Vivo यूजर्सना झटका! कॉम्पॅक्ट फ्लॅगशिप 5G फोन महागला, खरेदी करण्यापूर्वी जाणून घ्या नवी किंमत

Vivo एक्स 300 एफई खरेदी करण्याचा विचार करणाऱ्या ग्राहकांसाठी महत्त्वाची बातमी आहे. कंपनीने या कॉम्पॅक्ट फ्लॅगशिप 5G स्मार्टफोनच्या दोन्ही व्हेरिएंटच्या किमतीत पुन्हा वाढ केली असून, आता ग्राहकांना फोनसाठी अधिक पैसे मोजावे लागणार आहेत.

Vivo यूजर्सना झटका! कॉम्पॅक्ट फ्लॅगशिप 5G फोन महागला, खरेदी करण्यापूर्वी जाणून घ्या नवी किंमत

Follow Us:

Follow Us:

• विवो एक्स 300 एफई च्या 12GB + 256GB व्हेरिएंटची किंमत पुन्हा 3 हजार रुपयांनी वाढून 89,999 रुपये झाली आहे.
• 12GB + 512GB मॉडेलची किंमतही वाढून आता 99,999 रुपये झाली असून, दोन्ही व्हेरिएंट लाँच किमतीपेक्षा 10 हजारांहून अधिक महाग झाले आहेत.
• विवो लवकरच एक्स 300 एफई चे 8GB + 256GB स्वस्त व्हेरिएंट आणण्याची शक्यता असून, फोनमध्ये स्नॅपड्रॅगन 8 जेन 5 आणि 6,500mAh बॅटरी मिळते.

Jio Recharge Plan: 3 नव्या रिचार्ज प्लॅन्ससह जिओचा धमाका! वर्षभराच्या व्हॅलिडीटीसह मिळणार जबरदस्त फायदे, जाणून घ्या किंमत

विवो एक्स 300 एफई ची नवीन किंमत

विवोने मे महिन्यात हा स्मार्टफोन लाँच केला होता. कंपनीने या स्मार्टफोनचे 12GB + 256GB व्हेरिअंट 79,999 रुपयांच्या किंमतीत लाँच केले होते. यापूर्वी कंपनीने डिव्हाईसच्या किंमतीत वाढ केली तेव्हा या व्हेरिअंटची किंमत 86,999 रुपये झाली होती. मात्र आता पुन्हा एकदा स्मार्टफोनच्या किंमतीत 3 हजार रुपयांची वाढ करण्यात आली आहे. सध्या फ्लिपकार्ट आणि विवो वेबसाईटवर या व्हेरिअंटची किंमत 89,999 रुपये दिसत आहे.  (फोटो सौजन्य: Vivo) 

तसेच, स्मार्टफोनचे 12GB + 512GB हे दुसरे व्हेरिअंट 89,999 रुपयांच्या किंमतीत लाँच करण्यात आले होते. अलीकडेच या व्हेरिअंटची किंमत 96,999 रुपयांपर्यंत वाढवण्यात आली होती. मात्र आता फ्लिपकार्ट आणि विवो वेबसाईटवर या व्हेरिअंटची किंमत 99,999 रुपये दिसत आहे. फ्लिपकार्ट आणि विवो वेबसाईटवर बेस मॉडेल लाँच किंमतींच्या तुलनेत 10 हजार रुपयांहून अधिक किंमतीत खरेदी करण्याची संधी मिळणार आहे.

लवकरच येणार नवे व्हेरिअंट

समोर आलेल्या काही रिपोर्ट्समध्ये असं देखील सांगण्यात आलं आहे की, कंपनी लवकरच या स्मार्टफोनचे 8GB + 256GB हे नवीन व्हेरिअंट लाँच करणार आहे. हे कंपनीचे सर्वात स्वस्त मॉडेल्स असू शकतो.

स्कॅमर्सपासून सर्वसामान्यांना मिळणार दिलासा! TRAI ने सुरु केली नवीन नंबर सीरीज, कसा होणार फायदा? जाणून घ्या

विवो एक्स 300 एफई चे स्पेसिफिकेशन्स

स्मार्टफोनच्या फीचर्स आणि स्पेसिफिकेशन्सबद्दल बोलायचं झालं तर, या डिव्हाईसमध्ये 6.31-इंच एलटीपीओ अमोलेड डिस्प्ले मिळणार आहे. या स्मार्टफोनमध्ये 120Hz रिफ्रेश रेट, 5,000 निट्सपर्यंत पीक ब्राइटनेस देखील मिळणार आहे. फोनमध्ये स्नॅपड्रॅगन 8 जेन 5 चिपसेटसह एलपीडीडीआर5एक्स रॅम आणि यूएफएस 4.1 स्टोरेज मिळणार आहे. या डिव्हाईसमध्ये 90W वायर्ड आणि 40W वायरलेस चार्जिंग सपोर्टसह 6,500mAh बॅटरी दिली आहे.

Web Title: Vivo x300 fe price increase again know about new price before buying tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com