WhatsApp Update: आता मोबाईल नंबरची गरज नाही! ‘हे’ नवं फीचर दूर करणार यूजर्सची चिंता, नियम आणि अटी जाणून घ्या

व्हॉट्सअ‍ॅप यूजर्सना गेल्या अनेक दिवसांपासून ज्या क्षणाची प्रतिक्षा होती, तो क्षण आता अखेर आला आहे. कंपनी हळूहळू सर्व यूजर्ससाठी नवीन यूजरनेम फीचर रोलआऊट करत आहे. हे नवीन फीचर खास का आहे, जाणून घेऊ.

• नंबर शेअर न करता आता यूजरनेमद्वारे व्हॉट्सअ‍ॅपवर चॅट, कॉल करणे शक्य होणार आहे.
• हे फीचर सध्या काही यूजर्ससाठी उपलब्ध असून लवकरच सर्वांसाठी रोलआऊट होणार आहे.
• यूजरनेमसाठी 3–35 अक्षरे, छोटे अक्षर, अंक, डॉट आणि अंडरस्कोर यांचेच नियम लागू असतील.

गेल्या अनेक दिवसांपासून चर्चा सुरु आहे की, मेटाच्या मालकीच्या मेसेजिंग प्लॅटफॉर्म व्हॉट्सअ‍ॅपसाठी एक नवीन अपडेट जारी केलं जाणार आहे. या नवीन अपडेटअंतर्गत यूजर्सना कोणत्याही व्यक्तीसोबत बोलताना नंबरची गरज नाही. कारण आता यूजर्सना व्हॉट्सअ‍ॅपचे यूजरनेम सेट करण्याचा पर्याय मिळणार आहे. नव्या फीचरबाबत घोषणा करण्यात आल्यानंतर यूजर्सची उत्सुकता शिगेला पोहोचली आहे. आता अखेर कंपनीने हे नवीन फिचर रोलआऊट करण्यास सुरुवात केली आहे. कंपनीचं असं म्हणणं आहे की, या नव्या फीचरमुळे व्हॉट्सअ‍ॅपवरील संभाषण अधिक सुरक्षित आणि सोपं होणार आहे. आता यूजर्सना कोणत्याही व्यक्तीसोबत बोलण्यासाठी त्यांचा नंबर शेअर करण्याची गरज नाही. कारण नव्या यूजरनेमच्या मदतीने कोणत्याही व्यक्तीसोबत बोलणं अधिक सोपं आणि सुरक्षित होणार आहे.

UPI व्यवहारांमध्ये मोठा बदल! १०,००० पेक्षा जास्त रकमेवर १ तासाचा ‘कूलिंग पीरियड’? RBI चा मोठा प्लॅन

व्हॉट्सअ‍ॅप यूजर्सना मिळणार यूजरनेम सेट करण्याची सुविधा

कंपनी त्यांच्या यूजर्ससासाठी आता यूजरनेम सेट करण्याची सुविधा घेऊन आली आहे. या फीचरअंतर्गत यूजर्स त्यांचा नंबर शेअर न करता देखील मेसेज करू शकतात. तसेच व्हॉईस आणि व्हिडीओ कॉल देखील करू शकणार आहेत. कंपनीने जारी केलेले हे नवीन फीचर अँड्रॉईड आणि आयओएस या दोन्ही प्लॅटफॉर्मसाठी उपलब्ध असणार आहे. अद्याप हे फीचर सर्वांसाठी रोलआऊट करण्यात आले नाही. कंपनीने काही ठरावीक लोकांसाठी हे नवीन फीचर रोलाऊट केलं आहे. असं सांगितलं जात आहे की, येणाऱ्या काही आठवड्यांत हे फीचर सर्वांसाठी उपलब्ध असणार आहे.  (फोटो सौजन्य – Pinterest)

केवळ याच यूजर्सना मिळणार नव्या फीचर्सची मजा

WABetaInfo ने शेअर केलेल्या रिपोर्टनुसार, कंपनीने हे नवीन फीचर सध्या केवळ अशा यूजर्ससाठी रोलआऊट करण्याचा निर्णय घेतला आहे, ज्यांनी व्हॉट्सअ‍ॅपचे लेटेस्ट अपडेट डाऊनलोड केले आहे. कंपनीने हळूहळू हे फीचर सर्व यूजर्ससाठी रोलआऊट करणार आहे. यूजर्सना या नवीन फीचरचा वापर करताना आणि कंपनीला हे नवीन फीचर यूजर्ससाठी रोलआऊट करताना कोणत्याही समस्या येऊ नये, असा यामागील उद्देश आहे.

BSNL Recharge Plan: काय सांगता! नव्या प्लॅनमध्ये मिळणार तब्बल 5000GB मंथली डेटा आणि फ्री OTT अ‍ॅप्स, किंमत खिशाला परवडणारी

व्हॉट्सअ‍ॅप यूजरनेमसाठी नियम आणि अटी

तुम्हाला देखील तुमच्या व्हॉट्सअ‍ॅप अकाऊंटसाठी यूजरनेम सेट करायचे असेल तर काही नियम आणि अटींचे पालन करावे लागणार आहे.

• तुमचे यूजरनेम किमान एका शब्दाचे असणे गरजेचं आहे.
• यूजरनेमममध्ये केवळ छोटे अक्षर (a–z), अंक, डॉट्स (.) आणि अंडरस्कोर (_) चा वापर केला जाऊ शकतो.
• यामध्ये 3 ते 35 अक्षरांचा वापर केला जाऊ शकतो.
• यूजरनेमची सुरुवात ‘www.’ ने करू शकत नाही.
• तसेच यूजरनेमचा शेवट ‘.com’ किंवा ‘.net’ सारख्या अक्षरांनी केला जाऊ शकत नाही.