जगात पहिल्यांदाच शास्त्रज्ञ करणार स्पर्म रेस, HD कॅमेऱ्याने होणार शूटींग! या ठिकाणी होणार स्पर्धेचं आयोजन
तुम्ही आतापर्यंत प्राणी, पक्षी, माणसं, गाड्या, बैलगाडा यासांरख्या अनेक शर्यती पाहिल्या असतील. कधी प्रत्यक्षात तर कधी लाईव्ह स्ट्रिमवर शर्यत पाहण्याची मजा तर काही वेगळीच असते. शर्यतीमध्ये कोण जिंकणार, यासाठी आपण नेहमीच उत्सुक असतो. पण आता आम्ही तुम्हाला अशा एका शर्यतीबद्दल सांगणार आहोत ज्याबद्दल तुम्ही कधी कल्पना देखील केली नसेल. ही शर्यत असणार आहे स्पर्म रेस. होय, जगात पहिल्यांदाच शास्त्रज्ञ स्पर्म रेस करणार आहे. ही रेस लाईव्ह दाखवली जाणार असून HD कॅमेऱ्याने शूट देखील केलं जाणार आहे.
लॉस एंजेलिसमध्ये ही स्पर्धा होणार आहे. ऐकायला विचित्र वाटेल, पण त्यामागील हेतू खूप गंभीर आहे. जगात पहिल्यांदाच ‘स्पर्म रेस’ आयोजित केली जाणार आहे. हा कोणताही विनोद नाही. हा एका नवीन कल्पनेने डिझाइन केलेला एक वैज्ञानिक क्रीडा कार्यक्रम आहे, जो केवळ पाहिला जाणार नाही तर प्रेक्षक त्यावर पैज लावू शकतील. (फोटो सौजन्य – Pinterest)
या अनोख्या कार्यक्रमात, मानवी शरीराच्या प्रजनन प्रणालीपासून प्रेरित होऊन एक खास ट्रॅक तयार करण्यात आला आहे. या ट्रॅकवर दोन वेगवेगळ्या शुक्राणूंचे नमुने सोडले जातील आणि कोणता शुक्राणू प्रथम अंतिम रेषा ओलांडतो हे पाहिले जाईल. ही संपूर्ण शर्यत एचडी कॅमेऱ्यांच्या मदतीने रेकॉर्ड केली जाईल आणि ‘लाइव्ह स्ट्रीमिंग’द्वारे लोकांना दाखवली जाईल. अशी स्पर्धा जगात पहिल्यांदाच आयोजित केली जात आहे.
ज्याप्रमाणे फुटबॉल किंवा क्रिकेट सामन्यांमध्ये कमेंट्री आणि रिप्ले असतात, त्याचप्रमाणे ही शर्यत परस्परसंवादी आणि मजेदार बनवण्यासाठी लाइव्ह कमेंट्री, स्लो मोशन फुटेज आणि विश्लेषणात्मक डेटा वापरला जाईल. जरी हा कार्यक्रम एखाद्या गेम शोसारखा वाटत असला तरी, त्याचा उद्देश आणि हेतू अत्यंत गंभीर आहे.
जरी हा कार्यक्रम एखाद्या गेम शोसारखा वाटत असला तरी, त्याचा उद्देश ‘पुरुष प्रजननक्षमतेबद्दल’ बोलणे आणि जागरूकता निर्माण करणे आहे. गेल्या काही दशकांमध्ये, पुरुषांच्या शुक्राणूंच्या संख्येत मोठी घट झाली आहे, परंतु समाजात यावर उघडपणे चर्चा केली जात नाही. या शर्यतीतून हे मौन तोडण्याचा प्रयत्न केला जाणार असून लोकांना जागरूक केलं जाणार आहे.
या कार्यक्रमात वापरल्या जाणाऱ्या तंत्रज्ञानाची पातळी देखील कौतुकास्पद आहे. हाय डेफिनेशन मायक्रो कॅमेरे, बायोलॉजिकल ट्रॅक डिझाइन आणि वैज्ञानिक दृष्टिकोन या सर्व गोष्टींमुळे ही शर्यत इतर स्पर्धांपेक्षा पूर्णपणे वेगळी असणार आहे. या स्पर्धेत केवळ वैज्ञानिक आवड असलेले लोकच यात सामील होणार नाहीत, तर क्रीडा आणि आरोग्य उद्योगाशी संबंधित लोकही याला ‘नवीन काळातील क्रीडा स्पर्धा’ म्हणून पाहत आहेत.
या कार्यक्रमात अनेक मोठ्या कंपन्यांनी गुंतवणूक केली आहे आणि त्याचा निधीही दहा लाख डॉलर्सपेक्षा जास्त झाला आहे. आयोजकांच्या मते, अनेक सेलिब्रिटी आणि मोठ्या उद्योगपतींनीही या शर्यतीत रस दाखवला आहे.
ही शर्यत 25 एप्रिल रोजी ‘हॉलीवूड पॅलेडियम’ येथे आयोजित केली जाईल आणि सुमारे 1000 लोक लाईव्ह ठिकाणी ती पाहू शकतील, तर हजारो लोक ऑनलाइन लाईव्ह स्ट्रीमद्वारे ती पाहू शकतील.
.png "Videos"){kind=small}
