तुम्ही देखील ट्रेनने प्रवास करता का? तुमच्यासाठी एक आनंदाची बातमी आहे. आतापर्यंत प्रवाशांना तिकीट बुक करण्यासाठी IRCTC वेबसाइट किंवा अ‍ॅपचा वापर करावा लागत होता. मात्र आता प्रवाशांसाठी एक नवीन आणि चांगला ऑप्शन उपलब्ध झाला आहे. अलीकडेच कंपनीने प्रवाशांसाठी RailOne नावाचे अ‍ॅप लाँच केले आहे. या अ‍ॅपवर तुम्हाला एकाच ठिकाणी सर्व सुविधा मिळणार आहेत. म्हणजेच आता प्रवासी तिकीटापासून ते प्लॅटफॉर्म तिकीटपर्यंत तुम्हाला सर्व सुविधा एकाच ठिकाणी मिळणार आहेत.
इंडियन रेल्वेने RailOne नावाचे एक नवीन अ‍ॅप लाँच केले आहे. या अ‍ॅपच्या मदतीने तिकीट बुकींगपासून रिफंडपर्यंत सर्व सुविधा एकाच ठिकाणी उपलब्ध होणार आहेत. तुम्हाला या अ‍ॅपवरून तिकीट बुक केल्यास एक्स्ट्रा डिस्काऊंट मिळणार आहे. यामुळे प्रवाशांचा फायदा होणार आहे आणि तिकीट देखील बुक केली जाणार आहे. चला तर मग या ऑफरबद्दल जाणून घेऊया. (फोटो सौजन्य – X)
RailOne भारतीय रेल्वेचे एक सुपरअ‍ॅप आहे. या अ‍ॅपमध्ये जुन्या रेल्वे अ‍ॅपचे सर्व फीचर्स तुम्हाला एकाच ठिकाणी मिळणार आहेत. हे अ‍ॅप प्रवाशांचा अनुभव अधिक चांगला करण्यासाठी तयार करण्यात आले आहे. रेल कनेक्ट, UTS, Rail Madad सारख्या अ‍ॅप्समधील सर्व फीचर्स तुम्हाला या एकाच अ‍ॅपमध्ये मिळणार आहेत. याचा अर्थ आता प्रवाशांना वेगवेगळे अ‍ॅप्स वापरण्याची आवश्यकता नाही. तुम्ही हे अ‍ॅप अँड्रॉइड आणि iOS दोन्ही डिव्हाइसवर वापरू शकता.
रेल्वेने लाँच केलेल्या या नवीन अ‍ॅपमध्ये R-Wallet नावाची डिजिटल वॉलेट सुविधा देखील देण्यात आले आहे, ज्याचा वापर करून तुम्ही रिजर्वेशन तिकीट, जनरल तिकीट आणि प्लॅटफॉर्म तिकीट खरेदी करू शकता. जर तुम्ही या R-Wallet चा वापर करून अनरिजर्व आणि प्लॅटफॉर्म तिकिटे खरेदी केले तर तुम्हाला 3% पर्यंत डिस्काऊंट मिळेल. म्हणजेच तुम्ही या अ‍ॅपवरून तिकिटे खरेदी करून तुमचे काही पैसे वाचवू शकता.
.png "Videos"){kind=small}
