बजेटची चिंता सोडा! दरमहा फक्त 668 रुपये भरून घरी आणा Samsung चा हा 5G स्मार्टफोन… असे आहेत फीचर्स

Samsung Galaxy A35 5G Price Dropped: बजेट स्मार्टफोन शोधताय? दमदार फीचर्स देखील पाहिजे? कॅमेरासुद्धा पावरफुल पाहिजे? मग फ्लिपकार्टवरील नवीन ऑफर नक्कीच तुमच्या फायद्याची आहे. फ्लिपकार्टवर सॅमसंग स्मार्टफोन मोठ्या डिस्काऊंटसह उपलब्ध आहे.

• 33,999 रुपयांत लॉन्च झालेला Samsung Galaxy A35 5G सध्या फ्लिपकार्टवर 18,999 रुपयांत उपलब्ध आहे.
• फ्लिपकार्ट ॲक्सिस बँक आणि SBI क्रेडिट कार्ड ऑफरनंतर स्मार्टफोनची किंमत 18,049 रुपयांपर्यंत कमी होऊ शकते.
• 50MP कॅमेरा, 120Hz अमोलेड डिस्प्ले, 8GB रॅम आणि 5,000mAh बॅटरीसह हा फोन फक्त 668 रुपयांच्या मासिक ईएमआयवर खरेदी करता येतो.

Samsung Smartphone Offers: तुम्ही 20 हजार रुपयांच्या बजेटमध्ये नवीन 5G स्मार्टफोन खरेदी करण्याचा विचार करत आहात का? तर तुमच्यासाठी एक आनंदाची बातमी आहे. तुम्ही Samsung Galaxy A35 5G डिवहाईस खरेदी करण्याचा विचार करू शकता. ई कॉमर्स प्लॅटफॉर्म फ्लिपकार्ट या स्मार्टफोनच्या खरेदीवर मोठं डिस्काऊंट ऑफर करत आहे. 33,999 रुपयांच्या किंमतीत लाँच झालेला हा स्मार्टफोन आता ग्राहकांना 20 हजार रुपयांहून कमी किंमतीत खरेदी करण्याची संधी मिळणार आहे. त्यामुळे जर तुमचं बजेट 20 हजार रुपये किंवा त्याहून कमी असेल तर तुम्ही सॅमसंग गॅलेक्सी ए35 5G स्मार्टफोन खरेदी करण्याचा विचार करू शकता.

तगड्या फीचर्ससह नव्या Vivo स्मार्टफोनची एंट्री… 6,500mAh बॅटरीने सुसज्ज; डिझाईन पाहताच तुम्हीही म्हणाल, वाह!!!

सॅमसंग गॅलेक्सी ए35 5G स्मार्टफोनच्या खरेदीवर ग्राहकांना मोठं डिस्काऊंट ऑफर केलं जाणार आहे. या डिव्हाईसमध्ये 8GB रॅम आणि 50MP कॅमेरासारखे अनेक दमदार फीचर्स देण्यात आले आहेत. हाय-एंड मिड-रेंज सेगमेंटमध्ये लाँच करण्यात आलेला हा स्मार्टफोन आता ग्राहकांना 20 हजारांहून कमी किंमतीत खरेदी करण्याची संधी मिळणार आहे. या ऑफरबाबत जाणून घेऊया. (फोटो सौजन्य – Samsung )

सॅमसंग गॅलेक्सी ए35 वर मिळणार डिस्काऊंट

कंपनीच्या या डिव्हाईसची स्टँडर्ड किंमत 33,999 रुपये आहे. फ्लिपकार्ट आता या स्मार्टफोनवर जबरजस्त डिस्काऊंट ऑफर करत आहे. या डिस्काऊंटनंतर स्मार्टफोनची किंमत केवळ 18,999 रुपये झाली आहे. तुम्ही फ्लिपकार्ट ॲक्सिस बँक किंवा फ्लिपकार्ट एसबीआय क्रेडिट कार्ड वापरून स्मार्टफोनच्या खरेदीवर 950 रुपयांपर्यंतची अतिरिक्त सूट देखील मिळवू शकता, ज्यामुळे स्मार्टफोनची किंमत फक्त 18,049 रुपये होणार आहे.

तसेच तुमचे बजेट कमी असेल तर तुम्ही हा स्मार्टफोन खरेदी करण्यासाठी ईएमआय पर्याय देखील वापरू शकता. तुम्ही दर महिना केवळ 668 रुपयांचा ईएमआय भरून हा स्मार्टफोन खरेदी करू शकता. तसेच या स्मार्टफोनच्या खरेदीवर एक्सचेंज ऑफर्स देखील उपलब्ध आहेत, ज्यामुळे फोनची किंमत आणखी कमी होणार आहे. एक्सचेंज ऑफर्सअंतर्गत, तुम्ही तुमचा जुना फोन 16 हजार रुपयांपर्यंतच्या रकमेसाठी एक्सचेंज करू शकता.

सॅमसंग गॅलेक्सी ए35 5G चे स्पेसिफिकेशन्स

सॅमसंग स्मार्टफोनमध्ये 6.7-इंच एफएचडी+ अमोलेड डिस्प्ले देण्यात आला आहे, ज्याचा रिफ्रेश रेट 120Hz पर्यंत आहे आणि डिव्हाईस 1,900 निट्स पर्यंत पीक ब्राइटनेस ऑफर करतो. फोनमध्ये ऑक्टा-कोर प्रोसेसर दिला आहे. यासोबतच या स्मार्टफोनमध्ये 8GB रॅम आणि 128GB स्टोरेज मिळणार आहे.

गुपचूप स्टोरी पाहण्यापासून ते स्पेशल फॉन्ट्सपर्यंत… Instagram Plus मध्ये यूजर्सना मिळणार हे खास फीचर्स; किंमत केवळ 299 रुपये

सॅमसंग गॅलेक्सी ए35 5G मध्ये 50MP चा प्रायमरी कॅमेरा, 8MP ची अल्ट्रा-वाइड लेंस आणि 5MP ची मॅक्रो लेंस देण्यात आली आहे. स्मार्टफोनच्या समोरील बाजूला 12MP चा सेल्फी कॅमेरा दिला आहे. डिव्हाईस अँड्रॉईड 15 वर चालते आणि यामध्ये सहा अँड्रॉईड ओएस अपग्रेड मिळणार आहे. सॅमसंग स्मार्टफोनमध्ये 45W फास्ट चार्जिंग सपोर्टसह 5,000mAh बॅटरी दिली आहे.