ट्रॅफिक, गर्दी, वारा काहीही असो; WhatsApp कॉलमध्ये आवाज येणार अगदी स्पष्ट… नव्या फीचरमुळे यूजर्सचा अनुभव होणार स्मार्ट

WhatsApp Noise Cancellation: व्हॉट्सअ‍ॅप आपल्या यूजर्ससाठी कॉलिंग अनुभव अधिक चांगला करण्यासाठी नवीन फीचर आणत आहे. या फीचरमुळे व्हॉइस आणि व्हिडिओ कॉलदरम्यान अनावश्यक आवाज कमी होऊन संभाषण अधिक स्पष्ट ऐकू येणार आहे.

• व्हॉट्सअ‍ॅप नॉइज कँसलेशन फीचर सध्या अँड्रॉईड बीटा वर्जन 2.26.14.1 वापरणाऱ्या निवडक यूजर्सना उपलब्ध झाले आहे.
• कॉलदरम्यान नॉइज कँसलेशन आपोआप सुरू होते आणि रिअल-टाइममध्ये बॅकग्राउंड आवाज फिल्टर करते.
• प्रवासात किंवा गोंगाटाच्या ठिकाणी कॉल करणाऱ्यांसाठी हे फीचर विशेष उपयुक्त ठरणार आहे.

मेसेजिंग प्लॅटफॉर्म व्हॉट्सअ‍ॅपचा वापर करणाऱ्या यूजर्ससाठी एक आनंदाची बातमी आहे. मिळालेल्या माहितीनुसार, व्हॉट्सअ‍ॅपमध्ये एक नवीन फीचर जोडण्यात आले आहे. रिपोर्टनुसार, आता व्हॉट्सअ‍ॅपमध्ये नॉइज कँसिलेशन (Noise Cancellation) फीचर जोडण्यात आले आहे. या नव्या फीचरमुळे व्हॉईस आणि व्हिडीओ कॉल दरम्यान बॅकग्राऊंडमधील आवाज कमी होणार आहे. सध्या कंपनीचे हे नवीन फीचर केवळ अँड्रॉईड बीटा यूजर्ससाठी जारी करण्यात आले आहे. असं सांगितलं जात आहे की, लवकरच सर्व यूजर्सना या नवीन फीचरचा वापर करता येणार आहे.

BGMI गेमर्ससाठी खुशखबर! लॉगिनसाठी आता पासवर्डची गरज नाही, WhatsApp करणार मदत

व्हॉट्सअ‍ॅप नॉइज कँसलेशन फीचर

व्हॉट्सअ‍ॅप नॉइज कँसलेशन फीचर कॉलदरम्यान आजूबाजूचा गोंधळ जसे ट्रॅफिक, हवा किंवा गर्दीचा आवाज फिल्टर करतो. सर्वात विशेष गोष्ट म्हणजे ही संपूर्ण प्रोसेस रियल-टाइममध्ये पूर्ण होते आणि कॉलवर बोलताना समोरच्या व्यक्तीला तुमचा आवाज अगदी स्पष्टपणे ऐकू जातो. कंपनीने संगितलं आहे की, या नवीन फीचर कॉलिंगची क्वालिटी सुधारणार आहे.

कोणत्या यूजर्सना मिळणार नवं व्हॉट्सअ‍ॅप नॉइज कँसलेशन फीचर?

रिपोर्ट्सनुसार, हे नवीन फीचर सध्या निवडक अँड्रॉईड बीटा यूजर्ससाठी सुरु करण्यात आले आहे. विशेषत: ज्या यूजर्सकडे व्हॉट्सअ‍ॅपचे बीटा वर्जन 2.26.14.1 आहे, त्या यूजर्सना या नवीन फीचरचा वापर करण्याची सुविधा मिळणार आहे. येणाऱ्या काळात हे फीचर सर्व यूजर्ससाठी उपलब्ध केले जाणार आहे.  (फोटो सौजन्य – Pinterest)

कसं काम करतं नवं व्हॉट्सअ‍ॅप फीचर?

व्हॉट्सअ‍ॅप कॉलिंगदरम्यान नवं फीचर आपोआप अ‍ॅक्टिव्ह होते. त्यामुळे प्रत्येक कॉलिंगदरम्यान यूजर्सना हे फीचर सुरु करण्याची गरज भासत नाही. कॉलिंग स्क्रीनवर याचा पर्याय देण्यात आला आहे. आवश्यकता नसेल तर यूजर्स हे फीचर बंद करू शकणार आहेत. अधिक चांगला अनुभव पाहिजे असेल तर कॉलवर बोलणाऱ्या दोन्ही व्यक्तींनी व्हॉट्सअ‍ॅप नॉइज कँसलेशन फीचरचा वापर करणं गरजेचं आहे. जर केवळ एकच यूजर या फीचरचा वापर करत असेल तर केवळ त्याचाच आवाज स्पष्टपणे ऐकू जाणार आहे. समोरील व्यक्तीच्या व्हॉईस क्वालिटीमध्ये कोणताही बदल होणार नाही.

Jio Recharge Plan: काय सांगता! केवळ 28 दिवस नाही तर संपूर्ण महिनाभर मिळणार रिचार्ज प्लॅनची व्हॅलिडीटी, वाचा सविस्तर

कोणत्या यूजर्सना होणार नव्या फीचरचा फायदा?

हे फीचर अशा लोकांसाठी उपयोगी ठरणार आहे, जे लोक वारंवार प्रवास करतात किंवा गोंगाटाच्या ठिकाणी कॉल करतात. आता रस्ता, बाजार, गर्दीच्या ठिकाणी हे फीचर अत्यंत फायदेशीर ठरणार आहे. कंपनीचे हे नवीन फीचर सर्व यूजर्ससाठी कधी उपलब्ध केले जाईल, याबाबत अद्याप माहिती देण्यात आली नाही.