मार्टफोन ठरला चर्चेचा विषय, किंमत ठरली खास

Realme Narzo 100 Lite 5G Launched: रिअलमीने नवा स्मार्टफोन लाँच केला आहे. नव्या स्मार्टफोनची किंमत आणि फीचर्समुळे यूजर्समध्ये उत्सुकता वाढली आहे. या स्मार्टफोनमुळे बजेट मार्केटमध्ये स्पर्धा आणखी वाढणार आहे.

• Realme Narzo 100 Lite 5G हा बजेट सेगमेंटमधील स्मार्टफोन असून 13,499 रुपयांपासून सुरू होणाऱ्या किमतीत दमदार फीचर्स ऑफर करतो.
• या फोनमध्ये 6.8-इंच डिस्प्ले, 144Hz रिफ्रेश रेट आणि मीडियाटेक डेमेन्सिटी 6300 प्रोसेसरमुळे स्मूथ परफॉर्मन्स मिळतो.
• 7,000mAh बॅटरीसह हा स्मार्टफोन लाँग बॅटरी लाईफ देतो आणि रिव्हर्स चार्जिंगसारखे फीचर्सही सपोर्ट करतो.

Realme Smartphone Launched: भारतीय स्मार्टफोन मार्केटमध्ये Realme ने पुन्हा एकदा एका नव्या स्मार्टफोनसह एंट्री करत इतर कंपन्यांची झोप उडवली आहे. टेक कंपनी Realme ने बजेट सेगमेंटमध्ये Realme Narzo 100 Lite 5G नावाने एक नवीन स्मार्टफोन सादर केला आहे. हा नवा स्मार्टफोन कंपनीच्या Narzo 100 सीरीजमधील पहिले डिव्हाईस म्हणून सादर करण्यात आले आहे. ग्राहक ई कॉमर्स प्लॅटफॉर्म अ‍ॅमेझॉन आणि कंपनीच्या वेबसाईटवरून हा स्मार्टफोन खरेदी करू शकणार आहेत. कंपनीने दावा केला आहे की, हा स्मार्टफोन एकदा चार्ज केल्यानंतर 10 तासांपर्यंत व्हिडीओ प्लेबॅक टाईम ऑफर करतो. असा हा दमदार स्मार्टफोन तुम्ही खरेदी करण्याचा विचार करत असाल तर सर्वात आधी फीचर्स आणि किंमत जाणून घ्या.

Tech Tips: कोण वापरतंय तुमच्या iPhone चा हॉटस्पॉट डेटा? क्षणार्धात लावा शोध, फॉलो करा ही सोपी प्रोसेस

Realme Narzo 100 Lite 5G ची किंमत आणि उपलब्धता

Realme चा नवीन स्मार्टफोन 4GB + 64GB, 4GB+128GB आणि 6GB + 128GB या व्हेरिअंटमध्ये लाँच करण्यात आला आहे. या डिव्हाईसच्या 4GB + 64GB स्टोरेज व्हेरिअंटची किंमत 13,499 रुपयांपासून सुरु होते. तर 4GB+128GB स्टोरेज वाल्या टॉप मॉडेलची किंमत 14,499 रुपये ठेवण्यात आली आहे. स्मार्टफोनचे 6GB + 128GB व्हेरिअंट 16,499 रुपयांत खरेदीसाठी उपलब्ध आहे. लाँच ऑफरचा एक भाग म्हणून, कंपनी 1,500 रुपयांपर्यंतची बँक ऑफर देखील देत आहे. हे डिव्हाइस 21 एप्रिल रोजी ॲमेझॉन आणि रियलमी इंडियाच्या ऑनलाइन स्टोअरद्वारे पहिल्यांदा विक्रीसाठी उपलब्ध होईल. हे डिव्हाइस फ्रॉस्ट सिल्व्हर आणि थंडर ब्लॅक या दोन रंगांमध्ये उपलब्ध आहे. (फोटो सौजन्य – Realme)

Realme Narzo 100 Lite 5G चे स्पेसिफिकेशन्स आणि फीचर्स

डिस्प्ले

नव्या स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर फोनमध्ये 6.8-इंच LCD डिस्प्ले देण्यात आला आहे. तसेच या डिव्हाईसमध्ये 144Hz पर्यंत रिफ्रेश रेट सपोर्ट आणि 900 निट्स पर्यंत पीक ब्राइटनेस देखील दिले आहे. या फोनमध्ये धूळ आणि पाण्यापासून सुरक्षेसाठी IP64 रेटिंग दिले आहे.

प्रोसेसर

फोनला पावर देण्यासाठी यामध्ये ऑक्टा-कोर मीडियाटेक डेमेन्सिटी 6300 चिपसेट दिले आहे. या नवीन डिव्हाईसमध्ये एआरएम माली-जी57 एमसी2 जीपीयू, 6GB पर्यंत रॅम आणि 128GB पर्यंत ऑनबोर्ड स्टोरेज देखील दिले आहे. थर्मल मॅनेजमेंटसाठी या डिव्हाईसमध्ये AirFlow वेपर चेंबर कूलिंग सिस्टम देखील दिले आहे.

GTA 6 लाँचपूर्वीच Rockstar Games वर सायबर अटॅक! डेटा लीक करण्याची दिली धमकी; काय आहे संपूर्ण प्रकरण? जाणून घ्या

कॅमेरा

फोटोग्राफीसाठी या डिव्हाईसमध्ये डुअल रियर कॅमेरा आहे. ज्यामध्ये 13-मेगापिक्सेलचा प्रायमरी कॅमेरा आहे. ज्यासोबत एक सेकेंडरी कॅमेरा देखील आहे. सेल्फी आणि व्हिडीओ कॉलिंगसाठी या स्मार्टफोनमध्ये 5-मेगापिक्सेलचा कॅमेरा आहे. हे डिव्हाइस 1080p/30 fps पर्यंतच्या गुणवत्तेत व्हिडिओ रेकॉर्ड करू शकते.

बॅटरी

फोनमध्ये 15W वायर्ड चार्जिंग, रिवर्स वायर्ड चार्जिंग आणि बाईपास चार्जिंग सपोर्टसह 7,000mAh बॅटरी दिली आहे.