Vivo चा भारतात नवा धमाका! तगड्या फीचर्ससह नव्या स्मार्टफोनने केली तुफानी एंट्री, किंमत केवळ इतकी

Vivo Y31T 5G Launched: टेक कंपनी विवोने भारतात एक नवीन स्मार्टफोन लाँच केला आहे. हा स्मार्टफोन मिड-रेंज सेगमेंटमध्ये लाँच करण्यात आला आहे. कंपनीच्या या नवीन हँडसेटमध्ये दमदार चिपसेट, पावरफुल फीचर्स आणि मोठी बॅटरी दिली आहे.

• विवो वाय 31 टी 5जी ची सुरुवातीची किंमत 25,999 रुपये असून हा फोन 6GB+256GB व्हेरिएंटमध्ये 34,999 रुपयांपर्यंत उपलब्ध आहे.
• फोनमध्ये 6.75-इंच 120Hz डिस्प्ले, स्नॅपड्रॅगन 4 जेन 2 चिपसेट आणि 256GB पर्यंत स्टोरेज देण्यात आले आहे.
• स्मार्टफोनमध्ये 50MP कॅमेरा आणि 7,200mAh बॅटरीसह 44W फास्ट चार्जिंगचा सपोर्ट मिळतो.

Vivo Smartphone Launched: विवोने भारतात पुन्हा एकदा धमाका करत एक नवीन मिड-रेंज स्मार्टफोन लाँच केला आहे. कंपनीने लाँच केलेला नवीन Vivo Y31T 5G हँडसेट कंपनीच्या वेबसाईटवर लिस्टिंग लाईव्ह झाल्यानंतर काही दिवसांनी भारतात लाँच करण्यात आला आहे. कंपनीचा हा नवीन स्मार्टफोन मिड-रेंज सेगमेंटमध्ये लाँच करण्यात आला असून त्याची सुरुवातीची किंमत 25,999 रुपये आहे. कंपनीने लाँच केलेले नवीन हँडसेट सध्या विविध ऑनलाईन आणि ऑफलाईन रिटेल चॅनेल्सद्वारे विक्रीसाठी उपलब्ध आहे. चला तर मग, स्मार्टफोनची किंमत, स्पेसिफिकेशन्स आणि त्याचे फीचर्स आता सविस्तर जाणून घेऊया.

WhatsApp Update: व्हॉट्सॲप यूजर्ससाठी नवं फीचर जारी! अनोळखी कॉल्सची मिळणार माहिती, अकाऊंट होणार आणखी सुरक्षित

विवो वाय 31 टी 5जी ची किंमत आणि उपलब्धता

भारतात नवीन विवो स्मार्टफोन 4GB + 128GB, 6GB + 128GB आणि 6GB + 256GB या रॅम आणि स्टोरेज व्हेरिअंट्समध्ये लाँच करण्यात आला आहे. स्मार्टफोनच्या 4GB+ 128GB व्हेरिअंटची किंमत 25,999 रुपये, 6GB + 128GB व्हेरिअंटची किंमत 29,999 रुपये आणि 6GB + 256GB व्हेरिअंटची किंमत 34,999 रुपये ठेवण्यात आली आहे. कंपनी एसबीआय, आयडीएफसी फर्स्ट बँक, ॲक्सिस बँक, येस बँक, एचडीएफसी बँक, बँक ऑफ बडोदा आणि इंडसइंड बँक कार्ड्सवर 1,500 रुपयांचे इंस्टंट कॅशबॅक देखील ऑफर करणार आहे. भारतात हा नवीन स्मार्टफोन फ्लिपकार्ट, विवो इंडिया ऑनलाइन स्टोर आणि दूसरे ऑफलाइन रिटेल चॅनल्सद्वारे विक्रीसाठी उपलब्ध आहे. ग्राहक हा लेटेस्ट लाँच स्मार्टफोन क्रिमसन रेड, गोल्डन मिस्ट आणि सीशोर कलर ऑप्शन्समध्ये खरेदी करू शकतात. (फोटो सौजन्य: Vivo) 

