WhatsApp वर लाँच झालं नवं फीचर! आता युजर्स महत्त्वाची चॅट्स ठेऊ शकतील सुरक्षित

अलीकडेच WhatsApp वर Favorites चा पर्याय जोडण्यात आला आहे. ह्या पर्यायामुळे युजर्स त्यांचे महत्त्वाचे आणि आवडते चॅट्स वेगळ्या टॅबमध्ये आणि सुरक्षित ठेऊ शकतात. आपल्याला ऐनवेळी एखाद्या व्यक्तिचा संपर्क शोधायचा असेल तर खूप मेहनत करावी लागते. पण Favorites फीचरमुळे तुमचं हे काम अधिक सोपं होणार आहे.

फोटो सौजन्य- pinterest

Follow Us:

Follow Us:

WhatsApp नेहमीच त्यांच्या युजर्ससाठी काही ना काही खास घेऊन येत असतो. WhatsApp च्या नव्या फीचर्समुळे युजर्सना एक उत्तम अनुभव मिळतो. तसेच काही फीचर्स तर इतके अप्रतिम असतात की युजर्सची कामं अगदी चुटकीसरशी होतात. WhatsApp त्यांच्या युजर्ससाठी दररोज नवनवीन फीचर्स सादर करत आहे. आता अलीकडेच WhatsApp वर Favorites चा पर्याय जोडण्यात आला आहे. ह्या पर्यायामुळे युजर्स त्यांचे महत्त्वाचे आणि आवडते चॅट्स वेगळ्या टॅबमध्ये आणि सुरक्षित ठेऊ शकतात.

हेदेखील वाचा- AI गॅझेट ‘Friend’ झालाय लाँच! तुमचा एकटेपणा दूर करण्यासाठी ठरेल फायदेशीर

WhatsApp ने सांगितलं आहे की, Favorites फीचरमुळे युजर्स त्यांचे महत्त्वाचे आणि आवडते चॅट्स वेगळ्या टॅबमध्ये ठेऊ शकतात. आपल्या फोनमध्ये शेकडो कॉन्टॅक्ट्स असतात. आपल्याला ऐनवेळी एखाद्या व्यक्तिचा संपर्क शोधायचा असेल तर खूप मेहनत करावी लागते. पण Favorites फीचरमुळे तुमचं हे काम अधिक सोपं होणार आहे. तुम्ही तुमचे आवडते आणि महत्त्वाचे चॅटस आणि संपर्क Favorites फीचरमध्ये ॲड करू शकता. त्यामुळे कधीही गरज पडली तर तुम्हाला शेकडो नंबरमधून कॉन्टॅक्ट शोधण्याची गरज भासणार नाही.

हेदेखील वाचा- OnePlus Open ची स्पेशल एडिशन ‘या’ दिवशी होणार लाँच! जाणून घ्या काय आहेत खास फीचर्स

आपल्या फोनमध्ये देखील कॉन्टॅक्ट ॲपमध्ये Favorites फीचर देण्यात आलेलं असतं. आपल्याला ज्या व्यक्तिना सतत संपर्क करण्याची गरज भासते किंवा ज्या व्यक्तिंचे संपर्क महत्त्वाचे आहेत, असे नंबर आपण Favorites फीचरमध्ये ॲड करतो. ज्यामुळे आपल्याला कधीही गरज लागली तर आपण हे नंबर त्वरीत शोधू शकतो. आता असंच फीचर WhatsApp वर देखील लाँच करण्यात आलं आहे. त्यामुळे आता WhatsApp चॅट लिस्टमध्ये तुमच्यासाठी महत्त्वाचे असलेले कॉन्टॅक्ट शोधण्याची गरज भासणार नाही. Favorites लिस्टमध्ये ॲड केल्यानंतर असे संपर्क वेगळे दिसतील.

WhatsApp वर Favorites फीचर सुरु करण्यासाठी खालील स्टेप्स फॉलो करा

• सर्वप्रथम तुम्हाला WhatsApp ओपन करावे लागेल.
• आता तुम्ही WhatsApp ओपन करताच ऑल, अनरीड, फेव्हरेट्स, ग्रुप्स असे चार टॅब दिसतील.
• यामधील फेव्हरेट्स टॅप करावे लागेल.
• आता तुम्हाला Add To Favorites वर टॅप करावे लागेल.
• आता तुम्ही तुमच्या संपर्कांच्या यादीतून तुमच्या महत्त्वाच्या आणि खास व्यक्तींची निवड करू शकता.
• यानंतर, तुम्हाला हिरव्या रंगात दिसणाऱ्या उजव्या चिन्हासह बटणावर टॅप करावे लागेल.
• अआश प्रकारे तुम्ही Add Favorites मध्ये तुमच्या आवडत्या आणि महत्त्वाच्या व्यक्तिचे संपर्क ॲड करू शकता.
• तुम्हाला WhatsApp वर तुमच्या Favorites कॉन्टॅक्टची यादी अपडेट करायची असेल, तर तुम्हाला Favorites टॅबवर क्लिक करावे लागेल.
• आता तुम्ही ज्या संपर्काला या यादीतून हटवू इच्छिता त्यापुढील डिलीट आयकॉनवर टॅप करा.
• नवीन लोकांना जोडण्यासाठी, तुम्ही Favorites जोडा वर टॅप करू शकता.

Web Title: Whatsapp launched new feature users can keep important chats safe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com