पॉपुलर वीडियो कॉलिंग प्लेटफॉर्म Skype लवकरच होणार बंद, कंपनीने केली अधिकृत घोषणा; 'हे' आहे निर्णयाचं कारण
व्हिडिओ कॉलिंग प्लॅटफॉर्म स्काईप अखेर आता बंद होणार आहे. कंपनीने याविषयी आता अधिकृत घोषणा केली आहे. स्काईप 2000 च्या दशकात प्रचंड लोकप्रिय झाला होता. मात्र आता हा प्लॅटफॉर्म बंद केला जाणार आहे. कारण आता स्काईपला पूर्वीसारखी लोकप्रियता दिली जात नाही. त्यामुळे त्याच्या युजर्सच्या संख्येत देखील काही प्रमाणात घट झाली आहे. याच सर्व कारणांमुळे आता कंपनीने हा प्लॅटफॉर्म बंद करण्याचा निर्णय घेतला आहे.
मायक्रोसॉफ्टचा दावा आहे की दररोज 36 दशलक्षाहून अधिक लोक त्यांचे मित्र, कुटुंब आणि सहकाऱ्यांशी संपर्कात राहण्यासाठी स्काईप वापरतात. मात्र त्याची आता त्याची लोकप्रियता पूर्वीपेक्षा प्रचंड कमी झाली आहे. मायक्रोसॉफ्टने हा प्लॅटफॉर्म कधी बंद होणार आहे, याची अधिकृत तारीख जाहीर केली आहे. याविषयी कंपनीने एक पोस्ट देखील शेअर केली आहे. (फोटो सौजन्य – Pinterest)
ब्लॉग पोस्टमध्ये मायक्रोसॉफ्टने सांगितलं आहे की, स्काईप 5 मे 2025 रोजी बंद होईल. स्काईपची वैशिष्ट्ये हळूहळू बंद करत आहे. गेल्या वर्षी डिसेंबरमध्ये, कंपनीने स्काईप नंबर्ससाठी क्रेडिट्स विकणे बंद केले, ज्यामुळे युजर्स कोणत्याही ठिकाणी कोणालाही कॉल करू शकत होते.
2003 मध्ये पहिल्यांदा स्काईप सर्वांच्या भेटीला आले होते. हे व्हॉइस ओव्हर इंटरनेट प्रोटोकॉल (VOIP) प्लॅटफॉर्ममधील सर्वात लोकप्रिय प्लॅटफॉर्मपैकी एक होते. 2011 मध्ये मायक्रोसॉफ्टने स्काईप 8.5 अब्ज डॉलर्सना विकत घेतले. त्यानंतर, टेक जायंटने आयमेसेजशी स्पर्धा करण्यासाठी स्काईपची अनेक वेळा पुनर्रचना केली आणि विंडोज, आता बंद झालेले विंडोज फोन आणि एक्सबॉक्स सारख्या त्यांच्या इन-हाऊस उत्पादनांसह ते एकत्रित करण्याचा प्रयत्न केला. COVID-19 महामारी दरम्यान स्काईपची लोकप्रियता कमी होत गेली.
मायक्रोसॉफ्ट म्हणते की, ‘येत्या काही दिवसांत, आम्ही स्काईप यूजर्सना त्यांच्या स्काईप क्रेडेन्शियल्स वापरून कोणत्याही सपोर्टेड डिव्हाइसवर Teams मध्ये (मोफत) साइन इन करण्याची सुविधा रोल आउट करणार आहोत.’ जेव्हा यूजर्स त्यांच्या स्काईप अकाउंटने Teams मध्ये लॉग इन करतात, तेव्हा चॅट्स आणि संपर्क आपोआप अॅपमध्ये स्थलांतरित होतील.
दरम्यान, मायक्रोसॉफ्ट म्हणते की Teams यूजर्स स्काईप यूजर्सशी कॉल आणि चॅट करू शकतील आणि स्काईप यूजर्सही तेच करू शकतील. जर तुम्हाला Teams मध्ये स्थलांतरित होण्यास रस नसेल, तर मायक्रोसॉफ्ट यूजर्सना त्यांचे चॅट, संपर्क आणि कॉल इतिहास एक्सपोर्ट करण्याची परवानगी देईल.
लोन रिकवरीसाठी आता होणार WhatsApp चा वापर, अशी होणार कर्जाची वसूली! जाणून घ्या सविस्तर
जर तुम्हाला Teams वर स्विच करायचे असेल, तर तुमच्या डिव्हाइसवर अॅप डाउनलोड करा आणि तुमच्या स्काईप क्रेडेन्शियल्ससह लॉग इन करा. आता तुम्ही तुमचे सर्व संपर्क आणि चॅट्स अॅपमध्ये पाहू शकाल. याव्यतिरिक्त, मायक्रोसॉफ्ट म्हणते की विद्यमान स्काईप सदस्य पुढील नूतनीकरण कालावधीपर्यंत त्यांचे स्काईप क्रेडिट्स आणि सबस्क्रिप्शन वापरू शकतील, तर स्काईप डायल पॅड स्काईप वेब पोर्टल आणि टीम्स अॅपमध्ये पेड यूजर्ससाठी उपलब्ध राहील.
.png "Videos"){kind=small}