विवो वाय 31 टी 5जी चे स्पेसिफिकेशन्स आणि फीचर्स

नवीन विवो वाय 31 टी 5जी हा एक डुअल-सिम हँडसेट आहे, जो अँड्रॉईड 16 वर आधारित विवोच्या लेटेस्ट ओरिजीनओएस 6 वर चालतो. या स्मार्टफोनमध्ये 6.75-इंच एचडी+ (720 x 1,608 पिक्सेल) एलसीडी टचस्क्रीन दिली आहे, ज्यामध्ये 120Hz पर्यंत रिफ्रेश रेट, 1,250 निट्सपर्यंत पीक ब्राइटनेस आणि 83 टक्के NTSC कलर गॅमेट दिले आहे. टेक कंपनीने दावा केला आहे की, डिव्हाईसला पाणी आणि धूळीपासून संरक्षाणासाठी IP68 + IP69 रेटिंग्स मिळाली आहे.

परफॉर्मंससाठी या स्मार्टफोनमध्ये क्वालकॉमचा 4nm ऑक्टा-कोर स्नॅपड्रॅगन 4 जेन 2 चिपसेट देण्यात आला आहे, ज्यामध्ये 1.95GHz वर क्लॉक्ड सहा एफिशिएंसी कोर्स आणि 2.2GHz ची पीक क्लॉक स्पीड देणारे दोन परफॉर्मंस कोर्स समाविष्ट आहे. यामध्ये 6GB पर्यंत एलपीडीडीआर4एक्स रॅम आणि 256GB पर्यंत यूएफएस 3.1 इंटरनल स्टोरेज देखील देण्यात आले आहे. सुरक्षेसाठी या स्मार्टफोनमध्ये साइड-माउंटेड फिंगरप्रिंट स्कॅनर आणि फेस अनलॉक सपोर्ट देखील देण्यात आला आहे.

स्मार्टफोनच्या कॅमेऱ्याबद्दल बोलायचं झालं तर या विवो डिव्हाईसमध्ये डुअल रियर कॅमेरा सेटअप दिला आहे, ज्यामध्ये 50-मेगापिक्सेल (f/2.0) चा प्रायमरी शूटर आणि 2-मेगापिक्सेल (f/2.4) चा बोकेह सेंसर समाविष्ट आहे. याशिवाय, सेल्फी आणि व्हिडीओ कॉलिंगसाठी या डिव्हाईसमध्ये समोरील बाजूला 8-मेगापिक्सेल (f/2.05)चा कॅमेरा दिला आहे. रिअर कॅमेऱ्यामध्ये नाइट, पोर्ट्रेट, वीडियो, लाइव फोटो, स्लो-मो, टाइम-लॅप्स, प्रो आणि पैनोसारखे मोड्स दिले आहेत.

Raksha Bandhan 2026: फोटोशूटची गरज नाही! Gemini AI वर एका प्रॉम्प्टने तयार करा रक्षाबंधनाचा सुंदर फोटो; सर्वच म्हणतील, व्वा!

विवोने लाँच केलेल्या नवीन हँडसेटमध्ये 44W वायर्ड फास्ट चार्जिंगला सपोर्ट करणारी 7,200mAh बॅटरी दिली आहे. या स्मार्टफोनमध्ये कनेक्टिव्हिटीसाठी 5G, 4G LTE, डुअल-बँड वाई-फाई, ब्लूटूथ 4.2, यूएस बी टाईप सी पोर्ट, जीपीएस, बेईडू, ग्लोनास, गॅलिलिओ आणि QZSS चा सपोर्ट देण्यात आला आहे. ऑनबोर्ड सेंसर्सच्या यादीमध्ये एक्सेलेरोमीटर, एंबियंट लाइट सेंसर, ई-कंपास, प्रॉक्सिमिटी सेंसर आणि जायरोस्कोप यांचा समावेश आहे.